Ditzionàriu in línia
de sa limba e de sa cultura sarda

gannidúra , nf Definizione su gannire de su cane, su istare gannindhe Sinonimi e contrari gànnidu, túnchiu Etimo srd. Traduzioni Francese gémissement, glapissement Inglese whining, howling Spagnolo gañido Italiano mugolaménto Tedesco Winseln.

ganníre , vrb Definizione su istare a tzúnchios, nau de su cane e de su margiane; nau de gente, abboghinare po dolore forte Sinonimi e contrari gannitare Frasi in cue bi gannit su matzone a s'impudhile ◊ gannit su cane ◊ si no fit pro su gannire de carchi marjane, su mutine de cussu locu fit istatu ispantosu Terminologia scientifica bga Etimo ltn. gannire Traduzioni Francese glapir Inglese to yelp Spagnolo gañir Italiano gagnolare Tedesco winseln.

giangiulàre , vrb Definizione su tzunchiare, su lamentu chi faet su cane candho est sufrendho meda Sinonimi e contrari corojare, gruiri, torrunzare, turulare, tzunchiai Terminologia scientifica bga Etimo srd. Traduzioni Francese glapir Inglese to squeak, to howl Spagnolo gañir Italiano guaiolare, mugolare Tedesco winseln.

órulu , nm: úrrulu Definizione genia de gugúliu de su cane, chi abbóghinat illonghiandho sa boghe, boghes unu pagu orrorosas de àteru animale (es. margiane); boghes, gridas de gente, moida forte a súrbiu, mescamente de is bentos / pesàresi a órulos Sinonimi e contrari abélidu, agrugu, coroju, giàngiulu, gràliu, gurrúliu, zàrulu / grida, ólchidu Frasi a s'órulu de su cane fint inie aes e feras ◊ s'intendhet órulos de catedhu ◊ parent órulos de mariane famiu 2. sa bidha fit torrata unu burdellu niedhu chin prantos, órulos, protestas e minetzas ◊ l'ant piantu a órulu in sa losa Etimo srd. Traduzioni Francese hurlement, glapissement Inglese shout, squeak Spagnolo gañido, aullido, grito Italiano urlo, guaito Tedesco Winseln, Jaulen, Schrei.

rànzida , nf Sinonimi e contrari morrugnu, ranzera Frasi pariat cane a rànzida cun ossu Etimo srd. Traduzioni Francese glapissement, jappement Inglese mumbling, howling Spagnolo gemido Italiano mugolìo, ustolìo Tedesco Winseln.

torrunzàre , vrb: torunzare, turrunzare, turunzare Definizione giare a bíere is dentes comente faent is canes ammeletzandho de de mossigare Sinonimi e contrari corojare, orulare, torojare, tunchiare / chensare, morrugnare 2. bi at carcunu chi turunzat e narat de no àere sorte ◊ bi at carcunu chi si turunzat e narat de no àere sorte Traduzioni Francese geindre, glapir Inglese to howl Spagnolo gañir, gruñir Italiano mugolare Tedesco winseln.

tunchiàre , vrb: atunchiare, ciunchiare, (túncia túncia, pro túnciare = nr. tunciatúncia, protunciàre) tunciare, tzunchiai Definizione istare o èssere a tzúnchios mescamente po dolore, maladia, ma fintzes po gosu; su si chesciare, istare a lamentu po calecuna cosa chi no andhat comente si iat a bòllere; su abboghinare de su cane candho dhu cracant Sinonimi e contrari agemenai, bemire, chesciai, grèmmere, intzunchiai, nitzulare / muschiare, musci Frasi bidèndhemi atristadu, finas sas pedras túnciant pro su dolu ◊ ruet sentza alas in terra, brujendhe, túncia túncia, cansada e chimerendhe 2. ant terrinu meda, ma túnciant pibièndhesi de no ndhe àere cantu bastat ◊ sos pòveros túnciant ca in sa partimenta de sos pagamentos sos printzipales pagant piús pagu ◊ mudu: marranu chi túncies! ◊ mancu tunciadu at Etimo srd. Traduzioni Francese gémir, glapir, japper Inglese to whine Spagnolo gemir, aullar Italiano gèmere, mugolare, uggiolare Tedesco stöhnen, winseln.

túnchiu , nm, nf: (su t. = sutúnchiu) ciúnchiu túncia, túnciu, túnghiu, tzúnchiu Definizione genia de boghighedha coment'e a lamentu po dolore, ma fintzes po gosu, cuntentesa; sa boghe de su cane candho dh'ant atripau; cosa chi si narat a lamentu; genia de sonu lamentosu / su túnchiu de sa morte = póleu, sórriga, su sorrogu de chie est morindho Sinonimi e contrari agémenu, ghémida, intzúnchidu, pibia, píliu / chensa, coroju, murrunzu, órulu, teroju, torunzu / múliu Frasi túncios de piantu cuades istratzendhe tràmulas sicadas a s'àrvure de su coro ◊ no che lis at essidu unu túnciu ◊ si ch'est andhadu a coa bàscia, a túnciu e a murrunzu 2. finamentra innoghe sa zente est a túncia fata contra a sa mala amministrascione 3. no sempre sos túnghios de su bentu li fiacabant su sonnu (G.Piga) Etimo srd. Traduzioni Francese gémissement, glapissement Inglese whimpering Spagnolo lamento, quejido, aullido Italiano gèmito, mugolìo Tedesco Stöhnen, Winseln.

turulàre , vrb Definizione istare a tórulos, a boghes, a lamentos Sinonimi e contrari abeliai, agruguai, agrumiai, arrulliai, borulare, corojare, gurruliai, intzunchiai, torrunzare Traduzioni Francese gémir, glapir Inglese to whimper Spagnolo gemir Italiano mugolare Tedesco winseln.