acetótu , avb: acitotu Definition aici etotu, su matessi, deasi/deosi etotu Synonyms e antonyms ateretante Sentences faidí pagai in cosa: po nosu andat bèni acetotu ◊ su piciochedhu est sétziu e sa sorri acitotu ◊ dèu puru nau acitotu! Etymon srd. Translations French également English equally Spanish igualmente, asimismo Italian ugualménte German auch, gleich, in gleicher Weise

aguàle, aguàli , agt: auguale, iguale, oguale, uguale Definition chi tenet is matessi calidades, mannària e àteros piessignos de un'àteru, chi no dhue at diferéntzia tra unu e àteru, ma si narat fintzes in su sensu de si assimbigiare deasi meda de èssere unu lintu e pintu s'àteru; coment'e símbulu si ponet / = / Synonyms e antonyms cabale, chepare Sentences est sèmpere a s'artiefala faghendhe tzocos aguales cun sas iscarpas ◊ custos duos sunt aguales in totu ◊ sa fiza est aguale a sa mama ◊ in presone sas dies sunt totu auguales ◊ fuant agualis a su babbu tot'a is duus 2. nau ch'in su mundu no tenis aguali! Etymon itl.t aguale Translations French égal English equal Spanish igual Italian uguale German gleich.

cabàle , agt Definition chi leat o balet su matessi tanti, chi torrat apare, chi tenet sa matessi mannària, artària, chi est cantepare, fintzes chi est totunu / dare contos cabales = precisos, giustos Synonyms e antonyms cantepare, giustu, guale Sentences nois duos no semus cabales ◊ teniat unu giú, una prendha: fint duos boes cabales ◊ a totu su mundhu at brotadu frutu de gràtzias cabale ◊ no est semper chi su resultadu est cabale a su disizu Etymon ctl., spn. cabal Translations French exact English right, o.k Spanish cabal Italian esatto, giusto, pari German richtig, gleich.

chítu 1 , agt Definition chi est a paris, nau de dépidos de css. genia / como semus chitos = semus a paris, semus patos, no ti depo e no mi depes nudha Synonyms e antonyms patu Sentences e como, cun su chi ti apo dadu, chitos semus? Surnames and Proverbs prb: chie pagat oe est chitu cras Etymon ctl., spn. quiti, quite Translations French égal English equal Spanish quito Italian uguale, pari German gleich.

comogòmo , avb Definition immoi immoi, calecunu minutu faet deasi pag'ora de no pòdere nàrrere tandho), ma fintzes própriu in custu momentu Synonyms e antonyms antoras, issara, maitotu, paghessora, tandhodandho Sentences nos namus peràulas mai nadas, nàschidas comogomo intro de su coro ◊ che est essidu comogomo: azummai faghiaizis paris isse essindhe e tue intrendhe ◊ comogomo fis rindhe e como ses pranghindhe: ello macu ses?! ◊ comogomo ses a mesudie e luego a sero! 2. l'apo connota sempre malàida, cussa fémina: comogomo at a sanare, issa!… Etymon srd. Translations French il y a un instant English just now Spanish hace poco Italian un àttimo fà, testé German jetzt gleich.

cumpàgnu , nm, agt: cumpàngiu, cumpantzu, cumpanzu Definition chie o fintzes cosa chi istat o andhat impare cun calecunu àteru (o àtera cosa) po calecunu motivu, o chi si podet pònnere impare; fintzes chi est oguale o chi assimbígiat a un'àteru Idioms csn: avb. èssere a cumpanzos = zenia de sótziu, tènnere bestiàmine o triballu a cumone; èssere o istare a cumpanzinu (nadu de ómine e de fémina) = amigados, paris che maridu e muzere ma chentza cojados; mermos cumpanzos = mermu chi dhoi est a una parti e a s'àtera de su corpus (itl. antímero); zogare a cumpanzos = in su giogu de is cartas, giogai a duus a duus, duus contras a duus àterus (ma sempri, giogai assumancus in duus) Sentences chie no ischit est cumpanzu de su tzegu ◊ custu mermu est cumpagnu de s'àteru ◊ aiat cumbidau a bènnere totu sos cumpanzos de su fizu ◊ tra cumpagnos fora de iscola faedhaiamus su sardu 2. cun tegus semus cumpanzos de triballu, de iscola ◊ non telèfonas a unu cumpantzu de pitzinnia solu ca as de travagliare?! ◊ custas sabbatas no sunt cumpàngias ◊ custa cartzita est sa cumpanza de cussa 3. Fulana nachi si ch’est fuida a cumpanzinu cun Bodale ◊ si tratenet in s'oru de sa ziminera pessendhe a s’incràs, cun su fogu a cumpanzinu ◊ candu is crabaxus furiant a cumpàngius depiant mesurai su lati chi mulliant Surnames and Proverbs prb: chini tenit cumpàngiu tenit meri Etymon itl. Translations French autre (d'une paire), copain, collègue English the same, fellow Spanish compañero, colega Italian compagno, collèga German Gefährte, gleich.

