oscuressída , nf Definizione su oscuressire, su si fàere iscuru, note Sinonimi e contrari inchinadorzu, interinada, intríchinu, iscuricada, iscurigadolzu | ctr. abbréschida Etimo srd.
oscuressíre , vrb Definizione essire iscuru, note, iscurigare Sinonimi e contrari iscurèssere*, iscorigai | ctr. abbrèschere.
oscurèssiri oscurèssere
oscurósu , agt Sinonimi e contrari iscuricosu Frasi già sunt bellas sas rosas!… tue pro assufrimentu ndhe tenes duas oscurosas!
ósi, osíe , avb: goe Definizione in custa manera, de sa manera chi seo naendho geo, chi aus nau comogomo Sinonimi e contrari aggae, aggoi, aici, bosie*, dedeoi Frasi tempus meda fia osie gioga gioga, rie rie (P.Mossa)◊ si ponias mente a mie, candho benit cuss'unu, nara osie!
ospedàgiu , nm: ospedazu,
ospidàgiu Definizione
su acasagiare sa gente, su dha pigare o fàere intrare a domo
Sinonimi e contrari
acasàgiu,
acollozu,
ospedu
Frasi
est bénnidu a bidha e dadu li amus ospedazu ◊ postu lis do, ospedàgiu e libbertade
Etimo
ctl., spn.
hospedatge
Traduzioni
Francese
hospitalité
Inglese
hospitality,
lodging
Spagnolo
hospedaje
Italiano
allòggio,
ospitalità
Tedesco
Beherbergung,
Gastfreundschaft.
ospedài , vrb: ospedare Sinonimi e contrari
acasagiai,
acolligire,
allogiai,
aposentae
Frasi
l'imbenit chi ti cheres picare s'ampramau de mi pònnere su tzitu, ma timo chi sias ospedandhe in locu malu!…◊ in domo sua fit rara sa die chi no bi ospedabant duas o tres pessones de foras
Etimo
ctl., spn.
Traduzioni
Francese
héberger,
loger
Inglese
to lodge
Spagnolo
hospedar
Italiano
albergare,
alloggiare
Tedesco
beherbergen.
ospedàli , nm: ospidale, ispidale*, uspidale Definizione logu cuncordau de pòdere tènnere e curare malàidos Frasi in s'ospidali de Marsíglia su plus sanu teniat sa frisciura in conca de letu…
ospedàre ospedài
ospedàzu ospedàgiu
ospedéri , agt Definizione chi giaet o faet acasàgiu Sinonimi e contrari acasazadore, acasazajolu, acatosu Etimo srd.
ospédu , nm Sinonimi e contrari acasàgiu, acollozu, ospedàgiu Frasi ant a chie lis dat ospedu, in logu anzenu.
ospía , nf: ispia*, uspia Definizione chie traighet s'àteru iscoviandho su chi ischit a un'inimigu, a chie dhi bolet male Sinonimi e contrari aporridore, bugoni, coni, medianeri.
ospiàre , vrb Definizione istare a s'abbàida abbàida, cricandho Sinonimi e contrari iscocai, oretare Frasi su pitzinnu est ospiandhe sas tupas chircandhe gàrdulas (M.A.Pala)◊ de ite l'ischides chi at fatu gai si no l'azis ospiadu?
ospidàgiu ospedàgiu
ospidàle ospedàli
ospiladúra , nf Definizione su ospilare Etimo srd.
ospilàre , vrb Definizione acorrare o isserrare in s'óspile, intrare su bestiàmene a s'óspile e fintzes cuare bestiàmene Etimo srd.
óspile , nm: óspili Definizione logu a pàsculu serradu abbandha, intro de una tanca; bigrile, logu abbandha pro seberare sos bitellos; logu malu irbandhonadu puru; bóidu mannu in sas rocas, logu chi istat meda in umbra, friscu, fintzas logu malu Sinonimi e contrari cungiau, bàllizu / begrile / gruta, pèlcia / corbarju, umbrine Frasi custos óspiles sunt tancaos a istupos de tiria ◊ fipo ghetandhe a s'óspile pro mi brusiare restichedhos de frasca de méndhula 2. s'aggorru de sas crapas fit in d-un'óspile a crisuras naturales lacanandhe a su monte 3. is matas crescent peri in is óspilis prus malos.
ospilèsa , nf Definizione its, ospedàgiu? de óspile? (nau de su logu) Frasi e passados che sunt sos menzus annos in cussu mundhighedhu, in s'ospilesa ammajadora, e tanta bellesa li at fatu ismentigare sos ispannos (F.Murtinu).