Legenda Abbreviazioni | Legenda Simboli

aghérvu , agt Definizione nau de frutuàriu, chi no est lómpiu, chi no est fatu, no est ancora de papare; nau de ccn., chi est tropu piticu Sinonimi e contrari crú, chélviu | ctr. lómpidu 2. ant dadu in pastu a sa brutalidade sa fiza agherva, ancora criadura Etimo ltn. acerbus Traduzioni Francese vert Inglese unripe Spagnolo inmaduro Italiano immaturo Tedesco unreif.

cardàssu , nm Definizione mata de figu areste, o figu de crabas; su crabione de sa figu, figu crua e ancora pitica; a logos, àliga ammuntonada, a meda Sinonimi e contrari calbuvigu, figuapru, figugraba / cardafu, crabione Terminologia scientifica mt, Ficus carica var. caprificus Traduzioni Francese caprifiguier, figuier sauvage Inglese caprifig Spagnolo cabrahigo Italiano caprifico, fico immaturo Tedesco wilder Feigenbaum.

iscrómpidu 1, iscrómpiu , agt Definizione chi no est ancora fatu, nau de cosas chi lompent a unu certu tempus, chi no est lómpiu / ovu iscrómpidu = chi portat su croxu a pillonchedhu modhi, chi no est fatu Sinonimi e contrari cherfu | ctr. cotu, drempidu, fatu Etimo srd. Traduzioni Francese vert, qui n'est pas mûr Inglese unripe Spagnolo inmaduro Italiano immaturo Tedesco unreif.

púpu 1 , nm Definizione sa figu apenas chi si cumènciat a bíere e po cantu est crua Sinonimi e contrari crabione, perchinzone Frasi a santu Zubanne de làmpadas si biet su pupu de sa ficu predinzana… ◊ a bortas ruet innantis su pupu chi no sa ficu Terminologia scientifica rbr Traduzioni Francese sycone Inglese syconium Spagnolo higo no maduro Italiano sicònio, fico immaturo Tedesco Feigenblüte, unreife Feige.

ufiòne , nm, agt: ofione, ufrone, unfione, unfrone Definizione giúmburu ufrau, ufradura de carre bia pistada; sa figu créschia de mannària pagu innanti de còere; in cobertantza, nau de gente, chi o chie si ofendhet e si primmat luego, po cosas de pagu contu Sinonimi e contrari abbugnadura, tzulumbone, unfiatzu / cdh. unfioni / crabione, perchinzone / primmagiolu, ufrósigu Frasi bubbullancas, tzoedhos, tzurumbones si únfiant che pane intro 'e sa bura: in su coro ti ponent sa tristura e sos mermos diventant che unfrones (G.Ruju) 2. làssalu istare, cuss'ufrone, chi no faghet mancu a bi zogare! Terminologia scientifica rbr, ntl Etimo srd. Traduzioni Francese figue verte Inglese unripe fig Spagnolo higo no maduro Italiano fico immaturo Tedesco unreife Feige.

«« Cerca di nuovo