apresiàe, apresiài, apresiàre, apresiàri , vrb Definizione acostire una cosa a un'àtera, pònnere prus acanta, andhare apresu Sinonimi e contrari acoltziare, acortzire, acostai, aprobiai | ctr. istesiare Frasi si aprésiant a un'orroli e bint ca dhue at una spérruma ◊ si aprésiat sa dí de sa cojancraru ◊ mi so apresiau a passu lestru ca apo intesu zente briandhe ◊ sa gente si aprésiat po si caentae ◊ no ti sigas a apresiari a su fogu!
apresòrgia apesòrgia
apresorzàre , vrb Definizione acapiare a presorzu, pònnere s'acàpiu Sinonimi e contrari alliongiae, liai, prèndhere | ctr. isprèndhere, isòlbere Frasi in custas chimas mi apresolzat su nuscu de sos litos (T.Becciu) Etimo srd.
apressàe aprensàre
apressài aprentziàre
apressàre , vrb Definizione
fàere impresse, coitare de prus
Sinonimi e contrari
acadriare,
acoidai,
apressurare,
impressire
| ctr.
istentare
Frasi
cuss'issudhu l'at fatu apressare su passu
Etimo
srd.
Traduzioni
Francese
presser
Inglese
to hurry
Spagnolo
apresurar
Italiano
affrettare
Tedesco
beschleunigen,
sich beeilen.
apressàre 1 aprensàre
aprèsse, aprèssi , avb Definizione
a presse: de innoghe a pagu, chentza istentare
Sinonimi e contrari
lueco
Frasi
custa cosa cheret fata apresse, ca sinono si che andhat male ◊ apressi nos eus a biri
Etimo
srd.
Traduzioni
Francese
bientôt
Inglese
very soon
Spagnolo
pronto,
enseguida
Italiano
fra pòco,
prèsto
Tedesco
bald.
apressiàda , nf Sinonimi e contrari apretziamentu Etimo srd.
apressiadòre , agt, nm Definizione chi o chie aprétziat Etimo srd.
apressiadúra , nf Definizione su apressiare Sinonimi e contrari apretziamentu Etimo srd.
apressiài, apressiàre aprentziàre
apressibbiméntu , nm Definizione
su apressibbiri, illestrimentu, fàere impresse
Sinonimi e contrari
allestridura,
impressimentu
Traduzioni
Francese
accélération
Inglese
speeding up
Spagnolo
aceleración
Italiano
sveltiménto
Tedesco
Beschleunigung.
apressibbíri , vrb Definizione illestrire, fàere impresse pinnigandho totu po tucare o fuire Sinonimi e contrari illestrire, impressire, incricare 1 Frasi iaus apressibbiu e circau de dhi pònnere fatu ma cudha fut isparéssia e no dh'iaus agatada!
apressibbíu , pps, agt Definizione de apressibbiri; chi tenet o dhi ant postu presse Sinonimi e contrari impressadu, impressaridu, impressidu, impressighinidu, pressosu | ctr. adasiau.
apressurài, apressuràre , vrb Definizione pònnere presse Sinonimi e contrari achitae, allestai, allestire, apressare, impressare, impressire Etimo spn. apresurar.
apressúru , nm Definizione su apressurare, coment'e presse chi ponet su bisóngiu, chie cumandhat Sinonimi e contrari apretadura, apretascione Etimo srd.
aprésu , pps Definizione de aprèndhere Sinonimi e contrari cumpresu Frasi lu fia intendhindhe, ca lu fint nendhe in sa carrela, ma no ndhe apo apresu nudha.
aprésu 1 , avb, prep.: presu 2 Definizione inditat logu acanta e tempus puru passau de pagu / a. meu, tuo, suo, insoro = acurtzu a mie, a tie, a isse, a issos, e totu deasi Sinonimi e contrari acanta, acultzu, afaca, aproba / debresu | ctr. aillargu, atesu Frasi iant isposau apresu ◊ deghi acostiant apresu, custu èssere no dhue fut prus ◊ Gesús at a abbarrare sempre apresu tuo! ◊ apresu insoro ant bistu cust'animale prantau 2. Deus est apresu de mei ◊ si est ciciu in sa muderina apresu de una crésia ◊ beni apresu de nonna! ◊ amus compudau cussas de illargu e de apresu Etimo ctl. aprés.
apréta apréntu