Ditzionàriu in línia
de sa limba e de sa cultura sarda

cadínu , nm: carinu, curinu Definizione istrégiu mannu, artu e largu impreau fintzes po binnennare, pònnere abba e àteru; àtera genia de istrégiu prus mannu, fatu de canna isperrada intéssia o àteru cadinu po orrobba)/ min. cadinedhu Sinonimi e contrari gofa, cavagna / lóssia, paneri Modi di dire csn: c. de arremustai = ispétzia de iscartedhu mannu chi serbit pro ndi bogai su mustu de is tinas candu est ancora cun sa binatza; c. de preta = lússia, isterzu mannu de canna intéssida a pònnere laore; c. de pannus = paneri; pisci ’e c. = chistiones o cosas personales, prus díligas; seguru che àcua in c. = seguru nudha; fai iscartedhu e c. = nàrrere, fàghere totu unu, dimandha e risposta, no chèrrere azudu; cadinu isfundau (nadu de unu) = chi no assutat mai, sempre faedhendhe Frasi at segadu su cadinu torrendhe dae s'abba ◊ unu cadinu de àxina podit pesai de binti a bintixincu chilus ◊ candu si binnennàt a carinus is portarois portànt totu su suci in sa camisa 2. fit betendhe abba a cadinos ◊ custa cosa est segura che abba in cadinu… 3. totu bollit fai issu, iscartedhu e cadinu! ◊ chini ti at nau nudha? totu ses fendi tui, iscartedhu e cadinu! Cognomi e Proverbi smb: Cadinu Terminologia scientifica stz Etimo ltn. catinus Traduzioni Francese panière Inglese big basket Spagnolo cesta, cestón Italiano cestóne Tedesco großer Korb.

caistèdha , nf, nm: canestredha, canistedha, canistedhu, canistredha Definizione de s'istrégiu de fenu (est fata de iscaria), est cussu a costaos bàscios e piticu (unos barantas centímetros de diàmetru) impreau a pònnere prus che àteru cosa de papare, fintzes in mesa (es. su pane) Sinonimi e contrari cherrighedha, palinedha, palini, pobinu Frasi pone duos orzatos in sa caistedha ca immurzamus! ◊ pitzinnu minore ma, si li bocas canistedha, sa parte sua si la fachet che pessone manna! ◊ assupreint sas féminas a ndhe acabidare in cólvulas e canistredhas piatos, istelzos, pane e dulches restados Terminologia scientifica stz Traduzioni Francese corbeille, manne Inglese small basket Spagnolo panero Italiano canestrino Tedesco kleiner Korb.

caistédhu , nm: canistedhu 1, cranistedhu, canistredhu Definizione su cherrigu, de s'istrégiu de fenu (est fatu de iscaria) est cussu a costaos bàscios (ma prus artos de cussos de sa canistedha) e prus mannu meda (largu mancari unu metro e prus de diàmetru); in calecunu logu dhu narant a sa canistedha (de matessi genia e bisura ma meda prus pitica)/ canistedhu de allàciu = istrexu de fenu a puntu longu Sinonimi e contrari banastra, carrigu, coladòrgia, irgrandiola Frasi su pani si poniat in canistedhus e palinis e si lassàt axedai in callenti o imbussau ◊ dónnia chida is massajas prugànt e faiant sa farra in sedatzu e canistedhu ◊ tia Tatónia issunniat su trigu de maghinare, dhu lassàt a sicutare unu pagu e pois che dhu betàt in duos canistedhos Terminologia scientifica stz Etimo ltn. canistellum Traduzioni Francese grande corbeille Inglese wicker basket Spagnolo canasta, harnero Italiano canèstra, gròsso canèstro Tedesco großer Korb.

cavàgna , nf, nm: cavània, cavànna, cavànnia, cavànniu, gavagna Definizione istrégiu mannu de càrrigu, a usu de cascita, no tanti artu, fatu a tiras longas de linna ladas e intéssias Sinonimi e contrari cofa Frasi de sa butega est essiu unu piciochedhu cun d-una cavagna de pani ◊ at pigau sa cavànnia po arregòlliri canciofa Terminologia scientifica stz Traduzioni Francese panier, grande corbeille Inglese shopping-bag, big basket Spagnolo cesta Italiano spòrta, gròssa césta Tedesco Korb.

còfa , nf: gofa Definizione genia de istrégiu mannu tundhu e artu, totu apertu in pitzu, fatu cun pertighedhas fines téssias, o fintzes de canna, po portare pedra pitica, carrare frutuàriu e àteru Sinonimi e contrari iscofa 1 Frasi in cussa ofelleria faiant su dinai a cofas ◊ cussa no est cosa de pigai a cofas: o ita est, giarra?! ◊ inchi ti ndi essit pigau una cofa de dimónius! Terminologia scientifica stz Etimo ctl. cofa Traduzioni Francese corbeille de vannerie Inglese wicker basket Spagnolo cesta, canasta Italiano césta di vìmini Tedesco Weidenkorb.