lindepíntu , agt: lintepintu Definition lintu e pintu: chi est precisu precisu che un'àteru, chi si assimbígiat meda meda Synonyms e antonyms pentifilau, pintellintu, provincu Sentences custu pisedhu est lintepintu su babbu ◊ filla mia est linta e pinta dèu candu fiu picioca Etymon srd. Translations French parfaitement pareil, identique English perfectly similar Spanish idéntico, muy parecido Italian perfettaménte sìmile German völlig gleich, identisch.

luèco , avb: alluegus, illuegu, luego, luegu, luegus Definition de innoghe a pag'ora, pag'ora o un'iscuta apustis, fintzes deretu, chentza ibertare nudha / luego luego = deretu, itl. immediataménte; luegu pesau, luegu crocau, luegu andau = apenas pesadu, corcadu, andhadu, luego deretu apustis; apo fatu luego = apu fatu impressi, coitendi, su chi fui fendi, su chi depia fai; apo luego fatu = seu acanta de acabbai su chi seu fendi Synonyms e antonyms acoitu, luegamente Sentences no istes a s'allora allora: beni luego! ◊ li at pedidu cosa e luego bi l'at dada ◊ cras andhamus a Núoro ma torramus luego ◊ bi so andhadu e mi at pagadu luego ◊ sa mama no aiat abbertu mancu buca chi su fizu luego ch'est curtu (G.Ruju) Etymon spn. luego Translations French tout de suite, immédiatement, aussitôt, vite English at once Spanish enseguida, pronto Italian sùbito, prèsto German sofort, bald, gleich, schnell.

mantéssi , agt, prn, avb: matessi, matéssiu Definition chi no est àteru, chi no est diferente (chentza cambiamentu de sing. a pl. e ne de m. a f.); impreau coment'e avb. inditat manera, in su sensu de deasi etotu, chentza diferéntzia (èssere su m.) Synonyms e antonyms acitotu, atotu Sentences si aimus postu su mantessi tempus pro zogare e istudiare aimus ischidu a Kant chei s'abba ◊ amus bidu sos matessi ómines, sas matessi féminas ◊ resessint a numenare in sa matessi manera sas matessi cosas ◊ babbu e fillu s'infriscant pighendi s'àcua de su matessi lavamanu ◊ sa luna giogàt in su celu luxendu e a su matessi tempus isprighendusia in d-una lacunedha de àcua 2. su matessi chi at faedhadu a tie at faedhadu a mie ◊ custos sunt sos matessi chi amus bidu in cudhane ◊ deo so su matessi chi tue as chistionadu s'annu passadu 3. sa lughe est paga ma lezo su matessi ◊ isse at fatu goi, e tue su matessi! ◊ fintzas si est de deris, su pane, lu cherzo su matessi ◊ andhe deo o andhes tue, pro contu meu est su matessi ◊ che a tie mantessi sunt bolados sos annos mios (F.Sechi) Etymon ctl. mateix Translations French même (adj.), lela même (pron), exactement, justement, vraiment (adv.), tout de même, quand même English same, equally, -self Spanish mismo Italian medésimo, stésso, pròprio, ugualménte German gleich.

parinàle , agt, nm Definition chi o chie est a paris, paris, cant'e pare a un'àteru in calecuna cosa Synonyms e antonyms cantepare, guale, parinzu, parívile Sentences isse est parinale meu ◊ sa domínica imbeniente su massaju irrichidu si ammàniat pro annare a catza cun parinales suos ◊ sa nave ti aprontamus pro tucare cun remadores chi sos parinales aterue no podes agatare ◊ sas dentes de custa crae sont parinales a sas de cussa Etymon srd. Translations French égal English equal Spanish igual Italian uguale, pari German gleich, Gleiche.

parínzu , agt, nm Definition nau de logu, chi est in paris, parighinu, bàsciu; chi est totu de unu matessi andhare; unu tretu o logu in paris Synonyms e antonyms parinale, parívile / pàrina, paris, pàtiu 3. fio camminandhe in custu parinzu mannu tra su sàrtiu de Lei e de bidha Etymon srd. Translations French plane, égal English equal Spanish igual, liso Italian pari, omogèneo German gleich, gleichartig.

pentifilàu , agt: pintefilau Definition chi est precisu precisu che un'àteru Synonyms e antonyms lindepintu, pintellintu, spinditu, ténticu Translations French identique English exactly alike Spanish idéntico Italian perfettaménte idèntico German völlig gleich, identisch.

«« Search again