Ditzionàriu in línia
de sa limba e de sa cultura sarda

calbuvígu , nm: crabavigu, crabuficu, crabuvigu, crapuficu, crapuicu Definizione mata de figu areste, o figu de crabas, figu cràbina Sinonimi e contrari cardassu, figuapru, figugraba Frasi si faghet logu ue totu si fichit, che a su sèmene de su crabuvigu chi finamentas in sa roca atichit ◊ s'abba fit riendhe in lascinzos e brinchitendhe in tzurumbas, giuru e crabuvigu Terminologia scientifica mt, Ficus carica var. caprificus Etimo ltn. caprificus Traduzioni Francese caprifiguier Inglese caprifig Spagnolo cabrahigo Italiano caprifico Tedesco wilder Feigenbaum.

cardàssu , nm Definizione mata de figu areste, o figu de crabas; su crabione de sa figu, figu crua e ancora pitica; a logos, àliga ammuntonada, a meda Sinonimi e contrari calbuvigu, figuapru, figugraba / cardafu, crabione Terminologia scientifica mt, Ficus carica var. caprificus Traduzioni Francese caprifiguier, figuier sauvage Inglese caprifig Spagnolo cabrahigo Italiano caprifico, fico immaturo Tedesco wilder Feigenbaum.

figugràba, figugràbina , nf: fiungràbia Definizione figu de crabas, mata de figu areste; a logos dhu narant po figumorisca? Sinonimi e contrari calbuvigu, cardassu, figuapru Frasi bai ca gei dhui at fiungràbia inforrada in sa domu de su forru! 2. càstia, is féminas funt coment'e sa figugràbia: chi timis s'ispina no arrennescis a ndi papai! (A.Garau) Terminologia scientifica mt, Ficus carica var. caprificus Etimo ltn. ficus caprius Traduzioni Francese caprifiguier Inglese caprifig Spagnolo cabrahigo Italiano caprifico Tedesco Wilder Feigenbaum.