Abbreviations Legenda | Symbols Legend

ambadúos, ambadús , agt, prn: amborduos, ambosduos, ammaduos Definition ambos duos (f. ambas duas): unu e àteru, duos leaos impare Synonyms e antonyms ambos Sentences dhi ant curau is ogos ambaduos ◊ tui ses prus pràticu de mei in ambaduas cosas Translations French les deux English both Spanish ambos, los dos Italian entrambi, ambedue German beide.

àmbos , agt, prn Definition unu e àteru, duos leaos impare (f. ambas) Synonyms e antonyms ambadús Sentences colli s'olia cun ambas manos, ca achipis meda! ◊ su pràtigu a iscríere a màchina ponet ambas manos ◊ ne s'unu e ne s'àteru aiant dinari e cudh'ómine perdoneit ambos duos dépidos 2. bos iseto ambos a bustare, tenzo de arrejonare cun isse ma as a èssere presente finas tue ◊ no bidiamus s’ora ambas duas, ceo de intèndhere e issa de contare Etymon ltn. ambos Translations French les deux English both Spanish ambos Italian entrambi German beide.

ammesài 1, ammesàre , vrb Definition fàere a mesu, imbuidare un’istrégiu fintzes a sa metade, bogandhondhe sa metade de sa cosa Synonyms e antonyms immesare, ismesujare Etymon srd. Translations French partager en deux, réduire de moitié English to halve Spanish dividir en dos Italian dimezzare German halbieren.

ammesàu , pps, agt Definition de ammesare Synonyms e antonyms irmesau 2. est umpendhe trigu dae unu sacu ammesadu Translations French divisé en deux English halved Spanish demediado Italian dimezzato German halbiert.

anníciu , agt, nm: annicru, annígiu, annígliu, anniglu, annigru, annigu, annirgu, anniu, annixu Definition porchedhu, vitellu, cuadhu, angione o àteru pegus de calecunu annu, passau s’annu Synonyms e antonyms annigrotu, annorinedhu, tentógliu Sentences s'anníciu est in sa giota, su crapitu est a brincos, in sa pinneta apedhat su catzedhu 2. sunt pulpuzos de peta de porcu anniju pesadu a mannalitinu Scientific Terminology anall Etymon ltn. annic(u)lus Translations French animal de la ferme agé de deux ans English one years old cattle Spanish añojo Italian annìcolo German einjähriges Tier.

antiànnu , avb: antziannu Definition como duos annos, s'annu innanti de s'úrtimu annu passau Scientific Terminology tpc Etymon ltn. anteannum Translations French il y a deux ans English two years ago Spanish hace dos años, anteantaño Italian due anni fa German vor zwei Jahren.

biénniu , nm Definition unu tempus de duos annos Translations French deux ans (espace de) English two-years period Spanish bienio Italian bïènnio German Biennium.

duamíla, duamílla, duamíza , agt, nm Definition su tanti de duas bortas milli (in números àrabbos 2.000, in números romanos MM) Sentences sos duamiza francos, tue mi che los as remonidos? Etymon srd. Translations French deux mille English two thousand Spanish dos mil Italian duemila German zweitausend, Zweitausend.

dúas , agt, nf Definition agt. chi acumpàngiat is númenes fémina, siat in sensu precisu (una e una) e siat in su sensu de unas cantu; nau de tempus e cun s'art. det., sa de duas oras passau mesudie o passau mesunote: cun e chentza art. faet de pron. puru / a.c.: in su cumpostu cun mila/miza che bogat sa /s/; pònnere o fàghere duas a unu = ammisturai, pònniri totu a unu duas cosas diferentis Sentences apo lézidu duas pàzines ebbia ◊ amus manigadu duas olias cun pane 2. si che sunt fatas sas duas e arrimamus su triballu ◊ a is duas torrant is piciochedhus a iscola ◊ fint duas ma duas, mih, bellas che simai ndhe apas bidu! ◊ chini funt cussas duas chi biu passendi? 3. at leadu sa birra e sa gazosa e ndh'at fatu duas a unu (G.Ruju) Etymon ltn. duas Translations French deux English two Spanish dos Italian due (agt. f.) German zwei, zwo, Zwei, zwei Uhr.

duaxèntos , agt, nm: duchentos, dughentos, dujentos, durgentus, duxentus Definition duas bortas chentu (in números àrabbos 200, in números romanos CC): si est agt. cuncordat in sa genia cun su nm. (ma no a sa camp.) Sentences tenet dughentas berbeghes ◊ bi cheret dughentas dies ◊ custa domo tenet dughentos annos ◊ nci iant bufau prus de duxentus càscias de cosa (I.Murgia) Etymon ltn. ducentos Translations French deux cents English two hundred Spanish doscientos Italian duecènto German zweihundert, Zweihundert.

