arrosàriu , nm: orrosàriu, rojaru Definizione genia de pregadoria a chimbe postas o pasias de avemmarias, babbonnostros e glórias; lobu de pibionedhos piticos intraos a filera e ispartzios in chimbe postas, cun su santugristos, po nàrrere sa pregadoria / ispibionai s’a. = nàrrere o rasare su rosàriu Sinonimi e contrari arroseri, corona Frasi oi no apu nau una posta de s'arrosàriu! ◊ gei ndi ap'ai ispibionau cuatru de arrosàrius po cussa piciochedha!…◊ issa si setziat e naràt s'arrosàriu de cuíndixi postas Traduzioni Francese chapelet Inglese rosary Spagnolo rosario Italiano rosàrio Tedesco Rosenkranz.

coròna , nf Definizione cosas, orrocas artas, personas postas (o tentas impare) totu a inghíriu tundhu; antigamente, in sa Sardigna indipendhente, sa c. fut una genia de cossígiu (Corona de Logu) chi decidiat is chistiones de s'istadu (Logu) impare cun su soberanu (Giuighe), o fintzes sa corte de is giuighes chi faiant unu dibbatimentu Sinonimi e contrari arrosàriu, coronedhu, filleri / cdh. curona / caróngiu Modi di dire csn: ómines de corona = bonos ómines; corona de azu, de fiores, de corrus; sa c. de s'unga = su tretu de sa raighina chi essit a fora prus craru; in c. de unu = totu a inghíriu (es. de su mortu); c. de monti = rocas artas a inghíriu de carchi punta, comente a fàghere un'ata; sa c. (in sas rocas) = pèlcia; erba de coronas = badàngiu (lonicera implexa) Frasi est sèmpere a corona in manu rasendhe su rosàriu ◊ teniant in cuerru pira de zerru, coronas de figu sicada, nughe e nintzola ◊ ses sempre bivinno in pecau mortale cena ti nàrrere mai sa corona 2. so andhadu a su mortu: in corona bi sunt sos fizos, sa muzere, sos àteros parentes custrintos 3. sa losa fit una corona cun d-unu crastu mannu a serrare 4. sos ómines de corona, sos menzus de bidha, nos ant partzidu s'interessu chin grandhe cumpeténtzia e onestade (M.A.Mula) Cognomi e Proverbi smb: Corona, Coronas Etimo ltn. corona Traduzioni Francese couronne, chapelet, Cour Inglese crown, panel of judges, rosary Spagnolo corona, rosario, tribunal Italiano coróna, rosàrio, collègio giudicante Tedesco Krone, Rosenkranz, Richterkollegium.

padennòste , nm: parinostu, pedrinostu, perdinnosti, pradennostre, prainnoste Definizione donniunu de is granos de una corona, de una cannaca / collana de prainnostes = zenia de prendha de coradhu Sinonimi e contrari babbunostru / aelmaria / nàcaru Frasi is didus allisant is parinostus, arrosariendi ◊ est unu pedrinostedhu pitiu pitiu ◊ essiat contendhe sos perdinnostis annoischidhados cun filu istramanadu ◊ minuda, ocannu, s'olia: paret pradennostres! Etimo itl. padrenostro Traduzioni Francese grain du chapelet Inglese rosary bead Spagnolo cuenta, grano Italiano grano del rosàrio Tedesco Rosenkranzperle.

«« Cerca di nuovo