Ditzionàriu in línia
de sa limba e de sa cultura sarda

búgiu , nm: buju, buzu Definitzione mancamentu de lughe, su no dhue àere lughe nudha / buju mannu = iscuriu mútzigu, mamutu Sinònimos e contràrios bujore, iscuru, scoriu Frases fit andhendhe a su búgiu ◊ fiat unu buju chi si podiat segai a fitas ◊ cichendi s'interrutori a su buju imbruncunàt me is cadiras ◊ cuatru imbrúnchius ap'ai donau a su buju!…◊ si est istesiada dae sa lughe chi li beniat a palas in su búgiu niedhu chi aiat addaenanti Ètimu itl. buio Tradutziones Frantzesu ténèbres Ingresu darkness Ispagnolu obscuridad, tinieblas Italianu tènebra Tedescu Finsternis.

eclissaméntu , nm Definitzione cuamentu de su Sole o de sa Luna candho Luna e Terra po su movimentu chi faent si ponent una ananti de s'àtera faendhosi umbra Sinònimos e contràrios eclissi, incrissidura Ètimu srd. Tradutziones Frantzesu éclipse Ingresu eclipse Ispagnolu eclipse Italianu eclissi Tedescu Eklipse, Finsternis.

iscoríu , nm, nf: iscuria, iscuriu, scoriu Definitzione mancàntzia o farta de lughe, su no dhue àere lughe, su èssere totu su logu a s'iscuru (ma si manígiat che agt. puru: un'aposentu iscuriu = iscuriosu)/ iscuriu mútzigu = scuriu mamutu, iscuru mútiu, itl. buio pésto Sinònimos e contràrios bujore, iscuricore, iscuru, niedhore / iscuricosu Frases abetat a iscoriu chi passit callincunu ◊ sos lampos sunt ilgiarendhe su terrinu in custa note de iscuria ◊ est iscuriu che in buca ◊ colza issa chi est falada in iscuria manna! Ètimu srd. Tradutziones Frantzesu noir, obscurité Ingresu dark Ispagnolu oscuridad (f), tinieblas Italianu bùio, oscurità Tedescu Dunkel, Finsternis.

iscuricòre , nm: iscurigore, iscuriore, iscuriori, scuriori Definitzione iscuru mortu, su no dhue àere lughe nudha, su èssere totu su logu a s'iscuru (nau fintzes de sa mente, de sa cusciéntzia) Sinònimos e contràrios bujore, iscoriu, iscuru, niedhore | ctr. crarore, giaria, lucore Frases in s'iscurigore de notes malas, dai tupa in tupa si movet un'upa (S.Casu)◊ si ghindhat a isperiare e in s'iscurigore bidet duas pubas 2. pro dare lughe a tantu iscurigore nascheit custu sole in carre umana ◊ sa die nostra, candho morit, s'eternu sou iscurigore arcanu mai piús de lughe si colorit (Sulis) Ètimu srd. Tradutziones Frantzesu ténèbres Ingresu dark Ispagnolu tinieblas, obscuridad Italianu tènebra Tedescu Finsternis.