disócu desógu
disocupàdu , agt, nm: disocupau Definizione nau de ccn., chi est chentza un'impreu, chentza trebballu, chentza postu Sinonimi e contrari disabbutu, disimperau, ibbàidu, ilvioladu.
disocupài, disocupàre , vrb Definizione lassare chentza impreu, bogare de postu Sinonimi e contrari caciare, dipaciare, disgagiai, lissentziare.
disocupatziòne, disocupatziòni , nf Definizione su èssere chentza triballu, chentza impreu, chentza postu Sinonimi e contrari disimpreu.
disocupàu disocupàdu
disogài desogài
disógu desógu
disòndra desònra
disondràre , vrb Definizione nàrrere o pònnere male de unu ofendhendhodhu in s'onore Sinonimi e contrari desdorai, disonorai, innorare Frasi no ti lasses disondrare!
disonestàde, disonestàdi , nf Definizione
farta de onestesa, su èssere malos, fàere cosas chi ofendhent s’àteru o chi dhi faent dannu
Sinonimi e contrari
disonestidade
| ctr.
onestade
Frasi
sa disonestadi no pagat mai! ◊ sa disonestade púbblica est causada dai sa privada, sa disonestade de sas vidhas est causada dai sa disonestade de sas famílias e custa dai sa malíscia de sas persones! ◊ chie de s'anzenu tenet brama cheret vívere de disonestade (A.Puddu)
Traduzioni
Francese
malhonnêteté
Inglese
dishonesty
Spagnolo
deshonestidad
Italiano
disonestà
Tedesco
Unehrlichkeit.
disonestidàde, disonestidàdi , nf Sinonimi e contrari disonestade | ctr. onestade.
disonéstu , agt, nm Definizione
chi est giau a su malu fàere
Sinonimi e contrari
delincuente,
indilichidu,
malafatore,
malu
/
cdh. disunestu
| ctr.
onestu
Frasi
cussos sunt prenos de disizos disonestos ◊ ndi faint de mangiucus disonestus!…
2.
a su pòburu proibbiu as dogna festa, ladrona ses istétia e disonesta! ◊ unu pòburu onestu balit prus de su disonestu chi possidit milliardus (S.Ulleri)
Traduzioni
Francese
malhonnête
Inglese
dihonest
Spagnolo
deshonesto
Italiano
disonèsto
Tedesco
unehrlich.
disonoràdu , pps, agt Definizione de disonorare; chi dh'ant oféndhiu in s'onore: nau de fémina, chi at fatu su burdu Sinonimi e contrari ingannadu.
disonorài, disonoràre , vrb Definizione
leare s'onore, ofèndhere in s'onore
Sinonimi e contrari
desonrai,
disondrare
/
ingannai
2.
fiza mia, ista atenta a sos ómines ca funt semper in crica de disonorare sas féminas! ◊ cudhu cheriat sa pitzinna pro la disonorare, ma issa pro no pèrdere s'unore no bi at adduidu
Traduzioni
Francese
déshonorer
Inglese
to dishonour
Spagnolo
deshonrar
Italiano
disonorare
Tedesco
entehren.
disonòre, disonòri , nm: disunore Sinonimi e contrari
desonra
Frasi
a sos brutales delitos induet persones chi ant sensu e ant valore e cun facilidade los riduet a s'iscandhulizire in disonore ◊ disonore fit a rúghere traitu dae sa cumarca ◊ mi parit ca no est unu disonori a fai su pastori! ◊ no mi fatzas arrui in disonori!
Traduzioni
Francese
déshonneur
Inglese
dishonour
Spagnolo
deshonor
Italiano
disonóre
Tedesco
Schande.
disòra , avb Definizione
fora de s'ora adata o giusta, a trigadiora, in ora chi no andhat bene: s'impreat sèmpere cun sa prep. a e si narat mescamente in su sensu de apustis de s'ora sua / a oras e a disoras = in calesisiat ora
Frasi
torro a domo a disora: sa lughe insegus lasso cun amigos in festa (G.M.Cherchi)◊ su pudhu est cantandhe a disoras ◊ no andhes a disora ca no ti lassant intrare ◊ no torres a disora ca manzanu depimus pesare chito! ◊ sos istranzos sunt bénnidos a disora
Etimo
spn.
Traduzioni
Francese
horaire inopportun
Inglese
out of time,
after hours
Spagnolo
deshora
Italiano
fuòri oràrio
Tedesco
außer der Zeit.
disordinàu , agt Definizione atrupelliau, betau o postu a tréulu; chi no arrespetat s'órdine Sinonimi e contrari atrupelliau, irregradu, isbaratadu, malechischiau, scurrégidu.
disórdine, disórdini , nm Definizione cumportamentu o cosa posta o fata chentza régula Sinonimi e contrari abbolotu, algadaria, atrupégliu, impródhiu, mugoni, tregollu, trobodhu / cdh.disóldini | ctr. órdine Cognomi e Proverbi prb: s'atzarodhu e su trobedhu funti parentis de su disórdini.
disorganizài, disorganizàre , vrb Definizione isconciare s'órdine, sa cosa bene posta o bene fata.
disorganizàu , pps, agt Definizione de disorganizare; fatu male, betau a s’afaiu, chentza critériu.