A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

atzegatzionéri , agt, nm Definizione chi o chie giaet atzegatzione, giaet incruescu, istrobbu Sinonimi e contrari agghegiosu, genosu, ifadosu Etimo srd. Traduzioni Francese agaçant Inglese irritating Spagnolo irritante Italiano indisponènte Tedesco widerlich.

atzégu , agt, nm: tzecu* Definizione chi no biet, chi at pérdiu sa vista; fintzes malacariu, guastu, débbile e malaidóngiu, fintzes in su sensu de légiu meda (nau mescamente de fémina) Sinonimi e contrari ciurpu / ceghixedhu, gàlinu, piscillincu, scarritzinu, schirriolu, sicadrinu Frasi unu, po torrai a is fillus sa fúrria de no dh'ai castiau candu fiat béciu e atzegu, at lassau totu su bèni a un'atru ◊ funt falsus, atzegus chi giurant su falsu! 2. est crescendi is fillus atzegus de cropus e de su pagu papai ◊ andat tira tira che cani atzegu ◊ ma càstia un'atzegu a cojai una picioca aici bella!…

atzegúmini , nm Definizione su èssere atzegu, guastu, su tènnere neghe in sa carena, su no àere abbilesa Sinonimi e contrari disabbilidadi, isentidúghine | ctr. abbilesa, ispeltitúdine Etimo srd. Traduzioni Francese handicap Inglese handicap Spagnolo inhabilidad Italiano incapacità, minorazióne Tedesco Unfähigkeit, Behinderung.

atzeleraméntu , nm Definizione acradiadura de unu movimentu, de un'andhata Sinonimi e contrari acradiadura.

atzeleràre , vrb Definizione acradiare, apretare su passu, andhare prus lestros Sinonimi e contrari incrispare, infruscare | ctr. abbacai, allentai.

atzeleràu , pps, agt Definizione de atzelerare.

atzèndhere , vrb Definizione pigare o fàere pigare fogu, fàere cumenciare a tènnere, andhare, funtzionare e àteru Sinonimi e contrari achèndhere, allúere, allumae, incèndhere, tènnere | ctr. bochire, studai Frasi custu fogu no bi cheret atzèndhere ca sa linna est ifusta ◊ atzendhe su motore e tuca! ◊ sa lampadina no bi atzendhet candho est furminada Etimo itl. accendere.

atzendhínu , nm Definizione aina chi bogat un'ischintídhia e faet una framuledha, po allúere àteru Sinonimi e contrari lumiadroxu Traduzioni Francese briquet Inglese lighter Spagnolo mechero Italiano accendino Tedesco Feuerzeug.

atzentàdu, atzentàu , agt Definizione chi portat s'acentu iscritu (foedhandho de is foedhos).

atzéntzu asséntu 1

atzeródhu acioródhu

atzerriài , vrb: cerriai, sirriai, tzerriai* Definizione betare tzérrios, boghes, prànghere a boghes, pigare a boghes; nàrrere a boghe arta su númene de ccn. po chi bèngiat, o po bíere si dhu’est Sinonimi e contrari abberriare, abbochinare, giuilare, insirriai, iscramorai / ciamare, lamai, muntire, tichirriare | ctr. cagliare, citire Frasi in cussa domu funt totus a una pedhi, istérrius in su letu: no s'intendit atru che atzerriendu! 2. is animalis funt morendi acoment'e nosu cristianus, si aici si poreus atzerriai ◊ toca, bai e atzérria a babbu tuu, chi bengat! ◊ no portu prus súliru mancus po atzerriai Traduzioni Francese crier, appeler Inglese to shout, to call Spagnolo gritar, llamar a voces Italiano gridare, chiamare Tedesco rufen.

atzertài, atzertàre , vrb Definizione assegurare o su si assegurare de una cosa, giare o bènnere a ischire cosa segura; nàrrere su giustu, sa cosa segura coment’est, fintzes faendho a pentzamentu, chentza ndhe ischire a seguru Sinonimi e contrari abberguare, assegurai / addeinare, deinare, indeinare, ingertai, inzevinzare | ctr. fadhie Modi di dire csn: atzertai sa letzioni = ischire sa lessione; atzertai sa mira = leare bene sa míria; atzertai sa domu, su camminu = agatare sa domo, su caminu; restare atzertadu = abbarrare, istare seguru Etimo spn., itl. acertar, accertare.

atzessívu , agt Definizione chi faet a passare, chi lassat passare Frasi pro intrare a sa tanca no amus agatadu un'àidu atzessivu Traduzioni Francese accessible Inglese accessibile Spagnolo accesible Italiano accessìbile Tedesco zugänglich.

atzésu , pps, agt Definizione de atzèndhere Sinonimi e contrari allutu, inchesu.

atzetàre acetài

atzétu , agt Definizione chi faet sa cosa cun atentzione, cun cabu Sinonimi e contrari abbistu, cabosu Frasi sa pipia giai paret atzeta, e poi sa mamma dh'at a àere avéltia!

atzetuàu , agt Definizione foras su, sa…, a parte su, sa… Sinonimi e contrari foraschí, forassiat, francu 1, transi Frasi atzetuada sa peràula sua etotu, niun'àtera cosa faedhat de Cristos che a sa Santa Missa Traduzioni Francese excepté Inglese except (for) Spagnolo excepto Italiano eccètto Tedesco außer.

atzétzu asséntu 1

atziàda alciàda