Legenda Abbreviazioni | Legenda Simboli

casucótu , nm: casugotu 1 Definizione una genia de erba: orchidea aresti; prus che àteru su pl., is casucotus, funt is càrigas, màncias de diferente colore chi si formant in is cambas aparadas meda nudas a su fogu Sinonimi e contrari tubaridúbari 2. tocat a illichidire, no faet a abbarrare a fàere casu cotu pata a fogu! Terminologia scientifica rba, Anacamptis longicornu, Dactylorhiza maculata, Anacamptis morio Etimo srd. Traduzioni Francese orchis à long éperon, orchis bouffon Inglese wild orchis, green-winged orchid Spagnolo especies de orquídeas Italiano orchide cornuta, concòrdia Tedesco geflecktes Knabenkraut, Kleine Knabenkraut.

càvana , nf: càvuna Definizione aina segante a punta acancarronada e a màniga longa po dha pigare a duas manos: assimbígiat de fatura a sa pudatza (a màniga curtza, de pigare a una manu) Sinonimi e contrari cana, cirradroxa, faltzone, fústina, ischirradorza, luatorja, orostazu, rultàglia, ruvadorja, urvajola Modi di dire csn: èssiri fatu a c. = a sa russa, a bistrale, èssere de maneras pagu fines; c. iscollada = nadu de ccn., èssere irreguladu, fàghere sa cosa chentza critériu Frasi si cantaus in sardu no est isceti po fai festa, ma est po dhis torrai su pani prestau a is óminis de càvuna chi a s'ispanigadroxu movint a su sartu (A.Satta) Terminologia scientifica ans Traduzioni Francese serpe à manche long Inglese billhook Spagnolo podadera, hocino Italiano rónca, róncola Tedesco Hippe.

iscagliòla, iscagliòra , nf: scagliola Definizione elva trigale, una genia de erba chi betant po fàere brovendha de pigiones Terminologia scientifica rba, Phalaris canariensis Etimo itl. Traduzioni Francese millet long Inglese birdseed Spagnolo alpiste Italiano scagliòla Tedesco Kanariengras.

lóngu , agt, nm Definizione nau de cosa, chi misurat meda o fintzes prus de cantu serbit in su sensu de unu filu, de una filada; nau de tempus, chi durat o chi paret meda; nau de animale, su pl. parte de su matzàmene, su fodhale, fintzes totu s'istentina; nau de unu po comente faet, chi est pagu lestru / min. longhitu Sinonimi e contrari | ctr. crúciu Modi di dire csn: l. che su mese de maju = chi parit de no acabbai prus; segaresiche curtzos e longos = (nau in cobertantza de s'ómini) segaisindi totu sa natura; andai a l. = tirare a longas, tzirigheltare, istare tropu tempus cun carchi chistione chentza ndhe atuliare; pònnere de l. = a manera de resurtare de su matessi betu sa longària de duas cosas, de su chi si ponet e de su logu inue si ponet e gai; male de su l. = male a istentinas; brodu l. = de pagu sustàssia, isabbisabbi; èssiri longu fuedhendi = istare a illériu nendhe fintzas cosas chi si podent lassare Frasi s'abe reina est piús longhita ◊ cantu fit longu fit ladu, rutu in terra ◊ ponide su bancu de longu, ca de rugadis no cabet! ◊ no si podet istare a tempos longos ispetendhe! ◊ coitade ca su caminu de fàghere est longu! Cognomi e Proverbi smb: Longu Etimo ltn. longus Traduzioni Francese long Inglese long Spagnolo largo Italiano lungo Tedesco lang.

oróru , avb: aroru Definizione acanta a s'oru, in totu su tretu de is oros Frasi fiu cichendi isparau ororu de cresura ◊ su fogu fuidu s'est frimmu totu ororu de istrada ◊ so andhadu ororu de riu ◊ in cue sas piantas sunt créschidas ororu de sa trempa Etimo srd. Traduzioni Francese tout le long de… Inglese along the edge Spagnolo a lo largo Italiano lungo i màrgini Tedesco die Ränder entlang.

pilíni , nf Definizione una genia de erba Sinonimi e contrari acuca, coiatu, cucacuca, scariola Terminologia scientifica rba, Phalaris paradoxa Etimo srd. Traduzioni Francese alpiste, millet long Inglese birdseed Spagnolo alpiste Italiano scagliòla Tedesco Kanariengras.

«« Cerca di nuovo