coignólu , nm: coinzolu, cuinzolu Definizione genia de istrégiu mannitu fatu cun pertighedhas intéssias, de canna Sinonimi e contrari corbinzolu, pischedha, scartedha Frasi si at ammanitzadu su fusile, unu coinzolu cun binu, pane e casu, e ch'est essidu a catza ◊ su trigu l'at postu in su coinzolu ◊ at buscadu unu cuinzolu de figu Terminologia scientifica stz Etimo ltn. cophinus Traduzioni Francese panier, corbeille Inglese basket Spagnolo cesto Italiano bùgnolo, corbèllo, cestino Tedesco kleiner Korb.

còlbe , nf: colve, corbe, corva, corve, cove, crobe, crobi Definizione istrégiu mannu de fenu (iscaria) a costaos artos, téssiu cracu meda de no lassare passare mancu sa farra prus fine: po su prus pigat unos binti chimbe litros; a logos sa corve est istrégiu fatu a pertighedhas e canna isperrada / min. corvitu, crobedha, corvezola = zenia de córbula, crobadhedha / piciocus de crobi = pisedhos chi in Castedhu mandhaiant a sos cumandhos a batire o portare cosa a córbula Sinonimi e contrari cólvula Frasi est passada Fulana cun sa colbe de trigu ◊ ndhe calat sa corve dae cúcuru e lis faghet assazare de su chi zughiat ◊ leade sa cove a che pònnere custa cosa! ◊ at afacau sa pudha in d-una crobe po criare ◊ porto as corbes chin us erregalus de us isposos Cognomi e Proverbi smb: Corbe, Corbedda, Crobe, Crobedda, Crobis Terminologia scientifica stz Etimo ltn. corbe(m) Traduzioni Francese panier Inglese large basket Spagnolo canasta Italiano còrba Tedesco Korb.

corvítu , nm Definizione genia de colve pitichedha Terminologia scientifica stz Traduzioni Francese panier Inglese basket Spagnolo cesta Italiano corbèllo Tedesco Korb.

cóvinu , nm Definizione arretza po piscare ambidha, nassa fata cun pértiga Terminologia scientifica pscd Etimo ltn. cophinus Traduzioni Francese nasse pour pêcher l'anguille Inglese eel basket Spagnolo nasa para anguilas Italiano nassa per anguille Tedesco Aalreuse.

crobecàda , nf: crubecada Definizione crobe, istrégiu de pramma o de fenu, cun covecu po pònnere o chistire pane, farra Frasi in sa crubecada allogu símbula grussa e frégula Terminologia scientifica stz Etimo srd. Traduzioni Francese panier Inglese basket Spagnolo panera Italiano zana, césta di fibre di palma Tedesco Korb aus Palmenfaser.

frossèlla , nf: fruscella, frussella Definizione istrégiu piticu fatu de tzinniga intéssia (como de plàstica) po dhue pònnere s’arrescotu friscu chi si piscat faendhodhu; s’arrescotu chi dhue cabet aintru; istregighedhu de terra Sinonimi e contrari frúscia, piscedha Frasi at batiu una frossella de recotu pro si la rebbotarent ◊ nachi est andhadu a leare fruscellas de regotu Terminologia scientifica stz. Traduzioni Francese faisselle Inglese small basket Spagnolo encella Italiano fiscèlla Tedesco Weidenkorb, Handkorb.

irgrandiòla, irgrandizòla , nf Definizione canistedhu mannu Sinonimi e contrari caistedhu, ingrandhajola Frasi si poniat sa sedatzadorja intro de s'irgrandizola ◊ leàdebbos una cogone dae s'ingrandiola mia! Terminologia scientifica stz Etimo srd. Traduzioni Francese corbeille Inglese wicker basket Spagnolo canasta Italiano canèstra Tedesco großer Korb.

ispòrta , nf: isportza, sporta Definizione istrégiu de giuncu, coment'e un'iscartedha allonghiada, fata po pigare su trigu semenandho o pònnere in su bruncu a is animales candho tréulant po no papare laore / avb. a s'isporta (cun isporta)= nau de pantalones, istrintos in is cambas, de su benugu a su cambúciu, adatos po chie ponet is cambales, cicit a cuadhu Sinonimi e contrari panalza Frasi si fit istada cosa de manicare ndhe aviat cenu chimbe o ses isportas ◊ de mongixedhas ndi bodhiaiaus a isportas prenas ◊ cussa est una piscinàrgia e un'isporta isfundhà! 2. si unu si bestit in giancheta de billutu, gambales de corria e pantalones a s'isporta, est unu pastore Terminologia scientifica stz Etimo ltn. sporta Traduzioni Francese panier Inglese basket Spagnolo espuerta Italiano spòrta Tedesco Korb.

