Ditzionàriu in línia
de sa limba e de sa cultura sarda

agodíssia , nf: agudíssia, agudítzia, agudítziu Definition su vítziu de bòllere totugantu, de no bòllere lassare nudha a is àteros, a face manna, malammodidu Synonyms e antonyms agudéntzia, apédhiu, arràngulu, asuréntzia, asuria, asurímini, aulimentu, codícia* / atrevimentu Sentences como andhat bolendhe s'agudíssia subra sas alas de sa passione (A.Demontis)◊ ómini chi curris chena studa che un'ispiridau avatu a siendas, cussa est agudítzia de lupu cun is fradis tuus! (S.Mossa)◊ no fuant pagus is chi teniant s’agudítziu de fai su capitanu de su barrucellau ◊ no est cosa de poderare s'agodíssia umana! Translations French ambition, avidité English ambition, avidity Spanish ambición Italian ambizióne, avidità German Ehrgeiz, Gier.

ammossàre , vrb Definition papare a móssigos mannos, pigare a móssigos Synonyms e antonyms addentai, addenticare, iscafitai, monsiare, mòssere Sentences l'ammossat su matzone a mossu licu (P.Casu)◊ mi bidia minoredhu ammossendhe mela birde porrale Etymon srd. Translations French mordre avec avidité English to bite greedly Spanish morder con avidez Italian mòrdere con avidità German gierig beißen.

asuréntzia , nf: asuriéntzia Definition su èssere asuriosos Synonyms e antonyms aggranciúliu, agodíssia, agudéntzia, arràngulu, assurimentu, asuria, asurímini, aulimentu, codícia Sentences fuat in buca de totu sa bidha po s’asuréntzia chi teniat (V.Demuro) Etymon srd. Translations French cupidité, avidité, convoitise English cupidity Spanish codicia Italian cupidìgia German Begierde.

asuría , nf Definition sa maladia o vítziu de no lassare nudha a s'àteru, de bòllere totugantu, gana manna de àere o de papare cosa meda / a. de dinai, de papai Synonyms e antonyms abudesa, agudéntzia, allimimentu, allurpidura, arràngulu, assurimentu, asuréntzia, aulimentu, ingorrosia, iscórporu, isuria, limiore, soria | ctr. bonugoro Sentences s'asuria de pagus est destruendi sa richesa de totus ◊ fiat una bagadia arrica e asuria chi no fiat a dhu nai ◊ apo bidu su demóniu de su male, su demóniu de s’asuria (N.Falconi)◊ de s’esistentza umana est su difetu s’asuria, sa palla e prepoténtzia (E.Masili) Etymon srd. Translations French avidité, goinfrerie English greediness Spanish avidez Italian ingordìgia German Gefräßigkeit.

asurímini , nm: surímine Definition su èssere asuriosos Synonyms e antonyms aggantzadura, aggranciúliu, arrestigore, asuria, aullimentu, cringonia, ingurdoneria, istrintúmene, limiore, susuncúmini / abudesa, agodíssia, agudéntzia, asuréntzia | ctr. bonugoro Sentences maladitus, po una perda de galena, asurímini de meris, pipius sentza de babbu, pipius sentza de pani! (F.Perella) Etymon srd. Translations French avarice, avidité English avarice, avidity Spanish avaricia, avidez Italian avarìzia, avidità German Geiz, Gier.

codícia , nf: (co-dí-ci-a) codíssia, cudíssia, gudítzia Definition disígiu mannu, gana forte de tènnere una cosa, de godimentu Synonyms e antonyms abudesa, agodíssia, agudéntzia, arràngulu, asuréntzia, asuria, limiore / afródhiu 2. teniat sa codíssia de àere unu fizu preíderu ◊ sa codíssia t'ispinghet dogni die piús atesu pro giòmpere a s'arcanu (G.Porcheddu) Etymon spn. Translations French avidité, ambition English ambition, avidity Spanish codicia Italian avidità, ambizióne German Gier, Ehrgeiz.

ingurdonería , nf Definition su èssere ingurdones, su bòllere totugantu, meda, de prus Synonyms e antonyms aggantzadura, allimimentu, asurímini, ingorrosia, iscórporu, limiore, migragna, susuncúmini Sentences cun s'ingurdoneria de àere sempre de piús s'ómine si est ponzendhe sas gangas dai perisse etotu Etymon srd. Translations French avidité English meanness, greediness Spanish glotonería, avidez Italian grettézza, ingordìgia German Knauserigkeit, Gefräßigkeit.

limiòre , nm Definition su èssere limidos, susuncus, sa calidade de is arrestigos Synonyms e antonyms aggrancidúdine, aggranciúliu, arrestigore, asurímini, atzechidúdine, ingurdoneria, istrintúmene, susuncúmini Sentences lampu, cusse est su limiore fatu a ómine! ◊ lampu a limiore chi zughet cussu: mancu abba ti daet! Etymon srd. Translations French avarice, avidité English avarice, greediness Spanish avaricia, avidez Italian avarìzia, avidità German Geiz.

soría , nf: suria Synonyms e antonyms abudesa, agodíssia, allurpidura, arràngulu, asuria, aulimentu, limiore | ctr. bonugoro Sentences ne tropu ispendhas ne apas suria! Etymon srd. Translations French avidité English avidity Spanish avidez Italian avidità German Gier.

spédhiu , nm: ispédhiu*, sprédhiu Definition disígiu mannu Synonyms e antonyms abbramu, apédhiu, apéliu, birbílliu Sentences tengu tropu spédhiu de dha torrai a biri! ◊ no si transiat de s'iscannu, no ammostada spédhiu ne ispantu ◊ tenemu spédhiu de artziai ◊ biu su spédhiu suu po su tempus passau ◊ ispintu de su spédhiu andu ◊ su spédhiu ponit scinitzu Translations French avidité, désir English longing Spanish nostalgia, ansiedad, codicia Italian nostalgìa, ansietà, bramosìa German Sehnsucht, Begierde.