A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

raminèdha , nf Definizione genia de istrégiu largu, de arràmene Terminologia scientifica stz.

raminítza , nf Definizione erva de ràmine, genia de erba totu arraighinas nodosas mala a ispèrdere (istrobbat meda in mesu de laores o àteru de cosa prantada, fintzes in bíngia) Sinonimi e contrari araminzu, arramanarxu, eràmine, gràmene, norodhàsile, orgodhàsile, pastudrèmini, trèmini Terminologia scientifica rba, Cynodon dactylon.

raminósu , agt Definizione chi portat arràmene Etimo srd. Traduzioni Francese cuprique Inglese cupric Spagnolo cúprico Italiano cùprico Tedesco kupferhaltig, Kupfer.

ramínu , nm Definizione genia de giogu a cartas Terminologia scientifica ggs.

ramínzu , nm: araminzu Definizione erva de ràmine, genia de erba totu arraighinas nodosas mala a ispèrdere e istrobbosa in terra trebballada / tènnere un'animale a raminzu = agiummai chentza papare, cun tropu pagu cosa Sinonimi e contrari arramanarxu, eràmine, ereminzu, gràmene, norodhàsile, orodhasu, pastudrèmini, trèmini Frasi s'àinu fit rotzighendhe raminzu ◊ sa robba est a raminzu ◊ in sa tanca no b'at mancu raminzu ◊ de raminzu bi ndh'at in dogni ortu Terminologia scientifica rba, Cynodon dactylon Etimo ltn. gramineus.

rammonài , vrb: arremonae, remmonai, remonai Definizione nàrrere su númene de unu, de una cosa o fatu, po dh'arregodare in su chistionu, portare a númene; fàere festa po arregodu de ccn. o de unu fatu Sinonimi e contrari arranomonai, fentomare, nemonai / afestai Frasi sa prus pena gravi, manna e dolorosa, su biri su delitu po dhu remonai! 2. is primus dis de custu mesi si remonant is Mortus e is Santus Traduzioni Francese mentionner, commémorer Inglese to coommemorate, to mention Spagnolo mencionar, conmemorar Italiano menzionare, commemorare Tedesco erwähnen, nennen, feiern.

rammòni , nm: arremoni, remoni Definizione su remonai, su numenare Sinonimi e contrari fontomu, mentovu 2. sa poesia chi portaus in remoni podeus narri ca praxit a totus ◊ cussu mostru podiat èssiri isceti su piscicani chi eus pigau àteras bortas in remoni Etimo srd.

ramósu , agt Definizione nau de mata, chi portat cambos a meda.

ràmpa , nf Definizione pesada de iscala, parte de un'iscala manna de unu pianu a s'àteru. Etimo itl.

rampicànte , agt Definizione nau de erbas o matedu, chi faet a sirba, a cambu longu, a cannàile, e si che artzat a pitzu de àtera cosa acapiandhosi cun sa filongiana.

rampighédhu , nm Definizione cambu pitichedhu Sinonimi e contrari arrama, cambixedhu, cambigiolu, ramigiolu, ramputzedhu, ratutzu.

rampíle , nm: arrampile* Sinonimi e contrari aredeu, aréntzia, arràcia, arrampóriu, arrépula, iscratza, iscrípia, istripile.

rampínu , nm Definizione ferru mannu a punta a una parte (prus longa) e piegau a noranta grados in s'àtera (prus curtza), de intrare in muru o àteru po apicare o poderare cosa Etimo itl. rampino.

rampòne , nm Definizione ramagliete de cheréssia Sinonimi e contrari brúnzulu.

rampóriu , nm: arrampóriu* Definizione sa famíglia, totu is parentes Sinonimi e contrari aredeu, arénsia, arrampile, arrépula, iscratza, iscrípia, istripile.

ràmpu ràmbu

rampudhàre , vrb: rempudhare Definizione bogare pigionatzos, nau de is linnas; bogare, essire (nau fintzes de àteru) Sinonimi e contrari piglionai, rampudhire Frasi s'àrbure at rampudhadu sos briones 2. sa limba est benale chi deretu benit dae s'ànima sarda e rampudhat friscu (Z.A.Cappai) Etimo ltn. *repullare Traduzioni Francese pulluler de nouveau Inglese to spring up again Spagnolo brotar Italiano ripullulare Tedesco wieder hervorsprießen.

rampudhidúra , nf Definizione su rebudhire, su naschire de is sèmenes Sinonimi e contrari ingrillimentu, intzeurramentu, pillonamentu Etimo srd.

rampudhíre , vrb: arrampudhire, rebudhire, rempudhire, rimpudhire, ripudhire Definizione bogare rempudhos, tzeurra; su naschire de is sèmenes, su essire de s'erba, bogare su cambu nou, torrare a bogare nau de erba o ebrúgiu sicau o segau Sinonimi e contrari rampudhare / apillonai, inceurrare, pudhire, pumpullare, rupire, tidhire, tzirriotire, tzutzinare Frasi su frenugu in sa raighina torrat a rebudhire donzi annu comente ifriscat e proet 2. cantamus a boghe ladina pro rebudhire in fizos noitolos sa limba sarda Etimo ltn. *repullire Traduzioni Francese bourgeonner Inglese to bud Spagnolo brotar Italiano rampollare, germogliare Tedesco sprossen, sprießen.

ramputzédhu , nm Definizione min. de rampu, cambu pitichedhu, ramigiolu Sinonimi e contrari arrama, cambixedhu, cambigiolu, ramichedhu, rampighedhu, ratu 1.