aggatàda , nf Definizione su aggatare, su istrecare Sinonimi e contrari afissa, strecada Etimo srd. Traduzioni Francese écrasement Inglese squeeze, kind of flat bread Spagnolo aplastamiento Italiano schiacciata Tedesco Quetschen.

apalpidàre , vrb: aparpidare, aprapidare Definizione istare tocandho cun is manos, che chi siat andhandho o faendho cosa a s'apràpidu, a s'iscuru Sinonimi e contrari ammanucai, apalpare, apalpuzare, aplopodhare, atrapidare Frasi aprapidandho, at detau s'istória de sa vida sua Etimo srd. Traduzioni Francese palper, toucher Inglese to squeeze Spagnolo toquetear, tantear Italiano palpare Tedesco betasten.

aplopodhàre , vrb: aporpodhare, aprapudhae, -ai, -are, aprapuedhai, apropodhai, apropudhai, -are, aprupudhai, porpodhare Definizione istare totu tocandho, a suighidura, cun is manos (fintzes cun significau sessuale) Sinonimi e contrari ammanucai, ammanutzare, apalpedhare, apalpuzare, aparpidare, aprapitai, atrapidare, tochitae Frasi si ti bollis afancedhai… dhui est cuss'istàtua: tenis àsiu aprapudhendi! ◊ aprapudhas s'amanti sempri in parti de corrali! ◊ ses tui chi fust apropodhandu, mugendu…◊ at cumentzau a mi aporpodhare in totu sa carena Etimo srd. Traduzioni Francese palper Inglese to touch, to squeeze Spagnolo manosear Italiano palpeggiare, fornicare Tedesco befühlen.

apodhighíngiu, apodhighínzu , nm Definizione su istare apodhigandho Sinonimi e contrari ammanuncamentu, apodhiconzu, apódhicu, apupudhu Etimo srd. Traduzioni Francese tâtage Inglese squeeze Spagnolo manoseo Italiano palpeggiaménto Tedesco Befühlen.

atipriàre , vrb: atripiare, atropiare, atrupiare Definizione catzigare o istrecare e múrghere su súciu de calecuna cosa; istrínghere, múrghere is trastos, s’orrobba samunada, po che dhis bogare s’abba Sinonimi e contrari tilpiare* / intortijare, tortojare / irfrutuare Frasi a sa malàida l'at atrupiadu sa tita e de matéria ndh'at pienadu una tatza ◊ atropiaiat cun sas manos suas sa ua sèbera pro fàghere su binu de sa Missa ◊ unu tempus sa ua l'atropiaiant a pes Traduzioni Francese presser Inglese to squeeze Spagnolo exprimir Italiano sprèmere, strizzare Tedesco pressen, auswringen.

cracàda , nf: cricada Definizione su cracare, genia de cropu a forte Sinonimi e contrari achicada, colpu Frasi a sa cricada de s'isprone t'istampo finas sa mata! Etimo srd. Traduzioni Francese écrasement Inglese squeeze Spagnolo aplastamiento, mate Italiano schiacciata Tedesco Quetschen.

ispremiàre , vrb Definizione coment'e istrecare, istringhendho o incracandho a forte po ndhe fàere essire cosa Sinonimi e contrari afíere, isprèmere, supressai Etimo spn. (a)premiar Traduzioni Francese presser Inglese to squeeze Spagnolo exprimir, extraer Italiano sprèmere Tedesco ausdrücken.