dúos , agt, nm: dus, duus Definition foedhu chi acumpàngiat unu númene mascu po inditare sa cantidade precisa (unu e unu: in números àrabbos 2, in números romanos II): candho est nm. cun art. inditat própriu custa cantidade e podet fàere de pron. puru; nau a sa bona, unos cantu Synonyms e antonyms croba, pàgia 1, pariga Sentences custus funta dus fradis e una sorri ◊ duos e duos faghet bàtoro ◊ su duos cun su zero avatu si liget "binti" 2. fatuvatu si bint in sa passillara dus chi si creint abborsadoris ◊ tue e s'àinu… duos! ◊ tue e su cocoi… duos: lampu ca est abberu chi ses irmasionadu! 3. si los at manigados duos corniolos…, azummai no bi ndhe lassat! ◊ manigamus duas olias cun pane e casu ◊ a prandi feus dus cruguxonis Surnames and Proverbs prb: prus bident duos chi no unu Etymon ltn. duos Translations French deux English two Spanish dos Italian due German zwei, zwo, Zwei, bißchen.

gurúle , nm Definition buca de logu, tretu istrintu in mesu de duos montes, de duas puntas de monte Scientific Terminology slg Etymon srdn. Translations French passage étroit entre deux montagnes English gorge Spanish desfiladero Italian góla tra i monti German Schlucht.

immesài, immesàre, immesàri , vrb: irmesae, irmesare, ismesare, smesai Definition bogare, torrare o fàere a metade sa cosa, ispartzire o segare in duas metades, a lados Synonyms e antonyms ammesai 1, ismesujare | ctr. addopiae Sentences sa maladia cada annu l'irmesabat sas crapas ◊ s'ispagnola est sa pesta chi at irmesau medas famíllias Etymon srd. Translations French partager en deux English to halve Spanish demediar Italian dimezzare German halbieren.

irmesadúra , nf Definition su irmesare Synonyms e antonyms ammesadura, ismesamentu Etymon srd. Translations French division par deux English halving Spanish partición en dos, el demediar Italian dimezzaménto German Halbierung.

irmesàu , pps, agt Definition de irmesare; chi est o chi dh'ant torrau a sa metade Synonyms e antonyms ammesau, ilmesisciadu Translations French divisé en deux, coupé en deux, réduit de moitié English halved Spanish demediado Italian dimezzato German in zwei Hälften geteilt.

sarròne, sarròni, sarrónu , nm: serrone, serroni Definition genia de serra manna mancai de metro e mesu, a lama larga meda, a duas mànigas, de pigare a una manu ma in duos po segare o isperrare truncos mannos, linna grussa meda (ma fintzes serra pitica de pigare a solos a una manu po segare cambos e naes pudandho); bobboi chi andhat asuta de terra modhe, trebballada, e si papat s'arraighina modhe de sa cosa prantada de pagu: a logos est fintzes mardona, sórighe mannu de fogna; bobboi chi si papat sa gioga minuda e si che istichit aintru de su corgiolu, greme chi si papat sa linna, àteru greme in colore de castàngia chi podet fàere in su casu; brutore a meda in dossu; in cobertantza, su vítziu de abbetiare pruschetotu candho unu no tenet arrexone Synonyms e antonyms serra / serracu / chibudhalzu, cugumbiraxu, istampasucros, morucibudhu / tzerrone, zannarolu, zànnaru / muga, sordi / tostorrímine Idioms csn: intriscare o gitonare su serrone = illargare sas dentes a manera de li fàghere s'istrada e segare menzus; intrare su serrone a unu = acucai, bènniri a conca s'idea, s'abbétia de fai ccn. cosa Sentences s'arruaxu iscarràfiat che serroni ◊ passada sa bistrale, su serrone: acò totu distruta sa foresta! ◊ s'élighe chi bi fit in su cuile ndhe l'ant segadu a serrone ◊ usaiat sas rimas che serrone: dae cussu ndh'est s'ódiu dipesu! 2. cherent remíntidas sas pumatas ca medas che las at segadas su serrone 4. zughet fintzas su serrone in cambutzos de cantu est brutu, putzidha! 5. lasso a muzere mia emancipare a patu chi no l'intret su serrone de cherrer paltorire a bolt'apare! (L.Ilieschi)◊ fuit dies e dies ammudurradu, a bortas pranghiat, no ischia mancu proite… giughiat che unu serrone in cherbedhos! Surnames and Proverbs smb: Serroni Scientific Terminology ans, crp, gryllotalpa gryllotalpa Etymon srd. Translations French grande scie à deux poignées English big saw, mole cricket Spanish serrón, tronzador Italian segóne German Zugsäge.

smesaméntu , nm: ismesamentu* Definition su irmesare, su che ndhe bogare sa metade de una cosa, su dha torrare a su mesu Synonyms e antonyms ammesadura, irmesadura Translations French partage en deux English halving Spanish división, partición en dos Italian dimezzaménto German Halbierung.

«« Search again