annaríciu , agt Definitzione
chi andhat, chi podet andhare, nau de cosa chi podet serbire, èssere bona mancari no siat de sa méngius calidade
Sinònimos e contràrios
andhàntile
Frases
custa patata est annarícia
Ètimu
srd.
Tradutziones
Frantzesu
de qualité médiocre
Ingresu
ordinary
Ispagnolu
ordinario,
mediocre
Italianu
andante
Tedescu
mittelmaßig.
calidàde, calidàdi , nf: callidadi Definitzione
totu su chi distinghet una cosa o a unu, su chi faet sa diferéntzia de una cosa, o de unu, de un'àtera o un'àteru
Maneras de nàrrere
csn:
genti de calidadi = sennoriu, zente de importu; èssiri a calidadi, in calidade de… = èssere a tretu, in cundissiones de…; èssere de sa menzus c. = itl. òttimo
Frases
calidade mala, cussa robba: no est durada nudha! ◊ benimindi genti: imbriagonis de dónnia calidadi! ◊ in su mundhu bi at pessones de onzi calidade ◊ mi ndhe ant postu calidades bonas de cussa pitzinna ◊ cussu est ómine de calidades bonas ◊ cumpadessat ca no teneus logu de arriciri genti de calidadi cumenti a issa!◊ cussu poeta faghet otadas de sa menzus calidade
2.
abarra in domu e curadí, no ses a calidadi de sighiri a trabballai!◊ no so piús in calidade de incantare bajanas!
Ètimu
spn.
Tradutziones
Frantzesu
qualité
Ingresu
quality
Ispagnolu
calidad
Italianu
qualità
Tedescu
Eigenschaft.
matàgnu , agt: metantzu,
metanzu Definitzione
chi no tenet calidades bonas, nau de cosa e de gente puru (de ccn., fintzes chi est giau a fàere male)
Sinònimos e contràrios
iscadentonzu,
malésicu,
malu,
mecianu*
| ctr.
bonu
Frases
su bentu de santu Simone tenet fama metanza ca ndhe iscudet s'ischissone ◊ invece de dultzuras mi faghes passare oras metanzas ◊ cussu est unu dutore metanzu ◊ su prus forte fachiat s'ala a su metantzu
Tradutziones
Frantzesu
de mauvaise qualité,
médiocre,
répréhensible
Ingresu
ordinary,
poor,
censurable
Ispagnolu
de mala calidad,
reprobable
Italianu
scadènte,
mediòcre,
riprovévole
Tedescu
minderwertig,
mittelmäßig,
verwerflich.
meciànu , agt, nm: metzanu Definitzione
chi (o chie) est de calidades pagu bonas, antzis antzis malas, nau de cosas e de gente
Sinònimos e contràrios
iscadentonzu,
matagnu,
tratu 1
| ctr.
bonu
Frases
de annadas ndhe faghet bonas e metzanas ◊ aia in manu unu nodosu càmbaru e metzanu cun totu gherraia ◊ no timet ne fritu e ne calura, ne tempus bonu e ne tempus metzanu
2.
sos metzanos abbratzant sa vindita e lis paret balanzu e granzeu ◊ su piús mandrone e piús visciadu, su piús metzanu e faularzu fit isse ◊ cantat sa glória e martíriu de sos Santos, sas vilesas de sos metzanos
Sambenados e Provèrbios
smb:
Mezzanu
Ètimu
itl.
mezzano
Tradutziones
Frantzesu
de mauvaise qualité,
médiocre
Ingresu
poor
Ispagnolu
medianillo
Italianu
scadènte,
mediòcre
Tedescu
minderwertig,
mittelmäßig,
Mittelmäßige.
premòre , nm: primore,
primori Definitzione
cosa o calidade de is méngius, perfeta
Sinònimos e contràrios
ispremore
Maneras de nàrrere
csn:
a premore = de sa menzus manera, de sa menzus calidade; èssere unu p. = su menzus de totu
Frases
tue ses circundhada de primore ◊ Bustianu est unu primore (G.Ruju)◊ axiu tenit de circai su primori!
2.
ocannu su laore est a primore: chi sighit gasi si erricheus ◊ custa giacheta l'istat a premore ◊ det piòere a premore s'abba cun dultze carignu ◊ no si agatant pintore ne pinzellu chi asie ndhe pintent a primore ◊ como ca bi at manuza sa cosa la faghet a primore ◊ fémina, tue ses sa calamida chi atraes sos sentidos a primore ◊ teniat una loba de tentorzos a primore
Ètimu
spn.
primor
Tradutziones
Frantzesu
valeur,
qualité,
perfection
Ingresu
regard,
perfection,
better
Ispagnolu
cualidad,
perfección,
mejor
Italianu
prègio,
perfezióne,
eccellènza,
miglióre
Tedescu
Vorzug,
Vollkommenheit,
Perfektion,
Beste.
súrra 1 , nf Definitzione
su súmene de sa tunnina (mescamente sa s. bianca), bona meda orrostia
Terminologia iscientìfica
mng
Tradutziones
Frantzesu
thon à l'huile de première qualité
Ingresu
tuna fish
Ispagnolu
ventresca
Italianu
ventrésca,
buzzonàglia
Tedescu
Bauchfleisch des Thunfisches.
virtúde, virtúdi , nf: bertude Definitzione
capacidade manna e abbitúdine de fàere is cosas a dovere, bene, de lassare su male, su vítziu, e de fàere sèmpere su bene, su giustu, fintzes candho no est fàcile; capacidade de fàere bene, fintzes de curare (nau de cosa)
Sinònimos e contràrios
| ctr.
vísciu
Maneras de nàrrere
csn:
donai v. a unu = abbituàrelu a carchi cosa de bonu, a carchi capatzidade; pèrdiri sa v. = pèrdere sa capatzidade, sa fortza
Frases
sa virtudi istait totu in su difícili e no sunt is annus chi faint s'ómini (Moi)◊ cadauna tenet sinnos suos in virtudes e pecos ◊ mai s'istudet sa sacra fiama de cudhas bellas e caras virtudes ch'in sinu ti ant atzesu babbu e mama (P.Casu)◊ funt pòberus, ma sa virtudi non càstiat in busciaca!
2.
connoschet donni zenia de erbas e sas virtudes de cussas meighinosas
Sambenados e Provèrbios
prb:
cun sa virtude si campat in donzi tempus e logu
Tradutziones
Frantzesu
vertu,
qualité
Ingresu
virtue
Ispagnolu
virtud
Italianu
virtù
Tedescu
Tugend.