acetótu , avb: acitotu Definition aici etotu, su matessi, deasi/deosi etotu Synonyms e antonyms ateretante Sentences faidí pagai in cosa: po nosu andat bèni acetotu ◊ su piciochedhu est sétziu e sa sorri acitotu ◊ dèu puru nau acitotu! Etymon srd. Translations French également English equally Spanish igualmente, asimismo Italian ugualménte German auch, gleich, in gleicher Weise

chiesisíat , prn Definition chie (si) siat, css. persona, chie si bògiat chi siat, unu/una bastat chi siat Synonyms e antonyms chincoi, chinechisiat, chinecoe, chinisiollat, siachisiat / chie, chine Sentences chiesisiat podet fàghere una cosa goi ◊ chiesisiat chi cherfat intrare, catzachelu! Etymon srd. Translations French qui que ce soit, n'importe qui English anyone Spanish quienquiera, cualquiera (que) Italian chicchessìa, chiùnque German wer auch immer.

chinechisíat , prn: chinisisiat, cinecasiat Definition chie (si) siat, css. perssona Synonyms e antonyms chiesisiat, chincoi, chinecoe, chinisiollat, siachisiat Sentences chinisisiat chi dha nerit, custa cosa, est nendi una fàula! Etymon srd. Translations French n'importe qui English anybody Spanish quienquiera, cualquiera (que) Italian chiùnque German wer auch immer.

chinecòe , prn: cinecoe, cinnecoi Definition chie (si) siat, css. persona Synonyms e antonyms chiacoi, chiesisiat, chincoi, siachisíada Sentences siat chinecoe depet rispetare custa lè ◊ mutat a cinecoe, ma deo de domu no nce esso! (E.Nieddu)◊ bèngiat cinecoe ca a mimi no m’interessat! Translations French n'importe qui English anyone Spanish quienquiera, cualquiera (que) Italian chiùnque German wer auch immer.

comentacòe , avb Definition in calesisiat manera Synonyms e antonyms comentecasiat, comentesisiat Sentences a dónnia contu fàciat comentacoe!(E.Nieddu) Translations French de toute façon English however Spanish de todas formas Italian comùnque German wie auch immer.

comentecasíat , avb Definition de una css. manera Synonyms e antonyms comentacoe, comentisiollat, comentesisiat Etymon srd. Translations French de toute façon English however Spanish de todas formas Italian comùnque German wie auch immer.

itasisíat , prn, agt: itesisiat Definition ite siat chi siat, cale sisiat cosa, totu bastat chi siat Synonyms e antonyms itecasiat, itecoe, techi / calisiollat Sentences cussu tenit su diritu de arrocai itasisiat detzisioni nosta ◊ siat itesisiat, nos l’amus a coglire: inue bi ndhe mànigat duos bi ndhe at a manigare tres! 2. s'allainamentu est imbrutamentu de itasisiat cadhotzímini Etymon srd. Translations French quoi que, n'importe quel English whatever, any Spanish cualquier Italian checché, qualsìasi, qualùnque German was auch immer, beliebig, jeder.

macài , cng: macari, mancai, mancari, mancaris, mancarri Definition cng. cuncessiva = fintzes si: si manígiat cun su cong. presente e cun s'indicativu (presente o passau, e po tempus passau fintzes chentza predicau, arrisparmiandho deosi su chi s'itl. narat cun congiuntivu imperfetu)/ mancai siat!… = bell'e aici, mancai ti dh'apa nau, mancai dhu iscípias (sighis a fai coment'e a prima): si narat avertindho, e agiummai ammeletzandho, a unu, ma a bortas si narat fintzes in su sensu de própiu, de abberu, meda Synonyms e antonyms ancus, belle, cuntantu Sentences no si cherfeint tratennere a bustare, mancari mamma e babbu los aiant pregados che santos ◊ mancari chi no pigaiant a su palcu, sas féminas ant comintzadu a connòschere sa poesia paris cun sos ómines (M.Canu)◊ dhui nd'at de tremi e de fai oratzioni mancai siat unu bremi ◊ cussa domu si agataiat ancora, mancai isciarrocada ◊ a génuru no dh'ollu mancai si artzit a celu! ◊ mancari ricu, cussu no bogaiat mai unu sodhu! ◊ no ti dao nudha, mancari crebes! ◊ mancai piticarradhedhu iscidiat bèni ca de s'orcu no fadiat a si fidai ◊ sa buca no mi dha tupais, mancai mi gheteis a galera! 2. funt abbillus e asuta asuta si dha timint e, mancai siat, no aturant trancuillus, no arribbit puru cancua sceda lègia 3. at fatu un'iscutinada de abba mancari bella, difatis est totue currindhe Etymon itl. macari Translations French bien que, même si, quand bien même English although Spanish aunque Italian ancorchè, sebbène, quantùnque German auch wenn, obwohl, obgleich.

