Ditzionàriu in línia
de sa limba e de sa cultura sarda

burdelléri , agt Definizione chi o chie faet o ponet burdellu Sinonimi e contrari baticollosu, burdellajolu, burdellosu, carraxeri Etimo srd. Traduzioni Francese bruyant Inglese rowdy Spagnolo ruidoso Italiano chiassóso Tedesco lärmend.

burdellósu , agt Definizione chi faet o ponet burdellu Sinonimi e contrari bacanosu, burdelleri / cdh. buldidhosu Frasi bi at ómines burdellosos e irgherrimiadores ◊ iscola burdellosa, custa: cosa de insurdai! ◊ est unu canali mannu e totu perda aundi calat un'arriu burdellosu ◊ a sa festa bi abbojat zente allegra e burdellosa Etimo srd. Traduzioni Francese bruyant Inglese noisy Spagnolo ruidoso Italiano rumoróso Tedesco lärmend.

iscacàgliu , nm: iscacàlliu, iscarcàgliu, iscarcàlliu, iscracàbiu, iscracàgliu, iscracàlliu, scacàrgiu Definizione ilborrocu de errisu, su erríere a boghe arta / iscúdere un'iscracàlliu = fàghere un'iscracalliada Sinonimi e contrari ghirghílliu, iscacagliada, iscaganu, iscacaratzu, iscracanzu, iscracaxu, irghirghílliu Frasi candho ant intesu sa bàlcica de Antiocu ant rísidu a iscarcàlliu ◊ funt totus a iscracàbius e annigrendu po cudhu gioghendu a cuadhus fortis ◊ si est rísidu a iscarcàllios e at postu de mútria bona a totus ◊ est ridenne a iscacàglios tzaculitatos ◊ su piciochedhu fiat arriendu a iscracàllius ◊ fiat arriendu a iscracàbius, ispassiendusí ◊ sunt totus cicios, bufandho e erriendho a iscracàglios Etimo srd. Traduzioni Francese rire bruyant Inglese guffaw Spagnolo carcajada Italiano risata fragorósa Tedesco schallendes Gelächter.

muinósu , agt Definizione chi ammuinat, chi faet ammuinu Sinonimi e contrari bacanosu, burdellosu, istragatzosu Frasi su riu li paret piús muinosu ◊ sos trainos current a su riu chi muinosu curret a su mare Etimo srd. Traduzioni Francese bruyant Inglese noisy Spagnolo ruidoso Italiano rumoróso Tedesco lärmend.

tronósu , agt Definizione chi faet a tzàcurros o a sonos coment'e de tronu Sinonimi e contrari insurdósigu, isbombiosu Frasi s'ursu si pesat reu, e paret tentu a lanta, movet sos passos tronosu tronosu (P.Casu)◊ nelzendhe gasi, apretat sas pinnas e istúrridat tronosu ◊ mama, it'est s'istraúgliu ch'ispantat sa note tronosa? ◊ at inténdiu una boxi tronosa Etimo srd. Traduzioni Francese assourdissant, bruyant Inglese deafening Spagnolo atronador Italiano assordante, fragoróso Tedesco laut.

tzacarrósu , agt Definizione chi tzacarrat, chi si segat a tzacurradura; chi est turrau meda, chi tzàcurrat, chi si papat a tzàcurru Sinonimi e contrari àrridu, assicorrau, isbombiosu, trachedhosu, tzacadinu, tzachedhadore, tzicarrosu / àrridu, assicorrau, tzacadinu, tzacarrinu Frasi chi dhi fiat cabau unu de cussus tronus tzacarrosus dh'iant agatada morta e acidrinada Etimo srd. Traduzioni Francese crépitant, bruyant Inglese crackling, rumbling Spagnolo crepitante Italiano scoppiettante, fragoróso Tedesco knisternd.

tzachedhósu , agt: sachedhosu Definizione chi tzachedhat; nau de unu, chi luego si ofendhet po dónnia cosa, chi no aguantat brullas Sinonimi e contrari isbombiosu, tzacarrosu / arrennegaditu, primmósigu, tzacosu Frasi in s'istante s'intendhet unu tronu tzachedhosu (N.Cucureddu) Etimo srd. Traduzioni Francese bruyant, susceptible, irritable Inglese noisy, oversensitive Spagnolo fragoroso, susceptible Italiano fragoróso, suscettìbile, scattóso Tedesco lärmend, empfindlich.