A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

atocàda , nf Definizione su atocare, su giare atocu, apedhu Sinonimi e contrari apédhida, apedhu, atocu, bàulu, tzàulu Etimo srd.

atocadòlza atacadòlza

atocadòri , nm Definizione prus che àteru, pastore, angionàrgiu, cun s’impreu de giare s’atocu, de furriare su bestiamenedhu custodiandhodhu Sinonimi e contrari agnonàrgiu Etimo srd.

atocadòrza atacadòlza

atocài, atocàre , vrb Definizione su guguliare chi faent is canes, is gugúlios chi faent candho intendhent atesu àteros canes guguliandho o apedhandho; fàere atocu, atóchida; abboghinare che is canes, giare atocu, nàrrere cosa a ccn. fintzes a briga, a boghes; giare ifadu Sinonimi e contrari alloroscare, apedhae, arrulliai, aciaulai, baulai, imbauai, inciauai 2. candho fit massajada, sa Sardigna produiat meda: como l'atocant "Sardigna brujada" Etimo srd. Traduzioni Francese aboyer Inglese to bark Spagnolo ladrar, aullar Italiano latrare Tedesco kläffen.

atocatòca , avb Definizione su istare atocandho, su giare atocu / istare a. = istare a atóchidas, istare nendhe e dendhe ifadu, dare s'atóchida a tropu Frasi est a s'atocatoca cun megus pro li fàghere cussa faina Etimo srd. Traduzioni Francese plusieurs fois Inglese again and again Spagnolo repetidamente Italiano ripetutaménte Tedesco wiederholt.

atochiàre , vrb: atzochiare, atzuchiare Definizione tzucare, andhare o intrare a unu logu cun fuliesa e fortza, prus che àteru po fàere male, furare Sinonimi e contrari lòmpere Frasi su marzane fit a rodeu in chirca de atzochiare a sos crapitos ◊ issu fit sèmpere su primu a atzochiare a mesu de s'abbolotu Traduzioni Francese faire irruption Inglese to break into Spagnolo irrumpir Italiano irrómpere Tedesco eindringen.

atóchida , nf Definizione genia de apédhidu de su cane Sinonimi e contrari atocu Frasi su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Terminologia scientifica bga Etimo srd. Traduzioni Francese aboiement Inglese barking Spagnolo ladra, ladrido Italiano abbaìo, canizza Tedesco Bellen.

atochidài, atochidàre , vrb Definizione giare o fàere s’atóchida; betare boghe, tzerriare, o fintzes giare cropos comente faet su coro Sinonimi e contrari atocare, atochire Frasi atochidadu ant sos úrtimos ninnados morindhe in sa serina tóchidos de campana (S.Baldino)◊ su reixedhu andat a cassa e cudhus canis atochidànt, tzaulendu, tzaulendu! 2. "Si podit, oh?!" iat atochidau me in s'eca ◊ at atochidau po si fai intèndiri 3. in su petus atóchidat su coro chircandhe pasu in custa note fea (S.Murgia Niola)◊ su coru mi atóchidat a forti a forti Etimo srd.

atochíre , vrb Definizione giare o fàere s’atóchida, apedhare Sinonimi e contrari atochidai Frasi cussos bracos s'avisant atochindhe e si cumprendhent a sa mira Etimo srd.

atócu , nm Definizione su apedhare de is canes; su chi si narat a boghes, a unu, po dhu fàere mòvere a calecuna cosa / dare o betare s'a. a unu = abboghinare, brigare a unu, betare una boghe donzi tantu Sinonimi e contrari apédhida, apedhu, atóchida, bàulu, tzàulu / aciocu Frasi sos canes chi bidiant a Predu no li betaiant su mínimu atocu ◊ catziendhe, comintzat sa tempesta de canes e canalzos, atocos e isparos ◊ ístabbi fitivu tzochendhe, in gialdinu, e de tantu in tantu dae s'atocu a sos puzones! Etimo srd. Traduzioni Francese aboiement Inglese barking Spagnolo ladridos Italiano abbaìo, canizza Tedesco Bellen.

atodociàe , vrb Definizione essire todoci, ingrussare e ingrassare de carena Sinonimi e contrari atruntzedhare Etimo srd.

atoedhàu , agt Definizione nau de cosa chi creschet a sola, essire a tuedha, naschire craca, a tupighedha Frasi su cardulinu, segundhu sa calidade, essit atoedhau.

atofàre , vrb Definizione fàere a tofu Etimo srd.

atogadúra , nf: atzogadura Definizione su atogare Sinonimi e contrari aggangadura, atzoga Etimo srd.

atogaméntu , nf Definizione genia de tupamentu (a su nasu, a su gúturu) chi no lassat torrare àlidu, chi no lassat respirare bene Sinonimi e contrari atogadura Frasi s'atogamentu no lu lassat drommire Etimo srd.

atogàre ataogàre

atògia , nf: atoza, tògia* Definizione pigighedhu de cosa, de sola Sinonimi e contrari tígia.

atógnu , nm: atóngiu, atonzu, atúngiu, atunzu, otóngiu Definizione s’istagione a coa de annu, de su binti tres de cabudanni a su bintiunu de nadale, intremesu de istade e ierru / intrare, essire s’a. Sinonimi e contrari atongile / cdh., ttrs. atugnu Frasi eco s'atunzu, solu àlbores ispozos e abba, bentu, lentore, traschia (M.Nikodimocih)◊ est atonzu: sas dies sunt comintzandhe a s'incurtziare ◊ a sa scoada de s'atóngiu custumat a èssi frischixedhu ◊ istadi o ierru, atóngiu o beranu, issu fut sèmpiri isganiu Cognomi e Proverbi prb: atóngiu ispiliu, bacàrgiu famiu Terminologia scientifica tpc Traduzioni Francese automne Inglese autumn Spagnolo otoño Italiano autunno Tedesco Herbst.

atolàre , vrb Definizione nau mescamente de aperturas, serrare (e pònnere s'istanca o tola) Sinonimi e contrari cugnare, serrai, tancare | ctr. abbèrrere Frasi atola za zanna! 2. sas ventanas sunt atoladas, su logu est atoladu e iscurosu (A.M.Pala).