Ditzionàriu in línia
de sa limba e de sa cultura sarda

acorriàre , vrb Definition est su chi faet a is dentes su frutuàriu papau aghedu chentza èssere ancora bene cotu e druche; atrotigare, fàere coment'e corria, a corria; baliare ccn. cosa Synonyms e antonyms incurriatare / agguantai, babiai Sentences sa pruna crua mi at acorriadu sas dentes ◊ sa frúture cherva acórriat ◊ mi sento acorriare solu in bídere custa ua: no ndhe cherzo assazare!(P.Mossa) 2. no faghet a bos nàrrere peruna cosa: no acorriades nudha! Etymon srd. Translations French agacer English to set on edge Spanish dar dentera Italian allegare i dènti German sich zusammenziehen.

afelonàre , vrb: afillonare Definition giare o pigare múngia, cadha de fele, tzacu, arrennegu meda Synonyms e antonyms afelae, aggromare, aggromorare, aprummonare, infelai, renignai Etymon srd. Translations French irriter, agacer English to irritate Spanish encolerizarse Italian stizzire German sich ärgern.

agenàre , vrb: genai Definition giare ifadu, fàere àscamu, ischifu Synonyms e antonyms annischissai, ifadare, ifastizire, innaentare, pibincai Translations French embêter, agacer, énerver English to vex Spanish molestar Italian infastidire German belästigen.

agiostràre , vrb: azostrare Definition giare ifadu, matana, múngia; nàrrere cosa coment'e a briga Synonyms e antonyms abburruntare, afrontai, atzuridare, cadojare, iscamurriare, rumbicare Sentences solu as a èssere finas chi durat su sonnu e si azostrat sa vida ◊ mi at azostradu donzi bolu, betendhemiche amargadu in bratzu a donzi turmentu Etymon itl. aggiostrare Translations French agacer, énerver, tourmenter, reprocher English to torment, to fling in s. o.'s face to annoy Spanish molestar Italian infastidire, tormentare German belästigen.

alterài, alteriàre , vrb: artarae, artarare, arterare, arteriare, arturiare Definition fàere arrennegare o pigare tzacu, fàere pèrdere sa passiéntzia giaendho ifadu, giaendho ocasione candho unu est arrennegau o immarriu po àteru puru; nau de un’arremu, suberiare cun isfortzu meda o po calecunu male a tales de dòlere, ufrare, fàere a budhiore Synonyms e antonyms agghegiare, annervare, annervosare, incorinare, infrascai, nechidare, orrontzedhare Sentences su tocu de su martedhu artúriat finas sa campana ◊ banzu ti pítzigo, mih, si mi che artérias! ◊ addaghi ti naro de no fàghere sas cosas gai ti artérias! ◊ non bi at bisonzu de ti artarare Etymon itl. alterare Translations French agacer English to irritate Spanish irritar Italian irritare German reizen.

annervàre , vrb Definition giare o pigare a nérbios, fàere pèrdere sa passiéntzia, giare aggheju Synonyms e antonyms alteriare, annervosare, spaxiai Etymon srd. Translations French agacer, énerver English to irritate Spanish irritar Italian irritare, innervosire German reizen.

aporràre , vrb: aporreare, apurreare Definition fastidiare e fintzes surrare, iscúdere Synonyms e antonyms apurrire, ifadare / matzocare Sentences custu pilochedhu bullizat sa classe e aporreat sas cumpanzedhas, no lu podent prus bazulare! (M.Sedda) Etymon spn. aporrar Translations French agacer, énerver English to vex Spanish molestar Italian infastidire German belästigen.

batacollàre , vrb: baticogliai, baticollai, baticollare, baticullare, batigogliai, batigollai Definition istare o pigare coment'e a gherra, a matana cun ccn. o calecuna cosa, nau fintzes in su sensu chi no si arrennescet a dominare, baliare, bínchere Synonyms e antonyms acacigai, acracangiai, addongare, apatigai, cumbatare, infestare 2. bufas e ti fúrrias a conca chi no faet a ti baticollare! ◊ sunt resurtados a baticullare sos furones Etymon srd. Translations French agacer, appresser English to molest, to oppress Spanish batallar, pelear Italian molestare, opprìmere German belästigen, bedrücken.

chiriolàre , vrb Definition cricare una cosa, o a unu, movendhodha, tocandhodha, portandhodha a su move move chentza delicadesa Synonyms e antonyms genai, pilisae Sentences làssami sa conca, no mi chirioles, como! ◊ si la chiriolas gai, cussa cosa, díliga comente est la guastas totu Etymon srd. Translations French agacer, importuner English to molest Spanish molestar Italian molestare, strapazzare German belästigen.

