cónchinu , agt, nm Definitzione nau de cosa po comente est posta, chi est betada a una parte, incrubada; nau de unu, chi est trotu, conca trota, chi faet totu de conca sua e male puru, chi est de mal'intesa, malu a pònnere mente, malu a cumbínchere (e no sèmpere po su malu) Sinònimos e contràrios ingobbedhadu, parangau / becorinu, perricónchinu, testarrudu Maneras de nàrrere csn: zúchere una cosa a c. = inconchinada, parangada a una parti; andhare a sa cónchina = essíreche fora dae su caminu, andhare coment'e furriendhe a un'ala; gàrrigu c… = chi ispendhentat, ruindhesiche a un'ala Frases unu massaju cónchinu, chi timiat su caldu incunzendhe, at chérfidu semenare in cabidanni pro incunzare premediu…◊ ma ses cónchinu, lah: apu nau ca dhu isciacuamu dèu, cussu istrexu, e ses isciacuendidhu tui etotu! Terminologia iscientìfica ntl Ètimu srd. Tradutziones Frantzesu têtu Ingresu stubborn Ispagnolu testarudo, terco Italianu testardo, ottuso Tedescu störrisch, Starrkopf.

perrósu , agt Definitzione chi portat perra, chi est malu a cumbínchere a s'arrexone o iscurtare is àteros Sinònimos e contràrios aperradu, aputajolu, becorinu, perrónchinu, serronudu, testarrudu / ttrs. ridortu | ctr. asservidu Terminologia iscientìfica ntl Ètimu srd. Tradutziones Frantzesu têtu Ingresu obstinate Ispagnolu testarudo, terco Italianu testardo Tedescu hartnäckig, dickköpfig.

serréntile , agt Definitzione nau de ccn., chi acostumat a abbetiare, a fàere su tostorrudu Sinònimos e contràrios abbetiosu, acucosu, aputajolu, becorinu, corriatu, coteu, pertiassu, pistilosu, redossu, surràdigu, testarrudu Frases fiadu serréntile, balla, no ti ascurtat mancari bidat chi no andhat bene comente faghet! Terminologia iscientìfica ntl Ètimu srd. Tradutziones Frantzesu têtu Ingresu stubborn Ispagnolu testarudo Italianu testardo Tedescu dickköpfig.

testarrúdu , agt, nm: testorrudu, tostorrudu, tosturrudu, tusturrudu Definitzione nau de ccn., chi o chie est tostau, de malintesa, chi faet sèmpere de conca sua chentza bòllere intèndhere o fàere su chi dhi narant is àteros fintzes candho podent tènnere arrexone, chi est malu a si currègere Sinònimos e contràrios abbetiosu, acucosu, apedhigotau, aperradu, aputajolu, becorinu, conchedhosu, córdinu, coteu, perrónchinu, pertiassu, pistilosu, rebbéchinu, redossu, serréntile, tostoine 1, tostorodhu, turrau / ttrs. ridortu | ctr. asservidu, pensaditu Frases dhue aiat de ite arresonare, e aiant arresonadu po tempos, e faedhadu, e discútidu, e bogadu prighizones, e tirriadu, e ispiegadu sas cosas a cudhos tostorrudos (A.Cossu)◊ tostorrudu est chie pretat su dortu pro no la dare in bínchida a s'àteru o ca no at su corazu de sa resone 2. genti tostorruda e foras de Deus in su coru e in is origas, seis sempri contras de s'Ispíritu Santu! (Ev.)◊ ma dhu scit ca fostei est tostorrudu diaderus: possíbbili chi no ascurtit unu paghedhu sa cusciéntzia?!…(A.Garau) Terminologia iscientìfica ntl Ètimu ctl. testarrut, tostorrut Tradutziones Frantzesu têtu Ingresu headstrong Ispagnolu testarudo Italianu testardo, impenitènte Tedescu dickköpfig, Dickköpf.

«« Torra a chircare