Ditzionàriu in línia
de sa limba e de sa cultura sarda

aposéntu , nm, nf: apusentu Definizione domo, oe prus che àteru una de is partes de sa domo, addata donniuna segundhu ite si dhue depet fàere (es. crocare, coghinare, arrecire o àteru)/ genias de a.: de letu, de coxina (o de càrama), de arriciri (sala), de sa linna, de su craboni, de manixu (ue faet a si partare a fàere faina) Sinonimi e contrari càmara, istànsia Frasi no teniant un'àteru apusentu a s'istichire ◊ a is bècius nce dhus iscàrrigant in calincunu aposentu de ispidali, is fillus! ◊ andhamus a s'apusentu nostra pro nos ciambare Terminologia scientifica dmo Etimo spn. aposento Traduzioni Francese chambre, logement Inglese lodging, room Spagnolo cuarto, aposento Italiano càmera, stanza, vano, allòggio Tedesco Zimmer, Raum, Wohnung.

bacínu , nm, nf: bascinu, bassinu, batzina, batzinu Definizione su sannori, nau in cobertantza: genia de istrégiu po dhue fàere de bisóngiu; si narat fintzes de bodheta, foedhos o cosas de maleducaos Sinonimi e contrari orinale, orineri, seglieta, vitillu / bassinada Frasi prus la móricas, sa batzina, e prus putit! ◊ batzinones chi leant una carra dogni note ndhe prenant chimbe e ses! ◊ in momentos de apretu teniant su bacinu suta de su letu ◊ su bascinu si allogàt in su comodinu 2. buca de luru citirí, chi no bengu a innòi po intèndiri bassinus! Cognomi e Proverbi smb: Bassinu Terminologia scientifica stz Etimo spn. bacín Traduzioni Francese pot de chambre, jules Inglese pot (chamber) Spagnolo orinal Italiano pitale Tedesco Nachttopf, Nachtgeschirr.

càmara , nf: càmbara, càmbera, càmera, càrama Definizione parte de sa domo lassada mescamente po crocare, ma fintzes a pònnere e chistire provistas, o bona po arretzire un'istràngiu; sa mobbília po un'aposentu; assemblea de deputaos / min. cambaredha 1 Sinonimi e contrari aposentu, istànsia / saba 1 / caramoto Modi di dire csn: domos càmaras, aposentu ’e càrama = apusentus de letu; càmbara de filetu = aundi si unit su pisci de piscai; c. mortuària = aposentu de gimitóriu o de ispidali aundi lassant is mortus fintzas a ndi dhus pigai po s'interru Frasi bi at domos cun càrama a manca e càrama a destra de sa sala 2. benniant a libbras, a zuzinas, a chilos, a chentos e a misuras, pro su dinari e pro mutzigaduras de càramas, de órrios, de mesinas 3. de tzertu a su pedulianu no si lu ponet a corcare in cussos papizones de letos bagianeris chi bi at in sas domos càmaras! (M.Gattu Soddu) Cognomi e Proverbi smb: Camera Terminologia scientifica dmo Etimo itl. càmbara, camera Traduzioni Francese chambre Inglese room Spagnolo cuarto (m), habitación Italiano càmera Tedesco Zimmer.

camaròne , nm: camerone Definizione fràigu, logu mannu meda, serrau, inue podet càbere gente meda o fintzes po butega, a trebballare, a chistire o arrimare cosa Sinonimi e contrari magasinu, salone Terminologia scientifica dmo Traduzioni Francese grande chambre, grande pièce Inglese large room Spagnolo quarto grande Italiano cameróne Tedesco großes Zimmer.

cobertòne , nm: copertone Definizione pígiu grussu de gomma de is orrodas de màchina Traduzioni Francese enveloppe d'une chambre à air Inglese tyre Spagnolo cubierta Italiano copertóne Tedesco Reifen.

salidórju, salidórzu , nm Definizione logu fatu apostadamente po salire cosa (es. casu in is casifícios) Etimo srd. Traduzioni Francese chambre de salage Inglese salt room Spagnolo saladero Italiano salatóio Tedesco Einsalzraum.

seglièta , nf: sibieta, siglieta, silieta, sillieta Definizione genia de istrégiu de terra a duas asas po fàere de bisóngiu Sinonimi e contrari bacinu, orinale, orineri Frasi promissas a muntonis, a su mentris chi sa monumentali sillieta si pongat a ispartzinai su fragu ◊ fiat apatau in sa sillieta ◊ nosu a custu dhi naraus su sannori, su cavalleri, su bassinu, sa sibieta… Eh, casi ca no est privilegiau, po nòminis!…(R.Fresia) Terminologia scientifica stz Etimo spn. silleta Traduzioni Francese pot de chambre Inglese chamber pot Spagnolo bacín, orinal Italiano vaso da nòtte Tedesco Nachttopf.

serbidòra , nf Definizione fémina angena posta a fàere is fainas de domo, a pagamentu Sinonimi e contrari mutza, teraca | ctr. mere Traduzioni Francese femme de chambre Inglese maidservant Spagnolo criada Italiano domèstica, sèrva Tedesco Hausgehilfin, Dienstmädchen.