A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

óspili óspile

óspinu , nm Definizione genia de erba chi faet in s'abba, unu pagu pitzigorosa, bona a insalada Sinonimi e contrari acione, giúgiuru, grúspinu*, íspini, martutzedhu, mastrutu, nartussu Terminologia scientifica rbz, Nasturtium officinale.

ospiòne , nm: ispione* Sinonimi e contrari aporridore, medianeri, uspia.

ospisóspis , avb Frasi essiat dae bidha a su primu postale ma, imbetzes de partire, ospisospis si ch'essiat a su terrenedhu suo (A.Satta).

ospítziu , nm Definizione logu, locale inue acasàgiant gente bisongiosa, bècia, sola Traduzioni Francese hospice Inglese hospice Spagnolo hospicio Italiano ospìzio Tedesco Heim.

òssa , nf Definizione is ossos Sinonimi e contrari ossamenta Etimo ltn. ossa.

ossàja, ossàju , nf, nm: ossarju Definizione genia de frundhagu o depósitu asuta de terra inue chistint is ossos de is mortos, betaos a muntone, in campusantu Sinonimi e contrari ossera, óssica.

ossàju 1 , nm Definizione maistu chi faet trebballos de ossu Etimo srd.

ossàmene , nm: ossàmine, ossàmini Definizione is ossos, ossos de animales, de gente Sinonimi e contrari ossamenta / cdh. ussàmini Frasi in su pàtiu bi ant lassadu ossàmine de berveghe Etimo srd. Traduzioni Francese os, ossements Inglese bones Spagnolo huesos, osamenta Italiano òssi, òssa, ossame Tedesco Knochen.

ossamènta , nf Definizione is ossos, totu is ossos de sa carena (de gente, de animale) Sinonimi e contrari ossàmene, ossigaza Frasi s'ossamenta de su porcu salida si faghet a piscadura cun erbuzu Etimo srd.

ossaméntu , nm Definizione totu is ossos de sa carena po comente funt intraos apare s'unu cun s'àteru Sinonimi e contrari carasu Etimo srd. Traduzioni Francese squelette Inglese skeleton Spagnolo esqueleto Italiano schèletro Tedesco Skelett, Knochengerüst.

ossàmine, ossàmini ossàmene

ossàri , agt Definizione dhu narant de una genia de untúrgiu Terminologia scientifica pzn Etimo srd.

ossàrju ossàja

ossàssi , nm Definizione iscova de argiolas o mundha domos, una genia de erba linnosa, fragosa, bona po iscovas e po auscare porcos Sinonimi e contrari alacasu, bronzedhu, calacasu, cocici, locasu, lucrexu, mummueu, spinedopis Terminologia scientifica rbl, Stachys glutinosa Etimo srdn.

osselínu , nm Definizione ossu de linu, sa parte tostada de su linu chi ogronandho candho est àrridu che andhat a orrughedhos Etimo srd.

osséllu , nm Definizione papare, ou cotu in bagna cun chibudha Terminologia scientifica mng.

osselvàre , vrb: osserbare, osservai, osservare Definizione castiare bene, cun atentzione, a manera de bíere totu de una cosa e pruschetotu su chi si cricat; arrespetare unu cumandhamentu, una lei Sinonimi e contrari abbadiai, abberguare, castiai, selvare / arraspetai 2. e tui, chi ses bonu, osserva su cuntratu chi tenis cun Deus e fai che a su samaritanu! Etimo itl. Traduzioni Francese observer Inglese to observe Spagnolo observar Italiano osservare Tedesco beobachten.

ossèra , nf Definizione in is campusantos, logu inue arrimant e chistint ammuntonaos is ossos de is mortos, candho che dhos bogant de is tumbas; muntone de ossos Sinonimi e contrari ossaja, óssia, óssina Frasi como chi est mortu, in s'ossera no tenet diferéntzia ◊ tristu e mudu mi at paradu su bídere sa foresta che un'ossera ◊ cancunu at arrogau sa porta de sa domu de s’ossera po ndi bogai una carròcia 2. in pag'ora cudhos canes fint furriados totu a un'ossera, totu mortos Etimo ctl. ossera Traduzioni Francese ossuaire Inglese ossuary Spagnolo osario Italiano ossàrio Tedesco Ossarium.

osserbadòre , agt, nm Definizione chi o chie osservat Sinonimi e contrari allampiadore, averiguadore.