Ditzionàriu in línia
de sa limba e de sa cultura sarda

chivésciu, chivéssu , avb: ischilvésciu* Definizione chi no est deretu, chi est trotu Sinonimi e contrari abboe, achibboe, achifilu, acorrimboe, biàsciu, calembru, imboe, isgretzi, sbiàsciu Traduzioni Francese de travers, de guingois Inglese crooked Spagnolo sesgado, torcido Italiano sghémbo Tedesco schief.

ciapuédhu, ciapulédhu , nm Definizione min. de ciapu, ma mescamente genia de macarrone: is ciapuedhus o tzapuedhus funt macarrones fatos a manu, de chivarzu (ma no solu), orrughedhos de pasta alladiada segada a orrughedhos Frasi a papai eus fatu ciapuledhus a casu furriau Traduzioni Francese genre de pâtes courtes Inglese a kind of macaroni Spagnolo clase de pasta corta Italiano un tipo di pasta córta Tedesco eine Art Makkaroni.

ciciòne , nm: cigioni, cijone, ciucione, tzitzone Definizione macarrone tundhu, fatu istrecandho cun sa matza de su pódhighe mannu un'orrughedhu de pasta / ciciones de rugu = malloredhos fatos cun iscete (podhe) e pódhine (frúfere) Sinonimi e contrari ciciolau, istrangulau, malladedhu, mutzitu, pitzoti Frasi como andho a maghinare e apustis bos fato sos ciciones ◊ a manigare bi tenimus cicionedhos a pódhighe Terminologia scientifica mng Traduzioni Francese "gnocchi" (quenelles de purée de pommes de terre et farine) Inglese gnocchi Spagnolo gnocchi Italiano gnòcco Tedesco Kloß.

cigàla , nf Definizione animaledhu de mare a corgiolu tostau che a su càvuru Sinonimi e contrari cigaledha, papagóciula, sugàgia Terminologia scientifica crx, scyllarus arctus, scyllarides latus Etimo ctl. cigala Traduzioni Francese squille, cigale de mer Inglese squill Spagnolo cigala Italiano scìllaro Tedesco Bärenkrebs.

císso, císsu , avb: citzu, gissu Definizione chitzo, a bon'ora, tempus antibitzau si est postu apare cun àter'ora apustis, ma mescamente nau de su mengianu cantu prima (fintzes innanti de abbrèschere) Sinonimi e contrari chici* | ctr. taldu, trigadiu Frasi est ancora iscuriu candu a cissu mi ndi pesu ◊ su fixu est torrau custu citzu ◊ tocat a si ndi pesai a cissu po acodiri a pigai su postali Terminologia scientifica tpc Traduzioni Francese tôt, de bonne heure Inglese early Spagnolo pronto, temprano Italiano prèsto Tedesco früh.

clàmu , nm: cramu Definizione su acusare una fura, giare sa chèscia; su tzerriare, pedire agiudu Sinonimi e contrari chensa, denúntzia / agiutóriu Etimo srd. Traduzioni Francese action de dénoncer un vol, réclamation Inglese complaint Spagnolo denuncia, llamamiento Italiano denùncia di còsa rubata, reclamo Tedesco Anzeige, Beschwerde.

coàcia , nf, nm: coàciu 1, coatza Definizione sa punta de sa coa, sa parte de sa coa de is pigiones; sa punta de unu chintórgiu, de una fune o de àteru deasi; s'iscutuladura de su linu, sa pagighedha chi che dhi orruet (ndhe preniant is banitas) Sinonimi e contrari coitza, cúmmiru, punta Frasi sa coatza de sa fune, de sa tzinta, de sa litranga Terminologia scientifica crn Etimo srd. Traduzioni Francese extrémité de la queue, croupion Inglese rump Spagnolo extremidad de la cola Italiano estremità della códa, codrïóne degli uccèlli Tedesco Bürzel.

cocoràtza , nf Definizione càlixi o capedhu de muru: una genia de erba chi faet in is calancas de is muros Sinonimi e contrari alighemuru, calichemuru, capedhemuru, cocorroi, salighemuru Terminologia scientifica rba, Umbilicus rupestris Traduzioni Francese ombilic de Vénus Inglese venus navelwort Spagnolo ombligo de Venus Italiano ombelico di Vènere Tedesco Nabelkraut.

coedòpi , nf Definizione coa de topi: calidades diferentes de erba de sa matessi genia nadas deosi ca portant s'ispiga coment'e una coa de sórighe Terminologia scientifica rba, Alopecurus bulbosus, Alopecurus pratensis, Phleum pratense, Cynosurus cristatus Etimo srd. Traduzioni Francese queue de rat Inglese rat tail Spagnolo cola de zorro, fleo de los prados Italiano codolina Tedesco Ackerfuchsschwanz.

còfa , nf: gofa Definizione genia de istrégiu mannu tundhu e artu, totu apertu in pitzu, fatu cun pertighedhas fines téssias, o fintzes de canna, po portare pedra pitica, carrare frutuàriu e àteru Sinonimi e contrari iscofa 1 Frasi in cussa ofelleria faiant su dinai a cofas ◊ cussa no est cosa de pigai a cofas: o ita est, giarra?! ◊ inchi ti ndi essit pigau una cofa de dimónius! Terminologia scientifica stz Etimo ctl. cofa Traduzioni Francese corbeille de vannerie Inglese wicker basket Spagnolo cesta, canasta Italiano césta di vìmini Tedesco Weidenkorb.

