Ditzionàriu in línia
de sa limba e de sa cultura sarda

callúciu , nm: callutzu Definizione su fedu de su cane / min. callucedhu Sinonimi e contrari caciúciu, caciurru, calledhu, calligionedhu Cognomi e Proverbi smb: Callucciu Traduzioni Francese petit chien Inglese puppy Spagnolo cachorrito Italiano cagnolino Tedesco kleiner Hund.

cambigiólu , nf, nm: cambizola, cambizolu, cammiolu Definizione cambu pitichedhu, ramigiolu Sinonimi e contrari allixedha, arrama, arrampizolu, arrampu, càmbuli, ratutzu / bullone, pigionatzu Terminologia scientifica rbr Traduzioni Francese petit rameau Inglese twig Spagnolo ramito Italiano ramoscèllo Tedesco kleiner Zweig.

cambixédhu , nm: cambuedhu Definizione min. de cambu, cambigiolu, trunchighedhu de erba Sinonimi e contrari arrama, cambizolu, rampighedhu, ratutzu Frasi apu segau unu cambuedhu de murta po dha ponni in sa petza de procedhu Terminologia scientifica rbr Traduzioni Francese petit rameau Inglese twig Spagnolo ramito Italiano ramoscèllo Tedesco kleiner Zweig.

cardarèlla , nf Definizione istrégiu de muradores a pònnere impastu chi leant a palita, trebballandho Sinonimi e contrari pagiolu Frasi a cantu resessiat a s'agiuare sa cardarella de su cimentu Terminologia scientifica stz Traduzioni Francese bouloir Inglese cauldron Spagnolo cuezo Italiano calderèlla Tedesco kleiner Kessel

carrítu , nm Definizione min. de carru, carru piticu, mescamente su chi si faent is piciochedhos giogandho Sinonimi e contrari carrixedhu Frasi po giúchere custa robba su maritu moviat chin su carritu e sos cadhos dae su sera innantis po andhare a Núgoro e garrigare àteru 2. pro zogare duos boes de cau de triguíndia, su pudhedru de canna, unu carritu de ortixu Terminologia scientifica ggs Traduzioni Francese charreton Inglese little cart Spagnolo carrito Italiano carrettino Tedesco kleiner Handwagen.

castangiòla , nf Definizione genia de erba chi portat sa fògia chi assimbígiat a su trivógiu e faet unu frorighedhu grogo in sa chimighedha (bona a suciare, de sabore aghedu): in s'arraighina longa chi portat faet una genia de castangedhas pitichedhedhas (e po cussu est un'erba chi ndhe prenet su logu e no lassat crèschere àteru) Sinonimi e contrari allelua, argu 1, binuvorti, coraxedu, pitziabítzia Terminologia scientifica rba, Oxalis pes-caprae Etimo srd. Traduzioni Francese petite oseille Inglese wood-sorrel Spagnolo acederilla Italiano acetosèlla Tedesco kleiner Sauerampfer.

càta , nf: catza 2 Definizione tzípula, genia de druche a bisura de una lóriga manna (o rolliana), chi si faet mescamente a carrasegare; cosa istrecada, fintzes cosa cota Sinonimi e contrari frijola, frisciola, fusone 1, típula, vuvusone Modi di dire csn: catas meladas = tzípulas cun su meli; cata de oos = oos abbatados e frissos; fàghere a una c. = istrecai Frasi sas catas cherent ifustas in mele o in su túcaru ◊ sa mama lis at fatu sas catas, a sos pisedhos ◊ si fachiat sa tzorronata bennenne catzas e uvusones tzucoratos ◊ ant aggrucau sos bichinaos ritzivindhe cumbidos de binu e catas ◊ in s'istantziedha bi aviat una canistedha cena de catzas 2. si est fatu a una cata, abbadherigadu de su risu! ◊ li at faladu su pè e at fatu sa figu a una cata ◊ tue ses vivendhe a runcos de fenuju, isse a peta e oos a cata ◊ a su corpu chi at dadu, a sa màchina li at fatu sa cabbina a una cata Cognomi e Proverbi smb: Cata, Catta Terminologia scientifica drc, mng Traduzioni Francese beignet Inglese pankake, omelet Spagnolo buñuelo, churro Italiano frittèlla, frittata Tedesco kleiner Pfannkuchen, Omelett.

chilcighédhu , nm: chirchighedhu, circhixedhu Definizione min. de chílciu, cricu piticu Sinonimi e contrari circhígliu Traduzioni Francese petit cercle Inglese small ring Spagnolo círculo pequeño Italiano cerchiétto Tedesco kleiner Reif.

chirchígliu , nm, nf: circhíglia, circhígliu, circhílliu Definizione cricu piticu, genia de crichighedhu, fintzes solu pintau o de colore a inghíriu de calecuna cosa; fintzes lorinchinos Sinonimi e contrari chilcighedhu, chírchinu / aricina, loritzina, pendhulica Frasi custu cuadhu portat unu circhígliu a ingíriu de sa pipia 2. in is origas portat dus circhíllius de prata Etimo spn. cerquillo Traduzioni Francese petit cercle Inglese small ring Spagnolo círculo pequeño Italiano cerchiétto Tedesco kleiner Reif.

