Ditzionàriu in línia
de sa limba e de sa cultura sarda

bàdhu 2 , nm Definition corgiolu de lardu, de porcu o de sirbone; s'intostadura chi faet a tretos su primu pígiu de sa carre in manos a fortza de fàere trebballu pesante Synonyms e antonyms callu* 1, corgiolu, sidhu 2. sos betzos si contant tribbulias mustrèndhesi sos badhos de sa manu Translations French couenne English pigskin Spanish hoja de tocino, témpano Italian coténna German Schwarte.

corgiólu , nm: corjolu, corzolu, craxolu, croxó, croxolu, curzolu Definition su pígiu de fora de calecuna cosa, mescamente su córgiu de su procu (corgiolu de lardu), ma fintzes de sa castàngia, de sa nughe, de sa patata, de is frutos / arrisu cun craxolu = su arriri cun amargura, po no prangi Synonyms e antonyms badhu 2, pedhe, pedhola / colzola, còglia Sentences su corzolu de su lardu est tostu, si no est porchedhu minore ◊ su corzolu de su casu est tostu, sa mata est modhe ◊ arrustendi su procedhu no fatzast abbruxai su croxó! Surnames and Proverbs smb: Corgiolu, Corzolu, Curgiolu Etymon srd. Translations French couenne, peau English pigskin, skin Spanish hoja de tocino, témpano Italian coténna, bùccia German Schwarte, Schale.

làdru , nm: laldu, lardu Definition pígiu grussu de ógiu, tostau, aghedhosu, chi faet mescamente asuta de su corgiolu de su porcu; grassu meda / su lardu si chistit saliu segau a sestas, a tacales, a cantrexalis Synonyms e antonyms grassu Idioms csn: l. assiau = lardu contomosu; l. pèrpere = totu de sa própiu grussària; l. panosu = súmene, su lardu de sa brenti de su procu (e pruscatotu de sa mardi), prus bellu a papai ca portat arràndulas; s'annu chi at a piòere fae cun lardu… = mai; comparai su lardu de is topis = circai cosa a chini no ndi podit donai ca est própiu cussu chi si dha papat; pònnere lardu, dare a l. = fai lardu, ingrassai (in cobertantza, prexaisí meda); andai che lardu in sali (nadu prus che àteru de cosas de manigare) = piàghere meda Sentences a sa pingiada una de is féminas dhoi at ghetau unu pratu de fasolu cun d-un'arrogu de lardu ◊ lis at intregau un'istalliada de lardedhu fine ◊ porcu de arratza bona ponet lardu fine e peta meda ◊ bi at porcu bonu a lardu ma no a peta ◊ ocannu su porcu at postu tres pódhighes de lardu ◊ nosu cundeus su lardu a melas cun sali e píbiri 2. nois pitzinnos poniaimus unu prammu de lardu intendhindhe cussos contos! Surnames and Proverbs smb: Lardu Etymon ltn. lardum Translations French lard English lard Spanish lardo, tocino Italian lardo German Speck, Fett.

pantzèta , nf Definition su súmene, su lardu fine e cun pigighedhu de petza chi su porcu portat in bentre, saliu e cunfetau po ingaúngiu, lassau ispratu o fintzes imbodhigau a istrintu cun cordiola Synonyms e antonyms pantzedha, súmene Scientific Terminology mng Translations French lard maigre English bacon Spanish tocino Italian pancétta German Speck.

súmene , nm: sumi, súmine, súmini Definition su lardighedhu fine, in bentre, ue su porcu portat is titas, is tzimingiones: est su prus licante si faet cunfetau a panceta: si narat fintzes de sa matessi parte de sa tunnina, prus adata po orrostire; dhu narant po unu terrenu chi faet unu pagu a cúcuru, deasi comente cun àteros númenes de partes de sa carena si narant unas cantu formas de su terrenu (es. codhu, cúcuru) Synonyms e antonyms pantzeta Scientific Terminology mng Etymon ltn. sumen Translations French lard maigre English bacon, potbelly Spanish tocino Italian pancétta German Bauchspeck.

tajòne , nm: tejone Definition sa pedhe grussa, tostada; maladia, genia de tumore o ufradura asuta de sa pedhe (prus che àteru de is animales) po puntura de bobboi; fintzes bobboi chi punghet Synonyms e antonyms corgiolu / babajone, babatzone, caigioni, papajone 3. su cadhu chin sa coa si catzat sa musca e su tajone Translations French couenne English thickskin Spanish tocino Italian coténna, cótica German Schwarte.

tidignólu , nm: tidingiolu Definition ispétzia de greme piludu e niedhu chi creschet in sa petza salia e sicada, in su casu béciu Synonyms e antonyms tanzolu* Scientific Terminology crp, dermestes lardarius Translations French dermeste du lard English hairyworm Spanish larva del escarabajo del tocino Italian marméggia German Speckkäfer.