Ditzionàriu in línia
de sa limba e de sa cultura sarda

alguzínu , nm: argazinu, arguginu, arguzinu Definitzione chie custódiat gente ingalerada; una genia de gioga minuda Sinònimos e contràrios gioghita Tradutziones Frantzesu geôlier, gardien de prison Ingresu warder Ispagnolu carcelero Italianu carcerière Tedescu Gefängniswärter.

bacàgiu , nm: bacraxu, bacàgliu, bacàrgiu, bacarxu, bacarzu, bagarju, vacàgliu Definitzione chie pastórigat su paru bàchinu, pegos de bulu Frases bàtoro annos bagarju so istau pasculendhe sas vacas de Fulanu ◊ mi so pesadu bacarzu ca babbu fiat bacarzu ◊ custa fit una família de pastores bacàglios Sambenados e Provèrbios smb: Baccàrgiu Terminologia iscientìfica prf Ètimu ltn. *vaccarius Tradutziones Frantzesu vacher, gardien de vaches Ingresu cowboy Ispagnolu vaquero Italianu vaccaro Tedescu Kuhhirt.

badriànu , nm: bardianu, fardianu, vardianu Definitzione chie istat a bàrdia, badrandho, giaendho atentzione, custodiandho calecuna cosa Sinònimos e contràrios badreri, bardiadore, castiadore, guardadori, tentarzu / cdh. galdianu Frases bardianos sos canes apedhant a sa zente ◊ meses intreos a badrianu, in su tempus de is bíngias, si che artzàt a pitzu de su nuraghe e sonàt su pitariolu Terminologia iscientìfica prf Tradutziones Frantzesu gardien Ingresu keeper Ispagnolu guarda, guardián Italianu guardiano Tedescu Wächter.

bàrdia , nf: Definitzione chie giaet atentzione a calecuna cosa, dha custódiat; logu de ue si abbàidat calecuna cosa; pl. is dentes de is craes Sinònimos e contràrios chistidore, guàldia / fàrdia Maneras de nàrrere csn: murone de bàrdia = su murone chi andhat addainanti e daet atentu pro totu su fiotu; pàsculu in bàrdia = ínnidu, bardadu Frases e deo inie che murone de bàrdia, dèndhebbi atentzione! ◊ fit unu chi fit bàrdia armada Ètimu itl. Tradutziones Frantzesu gardien, sentinelle Ingresu guard Ispagnolu centinela Italianu guàrdia, sentinèlla Tedescu Wache.

cartzeléri, cartzelléri , nm Definitzione castiadore de presone, chie in is galeras tentat is presoneris Ètimu ctl. carceller Tradutziones Frantzesu gardien de prison Ingresu warder Ispagnolu carcelero Italianu carcerière Tedescu Gefängniswärter

castiadòre, castiadòri , nm Definitzione chie est postu a custodiare, a badrare calecuna cosa, calecunu logu: c. de bíngias, de argiolas, de àteru Sinònimos e contràrios agodradori, badrianu, bardiadore, chistidore, miradori, tentadore / agasone, bennidore, obbiaxu, padraxu Frases iant lassau sa tumba bèni custodida noti e dí cun is castiadoris ◊ mi torrat a pigai coment'e castiadori de su livàriu e aici su chi dhu depu dh'iscontat de sa mesada ◊ is castiadoris funt orovetendi Terminologia iscientìfica prf Ètimu srd. Tradutziones Frantzesu gardien Ingresu warder Ispagnolu guardián Italianu guardiano Tedescu Wächter.

guardadòri , agt Definitzione chi istat castiandho, giaendho atentzione a calecuna cosa a manera chi no tèngiat male Sinònimos e contràrios badrianu, bardiadore, castiadore, miradori Frases àngiulu miu guardadori, ti at mandau su Signori po guardai s'ànima mia! Tradutziones Frantzesu gardien Ingresu guardian Ispagnolu guardia, guardián Italianu custòde Tedescu Schutz…, verwahrend.

miradòre, miradòri , nm Definitzione chie abbarrat a giare atentzione, tenet s'impreu de castiare e custodiare calecuna cosa Sinònimos e contràrios badrianu, bardiadore, castiadore, tentadore / agasone, bennidore, padraxu Ètimu srd. Tradutziones Frantzesu gardien Ingresu guardian Ispagnolu guardián, guarda Italianu custòde Tedescu Wächter.

tentadòre , nm, agt Definitzione chie istat tentendhe, a càstiu, giaendho atentzione a calecuna cosa chi no che dha furent, chi no tèngiat dannu Sinònimos e contràrios castiadore, miradore Frases su tentadore fit in binza cun s'archibbusu ◊ si times a ti furare ponebbei tentadore! Ètimu srd. Tradutziones Frantzesu gardien Ingresu guard Ispagnolu guardián, guarda Italianu guardiano Tedescu Wächter.