fastidiài, fastidiàre , vrb: afastidiai Definition giare ifadu, istrobbu, fastígios Synonyms e antonyms abbatazare, annischissai, ifadare, ifastizire, imperperiae, infasciughie, innaentare, modestire, pibincai Sentences istuda cussa luxi, ca mi fastídiat! ◊ dha fastídiat custa fentana oberta? Etymon srd. Translations French déranger, agacer, énerver English to trouble, to vex Spanish molestar, estorbar Italian disturbare, infastidire German stören.

genài , vrb: agenare*, genare Definition giare ifadu, fàere istrobbu Synonyms e antonyms annischissai, ifadare, ifastizire, infestare, innaentare, pibincai, strobbai Sentences andhant a passu lestru: no dhus genant is botinus, tanti funt iscrutzus! Translations French agacer English to molest Spanish molestar Italian molestare German belästigen.

ifadàre , vrb: infadai, infadare, irfadare, isfadare Definition giare istrobbu, ifadu; prnl., pèrdere sa passiéntzia o orròschere po istrobbu forte o a sa sighia Synonyms e antonyms abbatazare, abbeciare, agenare, annischissai, aporrare, apurrire, ifastizire, impeltinare, imperperiae, innaentare, irfadèschere, ivilire, malifestai, pibincai, pertojare, suberiare Sentences benzo a t'infadare si mi podes agatare unu catedhu 2. ndhe so isfadada de fàghere sa teraca! ◊ sos pitzinnos lillos passizat, los zocat, e candho si ndhe irfadat los zuchet a sa tzia ◊ s'infadeit de sos imbóligos de sos avocados ◊ su mese at comintzadu faghindhe dies bellas, ma a sa fine si est isfadadu Etymon spn. enfadar Translations French agacer, déranger English to annoy Spanish fastidiar, molestar Italian infastidire, importunare, tediare German belästigen, stören.

inchietàe, inchietài, inchietàre , vrb Definition pigare o giare arrennegu; segundhu de ite si narat, avolotare Synonyms e antonyms abbetiae, achibberare, acroconai, afutare, airai, arrabbiai, arragiolire, arrannegai, collobbiare, inchimerai, incrabudhire, infelai Sentences is fuedhus dhus eus ammesturaus a itzérrius candu si fiant inchietai ◊ irrocat che pidore e s'inchietat chi est unu cavanile!◊ tzieta s'inchietat narendi: "Mammai, Santu Pedru est su santu de is piscadoris!"◊ ma poita dha fais inchietai a mamma tua?◊ non t'inchietes, fipo brullandhe! 2. "Maria Cinisu, movidí ca a niscinus istait bèni cussa crapita!", dhi naràt sa bídria po dha fai inchietai!◊ totu cussu chi li aiat contadu cussu pedidore l’aiat inchietadu 3. fiat una noti sentza de luna chi su mari si fiat inchietau Etymon spn. inquietar Translations French se fâcher, agacer, s'indigner English to disquiet Spanish enfadar, indignarse Italian inquietare, sdegnarsi German ärgern, sich ärgern.

insutzuligài , vrb Definition batire fàmene, apetitu, disígiu, gana; fàere inchietare su cane Synonyms e antonyms agganire, alluscai / airai, arrannegai, collobbiare, inchietae, inciulai, infuterare, intziminire, suberiare Etymon srd. Translations French aiguiser l'appétit, donner l'envie (de), agacer English to irritate, to whet s. o.'s appetite Spanish despertar el apetito Italian stuzzicare l'appetito, inuzzolire, irritare German den Appetit reizen, begierig machen, reizen.

renignài , vrb Synonyms e antonyms abbetiae, afutare, arrabbiai, arragiolire, arrannegai, inchietae, incrabudhire, infelai, infuterare Etymon srd. Translations French irriter, agacer English to vex Spanish irritar, amostazar Italian stizzire German ärgern.

suberiàre , vrb Definition giare ocasione, fàere arrennegare male e peus a chie est giai tzacau, istrobbare Synonyms e antonyms agghegiare, atiare, inasprèssiri, incidai, inciulai, insissiligai, insutzuligai, issuperiare, mincidiare, tinghitare Sentences no mi subéries, bastat chi so arrennegadu pro àteru! ◊ si subériat su cadhu e istinchidhat fogu ◊ in custu trunchedhu che at una tana de muscone: no lu suberiedas ca bos punghet! ◊ est unu raspinzu chi faghet efetu malu ca subériat sa palte chi est ratada Translations French agacer English to annoy Spanish irritar Italian irritare German reizen.

tambedhàre , vrb Definition fàere moida, istare foedhandho, giare ifadu / tambedhadu = infadadu Synonyms e antonyms ifadare, ifastizire, impeltinare, intrigliare Sentences si fis pro marasu a ossos pistos e tambedhadu in mesu a su trambustu semper su cantu ti det dare gustu ◊ istant tota sa die tambedhendhe Etymon srd. Translations French chahuter, agacer English to make a noise Spanish hacer ruido, molestar Italian rumoreggiare, molestare German lärmen, belästigen.