Ditzionàriu in línia
de sa limba e de sa cultura sarda

abbandhonàre , vrb: abbandonai, abbannonare, abendonai Definition lassare istare una cosa, unu logu, a unu, a tempos longos chentza si ndhe incurare, lassare in abbandhonu Synonyms e antonyms disamparai, discuidai, irbandhonare, lassai, sbandonai, scabidai | ctr. contifizare Sentences ca non lis lasso benes ne dinari mi ant in custu modu abbandonadu (C.Longu)◊ t'ibetat su coru chi as abendonau ◊ is basciuresus no ant a abbandonai custu logu! ◊ sa vida est acabbada si mi abbandhonas tue! ◊ mancu nci pentzist: dèu no ti abbandonu! ◊ nariant ca po che bogare sa miséria su rimédiu fuit de abbannonare s'agricoltura Etymon itl. Translations French abandonner, quitter, négliger English to leave, to neglect Spanish abandonar Italian abbandonare German verlassen.

abbandhónu , nm: abbandonu Definition su lassare cosa o gente chentza dha cricare prus, a comente bolet andhare, a comente andhat andhat Synonyms e antonyms descuidu, disamparu, irbandhonu, scabudu | ctr. contibizu, incuru Sentences lassare in abbandhonu ◊ mi est pena su bi crere, mi est afannu pensendhe chi mi at postu in abbandhonu ◊ sa Sardigna cheriat pretziada, invece de l'àere posta in abbandhonu! Etymon itl. Translations French abandon English abandonment Spanish abandono Italian abbandóno German Verlassen.

dassàre , vrb Definition abbarrare o istare a su chi bolet fàere s'àteru, arrimare o abbandhonare po pagu o po sèmpere, iscuncordare Synonyms e antonyms abbandhonare, acadiare, acogiai, cambare, codiare, coigiare, discuidai, ilmentigare, incoizare, lassai, scabidai | ctr. leai, picare Sentences at dassau sa trata de sos pedes suos ◊ su masone dassat sa mandra pro su paschinzu ◊ ses cúrrida a sa gianna dassendhe sa faina ◊ dàssalu irbasolare, chin custos issudhos chi si nch'est cravandhe in conca! ◊ si no cheres bènnere dàssalu! ◊ como bos dasso ca mi che so recuindhe ◊ no mi dassetas solu! 2. cussos duos fint ammorendhe tantos annos e apustis si sunt dassados Etymon ltn. de + laxare Translations French laisser, quitter English to leave Spanish dejar Italian lasciare German lassen, verlassen.

disampàru , nm Definition mancàntzia o farta de amparu, de contivígiu Synonyms e antonyms abbandhonu, descuidu, scabudu | ctr. amparu Sentences nosus seus cudhus calaus in su duamila, casi in s'erari de su roncali, esémpiu de disapegu e disamparu Etymon spn. Translations French abandon English abandonment Spanish desamparo Italian abbandóno German böswilliges Verlassen.

fidài , vrb: fidare, firai Definition crèdere, giare fide; lassare a unu o una cosa chentza dhi giare atentzione a sa sighia, chentza dha castiare, chentza pentzare in su malu; nàrrere o giare a ischire cosa a persona chi si credet segura, chi giughet capia, chi mantenet su segretu Synonyms e antonyms intregai Idioms csn: fidare una cosa in manos de unu, fidare a unu cun àtere = intregai, lassai una cosa a unu, lassai a unu cun carchi àteru (pruscatotu pro dhu castiai); est malu fidare a… = no fait a si fidai de…, est perigulosu a…; fidai is pudhas a marxani = pònnere su grodhe a tentare sos anzones, comporare casu dae sos sórighes, chircare seguresa o bene in chie ti traighet, in chie tenet s’iscopu de ti fàghere male Sentences ello cun chie mi cherzo fidare, giaghí fide in nisciunu si agatat?! (P.Pisurzi)◊ comintzas s'anzone a lusingare si si fiderat chi t'intrat in manu (Carta)◊ no ti fides in cussa nae ca si che podet segare! ◊ nosu bellus e prexaus ca tenaiaus una poriga de iscudus allogaus… bai e fidadidha! ◊ no fait a si fidai de sa buca a su nasu ◊ como su pisedhu za ch'est mannu e abbistu e faghet a li fidare sa màchina 2. lah chi no dhu fidis a Cappai, sinò in pagu tempus ti dhu mànciat! ◊ tenia cosa in su fogu, mi so fidada e brusiada mi ch'est ◊ pro ti àere fidadu unu mamentu ses diventada un'ebba rude! ◊ no faghet a fidare sa laghinza, ca si ch'essit de su cunzadu ◊ su mastru at fidadu sos pisedhos solos e si sunt totu postos a brincare ◊ custa criadura no l'at fidada un'iscuta, a sa mama, timindhe chi si che andhet 3. si as bisonzu de cossizos, abbàida cun chie ti fidare! Surnames and Proverbs prb: a cani chi papat cinixu no dhi fidis su lardu Etymon itl. Translations French avoir confiance, confier English to trust, to entrust Spanish confiar Italian fidarsi, affidare German sich verlassen auf + Akk., anvertrauen.

irbandhonàdu , pps, agt Definition de irbandhonare; chi est in abbandhonu, lassau a comente bolet andhare, chi no est tentu contu, iscabudau Synonyms e antonyms ilbandhonidu, iscóndhiu, ismeriadu | ctr. contivizadu Translations French abandonné English abandoned, careless Spanish abandonado, desamparado Italian abbandonato, trascurato German verlassen, vernachlässigt.

irbandhonàre , vrb: sbandonai Definition lassare cosa, logu o gente in abbandhonu, chentza custodiau, chentza ndhe fàere contu Synonyms e antonyms abbandhonare, disamparai, discuidai, lassai, scabidai | ctr. contifizare Sentences mischinedha, sa catedha de númene no ndh’at, ca l’ant irbandhonada dae candho fit minore ◊ custas olias las ant irbandhonadas, chentza pudadas e ne irfruedhadas prus Translations French abandonner, négliger English to leave, to neglect Spanish abandonar Italian abbandonare, trascurare German verlassen, vernachlässigen.

irbandhónu , nm Definition su iscabudare, su no tènnere o no èssere tentu contu, trebballau, contivigiau Synonyms e antonyms abbandhonu | ctr. contibizu Sentences totu in irbandhonu est, cussu possessu: unu tempus pariat unu zardinu e como est prenu de rú Translations French abandon English neglect Spanish abandono, desamparo Italian abbandóno German Verlassen.

issimizídu , agt, nm Synonyms e antonyms abbandhonadu, assoladu, isputzidu Sentences cudhu ch'innetaiat sa carena a lebbrosos e a issimizidos chi fint dai totu isputzidos ant mortu cun manna mia pena! Translations French abandonné, délaissé English forlorn Spanish desamparado, abandonado Italian derelitto German verlassen.

scabúdu , nm Definition su scabudai, su lassare in abbandhonu Synonyms e antonyms abbandhonu, descuidu, disamparu | ctr. contibizu Sentences chi pentzat a s'ora de su scabudu, una punta dhi setzit in su coru!(F.I.Congiu)◊ est pentzendu a su scabudu de sa famíglia Etymon srd. Translations French abandon English neglect Spanish abandono Italian abbandóno German Verlassen.