Legenda Abbreviazioni | Legenda Simboli

catràma , nf, nm: catramu Definizione genia de materiale cagiau, niedhu, chi si faet de su crabone fóssile, de su petróliu, de sa linna Frasi su mare otora betat un'isclamu, de lua l'issaeschet unu velu, in altu in sa bòvida de su chelu si bi est frommendhe a pizos su catramu (G.Monzitta)◊ medas ispiàgias tenint colori de catramu ◊ bortas totu a catramu e a tzimentu chi de su chi est no ischis mancu cantu! Etimo itl. Traduzioni Francese goudron Inglese tar Spagnolo alquitrán Italiano catrame Tedesco Teer.

impicàre 1 , vrb: impigare, impigiai, impigiare, impixai, impixare, impixari Definizione pònnere su pighe, istangiare, tupare cun pighe; fàere niedhu che pighe Sinonimi e contrari impighinzonare Frasi su sabbateri impixat sa soga po cosí ◊ poniant sa cosa suba de sos telos de tela impigada ◊ at cosidu cun ispau impigadu ◊ cussu carradellu lu deves impixare! ◊ ma ite portas, sas urigas impigadas, chi no intennes canno ti tzírriant?! 2. sunt logos impigados de su disisperu Etimo srd. Traduzioni Francese poisser Inglese to tar Spagnolo empegar Italiano impeciare Tedesco pichen.

incatramàe, incatramài, incatramàre , vrb Definizione betare, pònnere su catramu; nau mescamente in cobertantza, pigare s'àteru a ingannu Sinonimi e contrari asfaltai / abbovai, colovrinare, imbaucare, imbusterai, imbuvonare, improsae, ingannai, ingrangugliare, trampai Etimo srd. Traduzioni Francese goudronner Inglese to tar Spagnolo alquitranar Italiano incatramare Tedesco teeren.

«« Cerca di nuovo