cogàlzu, cogàrzu , nm: corcarju, corcàrgiu, crocarzu, crogàgiu, crogàgliu, crogàrgiu, crogarzu, crogaxu Definizione ispétzia de cullera de corru po usu de is pastores in su cuile: dha faent de sa punta de unu corru de boe o de su mascu de is brebès, o fintzes de linna mannas / ungras de cogarzu = tropu longas; tocare su corcarju a ccn. (nadu brullendhe) = tocare sa manu Sinonimi e contrari collàrgiu, cragallu, giogalzu, locarzu, pilita / cdh. curredha Frasi no ndi dhu ant a bodhí mancu a crogaxu! ◊ in su cubile bi at abbarrau corcarjos e fruales ◊ a sos oto annos fio crapitarju: tandho li desi ghetu a su corcarju, a su recotu, a sa bituera (P.Piga)◊ e chie leat tirudhas, tirudhones, palas de forru e cogalzos! 2. segadichelas cussas ungras de cogarzu! Cognomi e Proverbi prb: chie faghet trudhas faghet cogarzos ◊ chie zuchet corcarju papat late! Terminologia scientifica ans Etimo ltn. cochlearium Traduzioni Francese cuiller de corne Inglese horn spoon Spagnolo cuchara de cuerno Italiano cucchiàio di còrno Tedesco Hornlöffel.

cogónu , nm Definizione sicadura a tropu de calecuna cosa (es. pane modhe); fintzes dispraxere, prus che àteru de ofesa, de su èssere apocau, fatu a bregúngia Sinonimi e contrari assicorradura, assicorru / angóniu, annógiu, ràngulu Etimo srd. Traduzioni Francese état de ce qui est dur, sec, rassis, ressentiment Inglese drying up Spagnolo resecado, resentimiento Italiano rinsecchiménto, risentiménto Tedesco trocken werden, Groll.

cogoràu , nm Definizione logu, pomentu de is orrugas fatu a cogorus, a pedra Sinonimi e contrari impedradu, incocodau, incoduau Frasi me is arrugas de bidha unu tempus dhoi fiat su cogorau: immoi dhas ant acarraxadas de catramu Etimo srd. Traduzioni Francese pavé de cailloux Inglese cobbled paving Spagnolo empedrado Italiano acciottolato Tedesco Steinpflaster.

collocaméntu , nm Definizione su collocare, su pònnere in postu de trebballu; s'ufíciu chi contivígiat sa lista de is disocupaos Sinonimi e contrari collocatzione Traduzioni Francese placement, bureau de placement Inglese placing Spagnolo empleo, oficina de empleo Italiano collocaménto Tedesco Anstellung.

colorídu , pps, agt, nm: coloriu Definizione de colorire; chi est de colore; su colore bellu de sa carre, mescamente de cara Sinonimi e contrari tintu / cdh. culuritu 2. mamma fut altighina, bella e colorida ◊ in d-un’ora de forru prus o mancu su civraxu est cotu, bèni pesau e coloriu ◊ colorida mariposa, totu briu e totu amore, visitas dogni fiore ◊ una m’incantat po s’arrubiori, s’àtera est bianca e apena coloria Traduzioni Francese de couleur, coloré Inglese stained Spagnolo colorido, coloreado Italiano colorato Tedesco bunt.

comentacòe , avb Definizione in calesisiat manera Sinonimi e contrari comentecasiat, comentesisiat Frasi a dónnia contu fàciat comentacoe!(E.Nieddu) Traduzioni Francese de toute façon Inglese however Spagnolo de todas formas Italiano comùnque Tedesco wie auch immer.

comentecasíat , avb Definizione de una css. manera Sinonimi e contrari comentacoe, comentisiollat, comentesisiat Etimo srd. Traduzioni Francese de toute façon Inglese however Spagnolo de todas formas Italiano comùnque Tedesco wie auch immer.

comodínu , nm: cumodinu Definizione genia de mobbiledhu chi si ponet apresu a sa cabitzana po dhue arrimare cosa chi podet serbire a sa persona crocada in su letu Sinonimi e contrari cdh. cumudinu Etimo itl. Traduzioni Francese table de chevet Inglese night-table Spagnolo mesa de cabecera Italiano comodino Tedesco Nachttisch.

comúna , nf, nm: comune, comunu, cumona, cumuna Definizione pópulu chi si guvernat cun is leis suas etotu; domo cumonale, sede de s'amministratzione de una bidha Frasi già ti poto comune lastimare candho penso comente ses torrada (B.R.Carbone)◊ sa guàrdia de sa cumona est marranu de vídere una vetura chi l'achicat deretu una contravintzione ◊ su segretàriu de comuna dhu pagant a su mese Etimo itl. Traduzioni Francese mairie, hôtel de ville Inglese town-hall Spagnolo ayuntamiento Italiano municìpio, comune Tedesco Rathaus.

comunèlla , nf: cumonella Definizione cumonéssia, ma prus che àteru nau a disprétziu: su si pònnere impare in cosas pagu de bonu Sinonimi e contrari cumonéssia Frasi contra a sa religione sos eréticos sunt in comunella ◊ su mundhu oe est unu burdellu niedhu chi at fatu comunella cun s'inferru ◊ a mie no mi aggradant custas cumonellas! Traduzioni Francese action de s'accointer Inglese clique Spagnolo camarilla Italiano comunèlla Tedesco Vereinbarung.