Legenda Incurtzaduras | Legenda Sìmbulos

aggràbiu , nm: aggràviu, aggravu Definitzione su andhare de male in peus; ofesa manna chi si faet a unu Sinònimos e contràrios aggravamentu, impeoramentu, pejoramentu, pejoria / afrenta, afrontu, aggrau, alloloju, cavanile, innóriu, inzenza 2. a Gesugristu in sa passioni sua dh'iant ispollau e fatu milli aggràvius ◊ perdona is aggràvius e is ofentzas! Ètimu spn. Tradutziones Frantzesu offense, outrage Ingresu worsening Ispagnolu empeoramiento, agravio Italianu aggràvio, svantàggio, oltràggio Tedescu Kränkung, Schaden, Beleidigung.

aggràu , nm Definitzione genia de ofesa manna Sinònimos e contràrios afrenta, afrontu, aggràbiu, innóriu, inzenza Tradutziones Frantzesu tort, injure Ingresu wrong, insult Ispagnolu agravio Italianu tòrto, ingiùria Tedescu Unrecht, Beleidigung.

allolóju , nm Definitzione cosa chi si narat ofendhendho s'àteru Sinònimos e contràrios afrenta, aggràbiu, intzúgliu Ètimu srd. Tradutziones Frantzesu insulte Ingresu offence Ispagnolu insulto Italianu insulto Tedescu Beleidigung.

intzúgliu , nm, nf: inzulzu, inzúriu, inzurja, inzurju, inzurza Definitzione male chi si narat de s'àteru, fintzes acusa falsa, cosa chi si narat a unu a disonore, a befa, po dhu bogare in bregúngia e ofèndhere; a logos, inzurju est annomíngiu, ingiúliu Sinònimos e contràrios abbómbinu, bergugna, inzurjadura, menisprésiu, ofensa Frases no mi movent pro nudha sos inzulzos de tzertos nanos chi si crent zigantes (P.Casu)◊ bi at càntidos de inzúriu, de tzascu e de allerghia ◊ a fortza de intzúglios nche ghetant mancari a Zobbe! 2. sos ammentos li fint brinchendhe in conca, paris cun s'inzurza chi li aiant ghetadu sos cumpanzos ◊ cussu est inzurju chi dolet! ◊ Elias l'aiat bocau fora garrigándhelu de inzurja, e bochinándheli de non si torrare a acrarare a su cubile Tradutziones Frantzesu médisance, injure Ingresu gossip (malicious), affront Ispagnolu maledicencia, injuria Italianu maldicènza, ingiùria, contumèlia Tedescu übles Gerede, Beleidigung.

ofènsa , nf: ofentza, ofesa Definitzione fata o nada mala a dannu de ccn. a tales de si ndhe primmare o dispràxere / campaniare un'o. = circai de si fai perdonai fendi calincuna cosa de bonu, pònniri arrimédiu a un'ofesa Sinònimos e contràrios aggràbiu, lesiadura, tàschilu | ctr. defensa Frases at domandau perdonu a Deus, a pobidha e connada po is ofesas fatas ◊ s'ofesa est menzus a la perdonare! ◊ cantu tui prus perdonas is aggràvius e is ofentzas prus merescis ◊ chi seo brentaghedu, no ndhe tengiais ofesa! Ètimu spn., ctl. Tradutziones Frantzesu offense Ingresu offence Ispagnolu ofensa, afrenta Italianu offésa Tedescu Beleidigung.

«« Torra a chircare