Legenda Incurtzaduras | Legenda Sìmbulos

bàlida , nf Definitzione su bàlere de una cosa Sinònimos e contràrios balidóriu, balimentu, valore, valuda Frases no at bàlida de ses dinaris Ètimu srd. Tradutziones Frantzesu valeur Ingresu value Ispagnolu valor Italianu valóre Tedescu Wert.

cabbàle, cabbàli , nm: gabbale Definitzione dinare, interessu, fundhu, totu su chi est orrobba de propiedade; cosa chi balet, chi serbit, nau fintzes de su chi balet una persona candho est de giudu, de caràtere, onesta, àbbile Sinònimos e contràrios balanzu, lucru, profetu / imprastu, valore, zudu Frases ndhe as bogadu su cabbale de un'annu de triballu, mancu su chi as semenadu!…◊ arratza de cabbale, triballendhe e chentza pagados! ◊ istat semper pistandhe ma chene fàchere cabbale ◊ barriamus meda, assumancus acoghi faghimus su fiazu est cun cabbale! 2. cussa est fémina de cabbale, ómine de cabbale Ètimu ctl. cabal Tradutziones Frantzesu gain Ingresu gain, value Ispagnolu propriedad, cabal (detto di persona) Italianu guadagno, valóre Tedescu Gewinn, Wert.

giúdu , nm: zudu Definitzione su serbire, su bàlere o èssere bonu de unu o de una cosa: si manígiat prus che àteru in sa nada èssere de g. / èssiri cosa de giudu = cosa de tzou, bonu, capatzu, àbbile, cabosu, de pòdere serbire, chi giuat Sinònimos e contràrios giuamentu, valore, valuda, zua 1 Frases at méritu pro àere fatu òperas de giudu (F.Paba)◊ ajó torrade, giòvanos de preséntzia e de giudu! (B.Trudhaju)◊ cussus no fadiant faina de giudu ◊ mamma ti biat manna, de giudu e de profetu! ◊ nci dh'ant ispotallitada, poita no fiat cosa de giudu! ◊ su istimentu fut pagu de giudu Ètimu srd. Tradutziones Frantzesu valeur, utilité Ingresu esteem, use Ispagnolu valor, utilidad, provecho Italianu prègio, utilità, giovaménto Tedescu Wert, Nützlichkeit, Vorteil.

mereschidòre , agt: merescidori, meressidore, milischidore, minescidori, miriscidori Definitzione chi meressit, chi si dhu meritat Sinònimos e contràrios meneschidore, meritosu Frases sunt poesias mereschidoras de pannu ◊ pagu milischidore so istau ◊ amare ti cherzo amare, si ndhe ses meressidore ◊ apo a èssere o no meressidore de tanta istima? ◊ tui no ses minescidora de is méritus mius ◊ seus merescidoris de is castigus prus mannus Ètimu spn. Tradutziones Frantzesu digne, méritant Ingresu worthy Ispagnolu merecedor Italianu meritévole Tedescu wert.

meritósu , agt Definitzione chi meressit, chi si dhu meritat Sinònimos e contràrios meneschidore, mereschidore Frases a su chi est meritosu dhu vantu ◊ tue solu, o meritosa terra mia, cun alamaros de oro mi as frunidu! (L.Mudadu)◊ si iat fatu aici fiat meritosu de dhu premiai!◊ mamma, ti bollu cantai poita ses meritosa! Tradutziones Frantzesu méritant, digne Ingresu praiseworthy Ispagnolu digno, merecedor Italianu meritévole, dégno Tedescu wert, würdig.

seína , nf, nm: esina, sesina, sisina, sisinu Definitzione cosa de pagu valore, su mesu de unu sodhu, chimbe centésimos de su francu sardu: si narat solu in su sensu de dinare pagu Sinònimos e contràrios isina Frases finas candho ses totu tramudadu no bales bator petzos de sesina! ◊ li dao sos pagos sisinos chi tenzo, bastet chi mi che let su pitzinnu Ètimu itl. sesino Tradutziones Frantzesu chose de quatre sous Ingresu half soldo, next to nothing Ispagnolu chuchería, de tres al cuarto Italianu mèzzo sòldo Tedescu von geringem Wert.

valòre, valòri , nm: balore, valoru Definitzione su de bonu chi podet tènnere una cosa, su chi balet, cunsiderau fintzes, ma no sèmpere, coment'e prétziu contau in dinare Sinònimos e contràrios bàlida, balimentu, biatzesa / prétziu Maneras de nàrrere csn: v. reale = (faedhendhe de dinari), su valore chi tenet pro sa cosa chi còmporat; v. nominale = su valore inditadu de su númeru chi zughet sa muneda; cosa de valore = chi balit meda Frases sa cosa, candu est fata cun sudori, t’imparat a cumprendi su valori chi tenit (M.Pani)◊ sa balentia, su muntènnere sa peràula, su collire s'istranzu sunt valores de sa cultura sarda ◊ custa est cosa de valore, no la fides! ◊ no lis depo valore de unu sodhu ◊ s'isfortzu chi fait issu cun megus no tenit valori! ◊ isse chircat dirvagu solu in valores chi contant, comente sunt sa paghe e s'amistade ◊ po dh’arringratziai dhi at arregalau un'anedhu de valori ◊ custu terrinu at unu valoru mannu Tradutziones Frantzesu valeur Ingresu value Ispagnolu valor Italianu valóre Tedescu Wert.

«« Torra a chircare