Legenda Abbreviazioni | Legenda Simboli

bastiólu , nm: bestiolu, bestiou, bistiolu Sinonimi e contrari àinu, bistiedhu, burriolu Frasi unu tempus medas teniant una mola e su bistiolu po molli su trigu ◊ a inue ses andhandho a bestiolu? ◊ bateus unu bestiolu de figumorisca 2. mi parit ca non soi goici bestiola e tostada de cumprendóniu! Terminologia scientifica anall Etimo srd. Traduzioni Francese bourricot Inglese donkey Spagnolo burro Italiano somaro Tedesco Esel.

borríca , nf: burrica Definizione molente fémina Sinonimi e contrari àina 1 Frasi sa burrica serbiat po is trabballus in su sartu, po arai sa corria de sa bíngia Traduzioni Francese ânesse Inglese donkey (hen) Spagnolo burra, asna Italiano àsina Tedesco Eselin.

mobènti , nm: moenti, molente, molenti, mollenti, mouenti, muenti Definizione animale mannu, de sa matessi genia de su cuadhu, ma de carena meda prus pitica, giua a pilos prus curtzos, a origas mannas e longas, unga totu a unu, cambas longas, conca manna e longa, de agguantu meda, forte, nódidu po sa passiéntzia, símbulu de s'ignorante e de su tostorrudu, ma fintzes de chie si credet pagu, de chie est isfrutau o trebballat a tropu: si domat e s'issedhat a manera de dhu pòdere carrigare o cicire Sinonimi e contrari àinu, borricu, burràgliu, chidolu, cotzi, poledhu, uncónchinu Modi di dire csn: andhare a molente = a cadhu a s'àinu; isciacuai sa conca a su mobenti = dare avertimentos totu in debbadas; su mobenti no connoscit su tzafanau = est unu innorante chi no cumprendhet sa bellesa o s'importu de una cosa; molentatzu = nadu a menisprésiu prus de comente est a menisprésiu sa peràula molente pro chie no atuat e no faghet contu de s'àteru; fai una cosa candu su muenti est mortu de s’arrisu = tropu a irmasionu, tirare tropu a longas; èssiri su m. de domu = su chi prus peleat in sa famíllia; acapiai su m. aundi bolit su meri = fàghere comente cheret chie cumandhat; erba de molentis = selabatu (Symphytum officinale); càriga o figu de m. (in cobertantza)= làdhara, su ledàmine tostu chi faghet custu pegus Frasi nosu dhu setzeus a mobenti e nci dhu torraus a impachetai puru, cussu! ◊ currúxinu de mobenti no àrtziat a celu ◊ molentatzu, bessiminci! ◊ est una tassa de cafellati chi dhui nadat povintzas su mouenti ◊ su nai cosa a issu est comenti a isciacuai sa conca a su mobenti ◊ a cuadhu de molenti si nci bogant is bugonis de bidha! Cognomi e Proverbi prb: unu contu fait su molenti e unu su molentàrgiu Terminologia scientifica anar, anall, equus asinus Etimo ltn. molente(m) Traduzioni Francese âne Inglese donkey Spagnolo asno, burro Italiano àsino Tedesco Esel.

mobentràxu , nm: moentraxu, molentàrgiu, molentarju, molentarxu, molentraxu Definizione chie contivígiat o manígiat àinos, molentes (coment'e boinàgiu, boes, crabàgiu, crabas, o àteros); nau a disprétziu, chie si giaet a bíere ignorante, pagu abbistu Sinonimi e contrari ainàgiu, poledhaju Frasi cussos sunis molentàrgios linnandhe ◊ unu contu fait su molenti – narat su díciu – e un'àturu su molentarxu! 2. bai, mancai àndist in sa furca, mobentraxu! ◊ ndi as a cumprendi, tui, moentraxu! Etimo srd. Traduzioni Francese ânier Inglese donkey driver Spagnolo burrero Italiano asinàio Tedesco Eseltreiber, Eselzüchter.

«« Cerca di nuovo