A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aputzàre , vrb Definizione disigiare fémina o ómine, fintzes disigiare àteru Sinonimi e contrari ampuare 1, chèrrere, cubire, disigiai Frasi cussu zòbanu est aputzandhe a sa fiza de Fulanu.

apuzadúra , nf Definizione disígiu mannu, forte Sinonimi e contrari ampuadura, apuzu, insuamentu, lusca / agodíssia, codícia Etimo srd.

apuzonadúra , nf: puzonadura* Definizione su apuzonare Sinonimi e contrari brotadura, pillonadura / aggajadura, teníngiu, tentura 1.

apuzonàre , vrb Definizione nau de is matas, de is linnas, bogare pigionatzos, cambos noos; nau de bestimentu o de orrobba, fàere is puzones, is pinnigas o gajas apostadamente, totu paríviles, po bellesa / a. unu sacu = atururare sa buca, collire apare sos oros afissos pro lu prèndhere Sinonimi e contrari afroghedhare, apillonai, apuzonire, brionire, brotai, brundhire, puzonire, rampudhire / aggajai, atavellai, infrinzire Etimo srd.

apuzonónzu , nm Sinonimi e contrari aggajadura, apuzonadura, teníngiu Etimo srd.

apuzósu , agt Definizione chi tenet apuzu, disígiu mannu, gana forte Sinonimi e contrari alibridu, alluscau, aulidu, inganatzidu, spedhiosu Etimo srd.

apúzu , nf Sinonimi e contrari ampuadura, apuzadura, insuamentu, lusca / agodíssia, codícia Etimo srd.

àra àbra

àra 1 , nf Definizione su semenadu Sinonimi e contrari aracioni Frasi s'ara de cust'annu est andhada bene Etimo srd. Traduzioni Francese terrain semé Inglese sown land Spagnolo sembrado Italiano seminato Tedesco Saatland.

àra 2 , nf, nm: aru Definizione bàculu; nae frochidhada po pigare crispiones, malesa ispinosa segada; nae de linna chi si ponet po apuntedhare cosa prantada (es. pisu, tamatas o àteru) Sinonimi e contrari arradicra, cerboni, ladicra, ràdica 1, vara* Cognomi e Proverbi smb: Ara, Aru, Arus.

arabbescài, arabbescàre , vrb Definizione fàere a figuras de genia àrabba siat a pintura o de àtera manera Traduzioni Francese décorer d'arabesques Inglese to decorate with arabesques Spagnolo adornar con arabescos Italiano arabescare Tedesco mit Arabesken verzieren.

aràbbicu , agt Sinonimi e contrari aràbbiu.

aràbbiu, àrabbu , agt Definizione chi est de is Àrabbos, chi pertocat s'Aràbbia Sinonimi e contrari aràbbicu Frasi semus peus de sos aràbbios: no tenimus una crésia in custa bidha! Etimo itl. Traduzioni Francese arabe Inglese arabian Spagnolo árabe Italiano àrabo Tedesco arabisch.

arabòra! , iscl Definizione a. at a èssere! = giai at a èssere deasi, fàcile chi siat própriu deasi! Sinonimi e contrari aliali!

aracàna , nf Definizione foedhu antigu: in Tonara, bestiredhu longu po pipios fatu a bisura de gunnedha.

araciòni , nf: arassone, aratzone, aratzoni Definizione sa terra arada, prena a laore, totu su semenau, s'incúngia / fai s'aracioni = semenare totu su laore, triballare una terra a mesapare Sinonimi e contrari ara 1, aróngiu, laorera, zuaria Frasi Antiogu est essiu po andai a bí s'aracioni ◊ bandu cun babbu a bí s'aracioni e totu su chi eus prantau 2. chi iscapu su cuadhu, gei mi dhu fait s'aracioni, in s'ortu, cun is peis!… Terminologia scientifica msg Etimo ltn. aratione(m).

aradàdhu , nm: aradhu, aragadhu, argadhu Definizione sa crosta chi si dhue faet in sa pipa, in is carradas (genia de sales chi faent is binos); su brutore chi faet sa carre candho unu est de meda chentza samunau; runza carrada, cosa groga e tostada chi ponet a is dentes in is imbagas Sinonimi e contrari aggaradhu, cacaradhu, cragadhu, làdharu, lorra, muga, radhu, telaguba Frasi padedhas e frissiolos zughiant s'aradhu e benemindhe! 2. zughet s'aradhu in dentes ca no si las pulit Traduzioni Francese tartre Inglese encrustation, tartar Spagnolo tártaro Italiano grómma, tàrtaro Tedesco Weinstein, Zahnstein.

aradédhu alidédhu

aradéri , agt, nm Definizione chi o chie arat Sinonimi e contrari aradore, aringeri Etimo srd.

aradhadòre , nm Definizione genia de aina chi serbit in sa forredha po aconciare o tocare su fogu Sinonimi e contrari palita, ziradore Terminologia scientifica ans Etimo srd.