ne , cng: nen, ni, nin Definition foedhu chi s'impreat candho s'idea de nega reguardat prus de una cosa, mescamente duas o prus cosas bistas coment'e contràrias o diferentes, e sèmpere apustis de s'avb. de nega no, non / a/c.: candho portat ainnanti foedhu chi cumènciat cun cunsonante de sonu mudóngiu (o àtera chi in posidura intervocàlica si narat lébia) no dha lassat cambiare e dh'afortit: no cherzo ne casu e ne pane = nr. necàsu, nepàne ◊ no narat e ne faghet = nonnàrat e nefàghet ◊ ni noi ni dexi = ninnòi niddèxi ◊ ni totu e ni pagu = nr. nitótu e nipàgu (contrariamente a sa régula de su sardu de is cunsonantes mudòngias; ma si cunsideret chi ne benit de su ltn. nec e duncas acabbaiat cun cunsonante, comente de su restu acabbat fintzes sa forma nen) Sentences no bi andhamus ne deo e ne tue, ne oe e ne cras, ne como e ne posca ◊ Nostra Sennora fit pòvera e no possediat nen poledhu, nen cabadhu ◊ nen perdo e nen balanzo ◊ no podia andai ni ainnantis ni acoa ◊ custa cosa no est ni bella e ni bona ◊ custu mànigu no est ne bambu e ne salidu, ma zustu ◊ no mirat ne a birde ne a sicu ◊ cust'isposóriu no si depit fai, ne cras e ne mai ◊ non pigu nin pagu nin totu Etymon ltn. nec Translations French ni English neither, nor Spanish ni Italian German und nicht, auch nicht, noch, weder… noch.

nemmàncu , cng, avb: nimmancu Definition coment'e cng. aciunghet unu foedhu po significare chi mancat cussu puru; coment'e avb. giaet prus fortza a un'àteru avb. de nega Synonyms e antonyms mancu | ctr. finces Sentences dh’apo a crede chi no eis inténdhiu nemmancu is trumbas de su postale?!…◊ candu si chistionat de custas cosas depis tenni s'arbítiu de no dha nomenai nimmancu, a sa bonànima de mamma! 2. issu cheriat bèndhere e tue depias comporare, non fis nemmancu furandhe! Etymon itl. nemmanco Translations French non plus English neither, nor Spanish ni, tampoco, ni siquiera Italian neppure, nemméno German nicht einmal, auch nicht.

noantàmas , cng: nointamas, nointames, nointàmene, nontamus, notammis Definition (cng. cuncessiva) genia de foedhu chi giaet un'idea de cosa contrària: cun totu cussu…, no solu de…, no solu no…; po giare prus fortza a su chi si narat, s'impreat coment'e po repitire unu foedhu / noantamas de... antzis = no de..., no solu… antzis, fintzas Synonyms e antonyms tamen*, mancumale, prusaprestu / cdh. nointamu Sentences nointamas sas cosas sunt andhadas a su revessu (G.Ruju)◊ si est cugudhadu in cara che batia frisca, nointamas l'ant connotu ◊ no apo mai crétidu in cussos contos, nointamas in su pessamentu mi prammizaia totu sas naravellas intesas dai sos mannos 2. nointamas at faedhadu male de me, ma de tota s'eréntzia ◊ nointames de sere a cadhu a sa nuda, no rezo mancu in sedha! ◊ nointamen de mi frimmare, devia andhare piús lestru ◊ notammis a no torrare a nàrrere nudha, ma fut issu etotu a andhare in agiudu a chie ndhe teniat bisóngiu 3. no solis ant bidu sa pupa de s'ómine, ma l'ant finas connotu, nointamas! Translations French cependant, malgré, néanmoins English in spite of, however Spanish sin embargo, a pesar de Italian tuttavìa, nonostante, nondiméno German auch wenn, obwohl, trotzdem.

péri , avb, cng Definition foedhu chi giaet s'idea de àteru puru, de calecuna cosa in prus Synonyms e antonyms finces, puru / mancari Sentences peri pro custu sufrides ◊ s'arti ciai dha peri tenia, ma cun custa maladia no potzu prus trabballai ◊ in atru mi peri sarbu, ma in fàulas no soi capassu ◊ ses peri mannu, ma pares minore ◊ a issu is brullas dhi peri degiant ◊ che los aiant ispossibios peri de sa volontade 2. peri si annas tui, noso no annamus! ◊ pro mor'e Deu, dàdemi unu cantu de pane, peri chi siat asseadu o in pipinidas! Etymon ltn. per Translations French aussi English too, also Spanish también Italian pure, anche German auch.

púru , avb Definition foedhu chi giaet s'idea de àteru a prus de calecuna cosa o tanti (ma a bortas si narat coment'e po giare prus fortza): si ponet sèmpere apustis de s'elementu chi modíficat Synonyms e antonyms fena, fenta, fentzamentas, finces, intas, peri Idioms csn: no siat chi…, puru! = de is bortas!… (nau candu no dhoi at própiu nudha de timi); o puru… = o fintzas Sentences andhat bene custu e cussu puru ◊ sa língua est una sienda chi depeus intregai a fillus e a nebodis puru ◊ cudha puru est iscòncia… e no mi podit acumpangiai! ◊ cudhu puru, mischinu, ite podet fàghere a sa sola? ◊ no m'iscuncodrist su sànguni, tui puru! 2. daebbilu su chi cheret, no siat chi s'istrumet, puru!…◊ ita ndi fais de custa cosa? No ti serbat po is fillus, puru!…◊ no siat chi puru li serbat a carchi cosa!…◊ torrabbila custa cosa, no siat chi li serbat, puru!◊ za fit ora de ricuire! Inuve che fis, puru? Translations French aussi, même English also, too Spanish además, también Italian pure, altresì German auch, außerdem, sogar.

«« Search again