múgghere , vrb: mugi, múgiri, mújere, múlgere, múlghere, múlgiri, múrgere, múrghere, múrguri Definizione istrínghere sa tita a manos (o is tzimingiones, si est baca) o fintzes passare is tzimingiones in mesu de is pódhighes coment'e a tiradura a manera de ndhe fàere essire su late; nau de àteru, istrínghere cosa fintzes a atrotigadura a manera de ndhe dhi fàere essire abba o súciu; nau in cobertantza, isfrutare / pps. múlghidu, multu, muntu, murtu Sinonimi e contrari múgliri / atipriare, isciuciai / irfrutuare Modi di dire csn: m. a sa cadhigada = a s'imperriotu, ponindhe su fiadu suta de ancas e murghindhe a conca imbassiada a cara a betu contràriu; m. a cúcuru in culu = apispirinados in daisegus de su fiadu; múrghere a unu che chera de abbatu = isfrutaidhu, pigaindedhi totu sa cosa, acomenti faint is allurpius Frasi immoi mugeus is bacas ◊ murtas las azis sas berbeghes? ◊ ndh'at murtu duas, de berbeghes, in tantos annos chi fit pastore!…◊ como murghent fintzas a màchina ◊ murgiant a un'ipiolu ◊ is mannalissas si mulgiant in domu ◊ su babbu est mujenno ◊ cussa craba, candu dha mugint, imbrutat s'istrégiu!◊ custa manu mi dolet e no si dha fatzo a múrgere! 2. sa samunadora murghet sa robba samunada ◊ ti murgo a sa tatza su sutzu de un'arantzu ◊ sa lavatrice est murghindhe: candho faghet, istèrreche sa robba 3. ant postu sa giustíscia in movimentu pro la múrghere issos sa bidha! Terminologia scientifica pstr Etimo ltn. mulgere Traduzioni Francese traire, tordre Inglese to squeeze, to milk Spagnolo ordeñar, exprimir Italiano múngere, strizzare Tedesco melken, auswringen.

prèmere, prèmi , vrb: prèmmere, prèmmiri Definizione fàere fortza (de pesu o de àteru) apitzu, coment'e incracandho, fintzes coment'e istringhendho Sinonimi e contrari afíere, incalcare, isprèmere, istrígnere, tilpiare Etimo ltn. premere Traduzioni Francese appuyer, presser Inglese to press, to squeeze Spagnolo apretar Italiano prèmere, sprèmere Tedesco drücken, ausdrücken.

prenciài , vrb: prensai, prensare, prentzai, prentzare Definizione incracare a prentza Sinonimi e contrari imprentzai, supressare Frasi sa benàcia depit èssi prenciara po ndi bogai totu su binu ◊ teniat sa prensa e binzateris meda che leaiant sa binata pro la prensare Etimo spn. prensar Traduzioni Francese presser, pressurer, comprimer Inglese to squeeze, to crush Spagnolo prensar Italiano torchiare, comprìmere, pressare, pigiare Tedesco pressen.

strecàda , nf Definizione su strecai Sinonimi e contrari afissa, aggatada Etimo srd. Traduzioni Francese écrasement Inglese squeeze Spagnolo aplastamiento Italiano schiacciata Tedesco Quetschen.

tilpiàre , vrb: tirpiare, tripiare, tropiare, trupiare Definizione istrínghere cosa a istrecadura, a murghidura, a atrotigadura, po che dhi bogare su súciu, s'abba; fintzes isfrutuare s'àteru Sinonimi e contrari afíere, isciuciai, isprèmere, profizare / acacigai, atipriare, irfrutuare Frasi su pastore trúpiat sas titas de sas arveghes murghíndhelas ◊ l'ant tilpiada che istratzu ◊ si trúpiant sos budrones in su lachedhu ◊ tropiendhe sa raba… faghent brou! ◊ l'at trupiadu a tenatzas ◊ su suore che l'azis tripiadu debbadas 2. su coro oprimidu restat che limone tripiadu (S.Macis)◊ adiu vida de gherra chi tripiadu mi as pro chimbant'annos! (M.Dore)◊ a su pensionadu lu fúliant tripiadu che limone ◊ no ti fóscighes su coro e ne ti trúpies sos chervedhos! ◊ a sa pianta ti atacas a tilpiare ca sa vida cheres ◊ ant tripiadu sa famíglia de su secuestradu ◊ pro nos fàghere mannos as tirpiadu sas fortzas chi aias 3. trípio pro su chi at fàmine e fritu Etimo srd. Traduzioni Francese presser, essorer Inglese to squeeze Spagnolo estrujar, exprimir Italiano strizzare, sprèmere Tedesco auswringen, auspressen.

tortojàre , vrb Definizione múrghere is trastos, s'orrobba samunandho Sinonimi e contrari atipriare, atriciare, intortijare Etimo itl. (at)tortigliare Traduzioni Francese tordre, essorer Inglese to squeeze, to wring clothes (out) Spagnolo torcer Italiano sprèmere, strizzare i panni Tedesco auswringen.

trupiàda , nf Definizione su trupiare Sinonimi e contrari afissa, multa Etimo srd. Traduzioni Francese pressage, action de presser, d'essorer Inglese squeeze Spagnolo prensado Italiano strizzata, spremuta Tedesco Auswringen.

«« Cerca di nuovo