acòa , avb, prep: agò, agoa, agou Definizione a coa, tempus apustis, pustis de…; in daesegus, apalas / torrare agoa = itl. indietreggiare; torrare agoa sa lughe = itl. riflettere Sinonimi e contrari addaesegus, aissegus, apabas, afatu / abosca, addaboi, apoi, apusti | ctr. innantis Modi di dire csn: acoa meu, tuo, suo = apustis meu, tou, sou; a s'acoa = assassegus; su martis de agoa = martis de carrasegare; su prat'e agoa = in isposonzu, zenia de brulla chi si faghet a su cojadu nou (piatu cun corza, ossos e àteru de frundhire chi li presentant cuguzadu che a… sa menzus cosa) Frasi a arrí agoa, a sa scuada de is ballus! ◊ chiscellu, a su cane: miret chi acoa murrunzamus nois! ◊ immou papai e agou andais! ◊ issu abbarrat agoa ca depit èssi s'úrtimu ◊ su de agou pigadhu in cou! ◊ a s'acoa at pentzau in su malu 2. recuint acoa de s'iscurigada ◊ sa maista dhu poniat agò de sa lavagna candu fadiat a mau Etimo srd. Traduzioni Francese après Inglese after Spagnolo atrás, trás Italiano indiètro, addiètro, dópo Tedesco zurück, nachher, dann.

addabói , avb: daboi Definizione tempus apustis Sinonimi e contrari abosca, acoa, apoi, apusti | ctr. innanti Frasi si sunt fidantzados e addaboi si sunt cojuados 2. addaboi de mandhigadu si che allargat dae sos àteros Etimo srd. Traduzioni Francese après, ensuite Inglese afterwards Spagnolo después Italiano dópo Tedesco nachher.

apústi , avb, prep: apustis, postis Definizione tempus chi benit aifatu, fatante a calecuna cosa o a un’àteru tempus Sinonimi e contrari abosca, acoa, addaboi, apoi, deboschindhe, otonni | ctr. aprimu, innantis Frasi apustis torra e presenta su donu tuu! ◊ apustis non mi nd'incuru prus 2. apustis de custu no iscieus nudha de issu ◊ apo a vènnere apustis vostru ◊ apusti de una mesoredha ndi fuant essius ◊ apusti mortu comunigaidhu! ◊ apustis chi at fatu una poriga de passus est torrau Etimo srd. Traduzioni Francese après Inglese after Spagnolo después Italiano dópo, pòi Tedesco nachher, nach.

imbeniènte , agt, avb: imminiente, inveniente Definizione nau de sa die, de su tempus, chi est benindho, chi benit luego aifatu, apustis; tempus benidore chi benit luego apustis Sinonimi e contrari abbinente, beniente, ifatu / daboschindhe Frasi s'annu, sa dumínica, su mese, su cras imbeniente ◊ sa domínica imbeniente s'ammàniat pro annare a catza ◊ Carminedhu bi at su camerone prenu de anzones pro Pasca imminiente e àteros ne li depent bature 2. fint contipizandhe una partia manna de carbone chi depiant imbarcare imbeniente (G.Piga)◊ pro s'imbeniente no voche apartedas! Etimo srd. Traduzioni Francese suivant Inglese following Spagnolo sucesivo, sucesivamente Italiano successivo, successivaménte Tedesco folgend, nachher.

sichissíchi , avb: sighisighi Definizione chi benit luego aifatu, apustis, a pagu tretu, a pagu tempus / èssere s., a s. = a su tene tene, apunt’a lu sighire, a lu tènnere (fintzes genia de giogu, po aciapare) Frasi fit una fera de ómine bandhidendhe a sighisighi cun sos carabbineris Etimo srd. Traduzioni Francese ensuite, après Inglese next to, just later Spagnolo inmediatamente después Italiano apprèsso, sùbito dópo Tedesco darauf, kurz nachher.

«« Cerca di nuovo