Ditzionàriu in línia
de sa limba e de sa cultura sarda

alguzínu , nm: argazinu, arguginu, arguzinu Definizione chie custódiat gente ingalerada; una genia de gioga minuda Sinonimi e contrari gioghita Traduzioni Francese geôlier, gardien de prison Inglese warder Spagnolo carcelero Italiano carcerière Tedesco Gefängniswärter.

bacàgiu , nm: bacraxu, bacàgliu, bacàrgiu, bacarxu, bacarzu, bagarju, vacàgliu Definizione chie pastórigat su paru bàchinu, pegos de bulu Frasi bàtoro annos bagarju so istau pasculendhe sas vacas de Fulanu ◊ mi so pesadu bacarzu ca babbu fiat bacarzu ◊ custa fit una família de pastores bacàglios Cognomi e Proverbi smb: Baccàrgiu Terminologia scientifica prf Etimo ltn. *vaccarius Traduzioni Francese vacher, gardien de vaches Inglese cowboy Spagnolo vaquero Italiano vaccaro Tedesco Kuhhirt.

badriànu , nm: bardianu, fardianu, vardianu Definizione chie istat a bàrdia, badrandho, giaendho atentzione, custodiandho calecuna cosa Sinonimi e contrari badreri, bardiadore, castiadore, guardadori, tentarzu / cdh. galdianu Frasi bardianos sos canes apedhant a sa zente ◊ meses intreos a badrianu, in su tempus de is bíngias, si che artzàt a pitzu de su nuraghe e sonàt su pitariolu Terminologia scientifica prf Traduzioni Francese gardien Inglese keeper Spagnolo guarda, guardián Italiano guardiano Tedesco Wächter.

bàrdia , nf: Definizione chie giaet atentzione a calecuna cosa, dha custódiat; logu de ue si abbàidat calecuna cosa; pl. is dentes de is craes Sinonimi e contrari chistidore, guàldia / fàrdia Modi di dire csn: murone de bàrdia = su murone chi andhat addainanti e daet atentu pro totu su fiotu; pàsculu in bàrdia = ínnidu, bardadu Frasi e deo inie che murone de bàrdia, dèndhebbi atentzione! ◊ fit unu chi fit bàrdia armada Etimo itl. Traduzioni Francese gardien, sentinelle Inglese guard Spagnolo centinela Italiano guàrdia, sentinèlla Tedesco Wache.

cartzeléri, cartzelléri , nm Definizione castiadore de presone, chie in is galeras tentat is presoneris Etimo ctl. carceller Traduzioni Francese gardien de prison Inglese warder Spagnolo carcelero Italiano carcerière Tedesco Gefängniswärter

castiadòre, castiadòri , nm Definizione chie est postu a custodiare, a badrare calecuna cosa, calecunu logu: c. de bíngias, de argiolas, de àteru Sinonimi e contrari agodradori, badrianu, bardiadore, chistidore, miradori, tentadore / agasone, bennidore, obbiaxu, padraxu Frasi iant lassau sa tumba bèni custodida noti e dí cun is castiadoris ◊ mi torrat a pigai coment'e castiadori de su livàriu e aici su chi dhu depu dh'iscontat de sa mesada ◊ is castiadoris funt orovetendi Terminologia scientifica prf Etimo srd. Traduzioni Francese gardien Inglese warder Spagnolo guardián Italiano guardiano Tedesco Wächter.

guardadòri , agt Definizione chi istat castiandho, giaendho atentzione a calecuna cosa a manera chi no tèngiat male Sinonimi e contrari badrianu, bardiadore, castiadore, miradori Frasi àngiulu miu guardadori, ti at mandau su Signori po guardai s'ànima mia! Traduzioni Francese gardien Inglese guardian Spagnolo guardia, guardián Italiano custòde Tedesco Schutz…, verwahrend.

miradòre, miradòri , nm Definizione chie abbarrat a giare atentzione, tenet s'impreu de castiare e custodiare calecuna cosa Sinonimi e contrari badrianu, bardiadore, castiadore, tentadore / agasone, bennidore, padraxu Etimo srd. Traduzioni Francese gardien Inglese guardian Spagnolo guardián, guarda Italiano custòde Tedesco Wächter.

tentadòre , nm, agt Definizione chie istat tentendhe, a càstiu, giaendho atentzione a calecuna cosa chi no che dha furent, chi no tèngiat dannu Sinonimi e contrari castiadore, miradore Frasi su tentadore fit in binza cun s'archibbusu ◊ si times a ti furare ponebbei tentadore! Etimo srd. Traduzioni Francese gardien Inglese guard Spagnolo guardián, guarda Italiano guardiano Tedesco Wächter.