Legenda Incurtzaduras | Legenda Sìmbulos

catràma , nf, nm: catramu Definitzione genia de materiale cagiau, niedhu, chi si faet de su crabone fóssile, de su petróliu, de sa linna Frases su mare otora betat un'isclamu, de lua l'issaeschet unu velu, in altu in sa bòvida de su chelu si bi est frommendhe a pizos su catramu (G.Monzitta)◊ medas ispiàgias tenint colori de catramu ◊ bortas totu a catramu e a tzimentu chi de su chi est no ischis mancu cantu! Ètimu itl. Tradutziones Frantzesu goudron Ingresu tar Ispagnolu alquitrán Italianu catrame Tedescu Teer.

impicàre 1 , vrb: impigare, impigiai, impigiare, impixai, impixare, impixari Definitzione pònnere su pighe, istangiare, tupare cun pighe; fàere niedhu che pighe Sinònimos e contràrios impighinzonare Frases su sabbateri impixat sa soga po cosí ◊ poniant sa cosa suba de sos telos de tela impigada ◊ at cosidu cun ispau impigadu ◊ cussu carradellu lu deves impixare! ◊ ma ite portas, sas urigas impigadas, chi no intennes canno ti tzírriant?! 2. sunt logos impigados de su disisperu Ètimu srd. Tradutziones Frantzesu poisser Ingresu to tar Ispagnolu empegar Italianu impeciare Tedescu pichen.

incatramàe, incatramài, incatramàre , vrb Definitzione betare, pònnere su catramu; nau mescamente in cobertantza, pigare s'àteru a ingannu Sinònimos e contràrios asfaltai / abbovai, colovrinare, imbaucare, imbusterai, imbuvonare, improsae, ingannai, ingrangugliare, trampai Ètimu srd. Tradutziones Frantzesu goudronner Ingresu to tar Ispagnolu alquitranar Italianu incatramare Tedescu teeren.

«« Torra a chircare