isportínu , nm: sportinu Definizione genia de istrégiu tundhu e ladu a duos pígios apertos in mesu (po intrare in su fusu de sa prentza), fatu de crinu, fatu de crinu po pònnere s'olia mólia a dha prentzare / mata de i. (nadu de unu)= mataudhone, chi portat brenti manna Sinonimi e contrari iscartinu Frasi at cumintzau a carrare sos isportinos, los at prenaos e postos in sa supressa ◊ cada momentu umpriat una túrbia de abba budhia e la ghetabat a sos isportinos ◊ is isportinus si ponint unu apitzus de s'àteru intraus in su fusu de su bancu 2. mata de isportinu chi no est àteru! Etimo srd. Traduzioni Francese scouffin Inglese big round basket Spagnolo capacho Italiano fìscolo Tedesco Beutel zum Auspressen der Oliven.

órriu 1 , nm: úrriu Definizione cadinu de preta o tiras de canna, mannu meda, po pònnere laore chistiu / mannu cantu un'ó. = mannu meda Sinonimi e contrari cadinu, granale, lóscia Frasi su trigu est siguru in s'órriu ◊ annos de fadigas acolumant sos órrios de sos matimannos ◊ in nedhue bi at órriu seguru, sas incunzas sunt totu devastadas Terminologia scientifica stz Traduzioni Francese gros panier cylindrique à provisions Inglese cylindrical basket of interlaced canes to keep grain Spagnolo hórreo Italiano granàio cilìndrico di canna intrecciata Tedesco Strohkorb für den Weizen

palinèdha , nf: pallinedha, parinedha Definizione min. de palina: de s'istrégiu ladu de fenu (est fatu de iscaria), est cussu piticu (unos baranta centímetros de diàmetru) e a costaos bàscios, prus largu in is oros Sinonimi e contrari caistedha Frasi Mariarosa at postu is cocòis e is modhitzosus in sa palinedha ◊ apicaus dhui at sedatzus po fai sa farra, parinedhas e crobedhas Terminologia scientifica stz Traduzioni Francese petite corbeille Inglese small basket Spagnolo cesta pequeña Italiano canestrino Tedesco kleiner Korb.

panéri , nm Definizione cadinu de pannus, istrégiu matucu cun su fundhu de pértigas e is costaos fatos cun tiras de canna isperrada intéssia, cosa chi a logos narant corve (nf.); in cobertantza, su culu / min. paneredhu Sinonimi e contrari pischedhu, scartinna / colu 1, ciapanarju Frasi sa fémina po bogare a lughe sos fizos si est inzeniada a fàere crobes e paneris de iscraleu, frorizaos un'ispantu 2. dh'ant operau de murenas a paneri ◊ is piciochedhus si funt agataus currendi conca a bidha cun is peis atacaus a paneri, de sa timoria! Terminologia scientifica stz Etimo ctl. paner Traduzioni Francese panier Inglese basket Spagnolo cesta, canasta Italiano panière Tedesco Korb.

paneríta , nf: parinita, paronita Definizione genia de paneri Sinonimi e contrari paneredhu Frasi iscurtzas, a munnedha cugudhadas, in dies caldas e in dies fritas, cun córvulas, cestinos, paneritas in Tàtari intrant a una trumada ◊ atzendhe sos pensamentos e arríbbalos in una paronita de seda (Z.Zazzu) Terminologia scientifica stz Etimo srd. Traduzioni Francese corbeille, panier Inglese small basket Spagnolo cesta Italiano cestèllo Tedesco kleiner Korb.

scartèdha , nf, nm: iscartedha, scartedhu Definizione genia de istrégiu (fatu cun pertighedhas intéssias e canna) chi de su fundhu faet andhandho (artzandho) e aperindhosi de prus in artu, in is oros / partes de su scartedhu: su fundhu, is costaos, s'asa (una o duas), is oros; min. scartedhedhu Sinonimi e contrari coignolu, ispasa, piscedha, scartina Frasi sa scartedha est prena a cúcuru ◊ po fai is costas de su scartedhu imperant is tiras de canna isperrada ◊ no mi nd'ant giau e ndi seu torrau a scartedhu búidu Cognomi e Proverbi smb: Scarteddu Terminologia scientifica stz Traduzioni Francese panier Inglese basket Spagnolo cesta, canasta Italiano césta, panière Tedesco Korb.