cidulèdha , nf Definizione tenent custu númene duas calidades de erba de sabore agru Sinonimi e contrari coraxedu 1, erbasalia, marraola, medhaca, meraxa, meriàgula, miriola / alabatu Terminologia scientifica rba, Rumex acetosella, Rumex crispus Traduzioni Francese petite oseille Inglese sorrel Spagnolo acederilla Italiano acetósa minóre, lapàzio Tedesco kleiner Sauerampfer.

coignólu , nm: coinzolu, cuinzolu Definizione genia de istrégiu mannitu fatu cun pertighedhas intéssias, de canna Sinonimi e contrari corbinzolu, pischedha, scartedha Frasi si at ammanitzadu su fusile, unu coinzolu cun binu, pane e casu, e ch'est essidu a catza ◊ su trigu l'at postu in su coinzolu ◊ at buscadu unu cuinzolu de figu Terminologia scientifica stz Etimo ltn. cophinus Traduzioni Francese panier, corbeille Inglese basket Spagnolo cesto Italiano bùgnolo, corbèllo, cestino Tedesco kleiner Korb.

coigríspa , nf Definizione genia de erba bona a istangiare su sàmbene de una segada Sinonimi e contrari pamparedha, pampinella Terminologia scientifica rbc, Sanguisorba minor Etimo srd. Traduzioni Francese sanguisorbe Inglese burnet Spagnolo pimpinela Italiano salvastrèlla Tedesco kleiner Wiesenknopf.

coítza , nf Definizione sa coatza o punta de su foete o de cosas deasi Sinonimi e contrari coàcia / cdh. cuditza Cognomi e Proverbi smb: Coizza Traduzioni Francese petite queue, extrémité Inglese small tail, end Spagnolo colita Italiano pìccola códa, estremità Tedesco kleiner Schwanz, Ende.

cònnaru , nm Definizione pische: una genia de macioni Sinonimi e contrari zanchetu Terminologia scientifica psc Traduzioni Francese petit gobie Inglese candian sand-smelt Spagnolo gobio pequeño Italiano pìccolo ghiòzzo, latterino Tedesco kleiner Ährenfisch.

conzèdha , nf Definizione genia de istrégiu de terra a bàtoro asas; una perra de su corgiolu de sa nughe e fintzes su corgiolu de s'ou apustis essiu su pudhighinu; a logos est ferru (sonàgia) chi si apicat in su tzugu a is animales, po sonare, o fintzes casigiolu Sinonimi e contrari bróina Terminologia scientifica stz Etimo srd. Traduzioni Francese petite jarre Inglese small pitcher Spagnolo pequeña jarra Italiano pìccolo órcio Tedesco kleiner Krug.

coraxédu , nm Definizione erba de axedu, genia de erba cun sa fògia chi assimbígiat a su trivógiu e faet unu frorighedhu grogo in sa chimighedha (chi est bona a issuciare, de sabore aghedu): in s'arraighina faet una genia de castangedhas pitichedhedhas (medas, e po cussu est un'erba chi ndhe prenet su logu e no lassat crèschere àteru) Sinonimi e contrari allelua, argu 1, binuvorti, castangiola, limbassu, ludapassa, mammagheda, pitziabítzia, suciosa Terminologia scientifica rba, Oxalis pes-caprae, O. corniculata Etimo srd. Traduzioni Francese petite oseille Inglese sorrel Spagnolo aleluya Italiano acetosèlla Tedesco kleiner Sauerampfer.

corfichédhu , nm Definizione min. de corfu, cropighedhu Traduzioni Francese petit coup Inglese small blow Spagnolo golpecito Italiano pìccolo cólpo Tedesco kleiner Schlag.

crichète , nm Definizione persona, unu de pagu giudu Sinonimi e contrari listrone, lolle, scimpri, tontassu, tontarrone Traduzioni Francese crétin Inglese nitwip Spagnolo tontarrón Italiano fessacchiòtto Tedesco kleiner Dummkopf.

cunèdha, cunédhu , nm Definizione cuna pitica, sachedhu de tela po ingòllere su pane a su sartu (aterue ponent su pannitzu): sa buca dh'acàpiat una codriola, po dh'aguantare serrada, che in sa taschedha Sinonimi e contrari sachitu Frasi sa sorre manna mi aiat annuntu duos panes in su cunedhu de linu (Q.Falchi)◊ bi at unu cunedhu prenu de dinari ◊ apo fatu sa vida tzapandhe, cun d-unu cantu de pane in su cunedhu e ischidandhe a s'impudhile!◊ pro caticare su lestínchinu ant postu su cunedhu Terminologia scientifica stz Traduzioni Francese sachet Inglese small bag Spagnolo saquete Italiano sacchétto Tedesco kleiner Sack.

cungiabédhu , nm Definizione min. de congiali; genia de istrégiu Sinonimi e contrari cunzatinu, zarolu Frasi su cungiabedhu calat a funtana fintzas chi si segat Terminologia scientifica stz Traduzioni Francese petit seau Inglese bucket Spagnolo cubito Italiano secchièllo Tedesco kleiner Eimer.