Ditzionàriu in línia
de sa limba e de sa cultura sarda

abbéntu 1 , nm: apentu Definition cosa chi praghet a s'istentare, comente podet èssere unu giogu o fintzes una faina chi si faet cun passione; su no fàere atentzione Synonyms e antonyms ciogu, passione, pasu Sentences zughiat pupias e àteros apentos de pitzinnos ◊ sunt inimigos de sos apentos e de àteros zogos ◊ si bufat muscadedhu, crannatza colorida e girone chi paret un'apentu Etymon srd. Translations French passe-temps English plaything Spanish pasatiempo, juego Italian trastullo German Zeitvertreib, Spielzeug.

apinniócu , nm: pinniocu Definition cosa po istare faendho, mescamente po gustu, ispàssiu, cosa lichitosa a papare; in cobertantza, cosa trebballosa, ifadosa, chi giaet tropu it'e fàere, it'e pentzare Synonyms e antonyms apentu / apicónia 3. e andhe apinniocu chi ti as leadu, ocannu! Translations French passe-temps English plaything Spanish pasatiempo Italian trastullo German Zeitvertreib.

desógu , nm: disaocu, disaogu, disaugu, disocu, disogu Definition cosa chi si faet po istare alligros, cuntentos, chentza pentzamentos / fàchere una cosa a disaugu = a discassu, chentza presse Synonyms e antonyms arrecreu, desviu, dirvagu, diveltimentu, giogu, irbelegu, ispàssiu, ispidientu, sdisogu, spréviu | ctr. matana, tormentu, trabballu Sentences sos contos no sunt beros ma s'ómine los at imbentaos pro disaogu suo ◊ pupa, ses tue su disaogu, su giogu chi rendhet dulche sa vida! ◊ su segnor feudatàriu pro disaogu andhat a cicisbeare (F.I.Mannu)◊ acabbau su trabballu, cussa fit s'ora de su disaogu ◊ angasi si nce colaiant su merie, bastu de abbarrarent paris, ca su disaogu fut cussu Etymon spn. desahogo Translations French amusement, distraction English amusement, recreation Spanish distracción (f), pasatiempo Italian sollazzo, ricreazióne, svago German Ausspannung, Zeitvertreib.

dirvàgu , nm: divagu Definition cosa chi si faet po passare ora chentza pentzamentos, po si divertire Synonyms e antonyms arrecreu, desogu, diveltimentu, giogu, irbelegu, ispàssiu, ispidientu Sentences in cussa, a sos nóbbiles divagos leo parte, comente est usuale ◊ tui costumas ca ti bolis ainnantis in prus de unu divagu Translations French distraction, amusement English diversion Spanish distracción (f) Italian svago German Zeitvertreib.

discànciu , nm: discansu, discàntziu, discantzu, discassu Definition tempus chi si passat chentza fàere o faendho calecuna cosa fàcile, praghillosa, trebballu lébiu, chi no giaet pelea e ne pelea / a discansu, a discantzu = a dàsiu, abbellu, chentza presse e chentza matana, cun fatzilidade, itl. comodaménte Synonyms e antonyms desogu, discansada, pàsiu | ctr. cadha, pelea, stragu 1 Sentences tengu discànciu ca immoi su trabballu est prus pagu ◊ za si l'at leadu su discansu, tota die chentza fàghere nudha! ◊ sas anades fint totu in festa, in discassu ◊ bos giambet in discansu dogni atreghentu! ◊ faghet sas cosas bene, chena tropu presse ne tropu discansu ◊ sa tellora de funtana est unu grandu discantzu 2. cherent chi andhe a discassu a discassu a cadhu a s'àinu, a tempos de oe! ◊ po dhi èssi prus a discantzu su chi depiat fai, custu si ndi fiat andau de domu ◊ tue za triballas a discassu, in ufíssiu, no che deo ifatu de su bestiàmine! ◊ tropu a discassu ti la leas, tue, e de triballu no ndhe atúlias! Etymon srd. Translations French aise, confort, repos, passe-temps English comfort, rest, hobby Spanish descanso Italian àgio, comodità, ripòso, passatèmpo German Ausspannung, Zeitvertreib.

discansàda , nf Definition su pigare o tènnere discantzu, su si firmare a (o cun) discantzu / fai sa cosa a d. = abbellu, chentza presse, cun àsiu, a discassu Synonyms e antonyms ispidientu, irbelegu Sentences benapat de sa discansada chi as fatu, totu su sero in domo de Fulana! Etymon srd. Translations French passe-temps, amusement English hobby Spanish pasatiempo Italian passatèmpo, svago German Ausspannung, Zeitvertreib.

disilvíu , nm: disirviu Definition cosa de divertimentu, po passare ora chentza pentzamentos Synonyms e antonyms dirvagu, disaogu, ivràsiu Sentences li piaghent sos disirvios, sa catza, su giogu ◊ benapat de disirvios, puru!…◊ in bidha che faghent festa manna cun maigantos disirvios ◊ cosas de tzou no ndhe ant a imparare, ma a custos disirvios za bi ponent aficu! Translations French amusement, distraction English amusement Spanish distracción (f), pasatiempo Italian svago German Zeitvertreib.

irbelégu, irbeléu , nm: irvelegu, isbeleu, ispeléigu, isperegu Definition cosa chi si faet po passare ora, po gustu, a giogu; nau in cobertantza, infestu, cosa matanosa, trebballosa Synonyms e antonyms arrecreu, desogu, dirvagu, diveltimentu, giogu, ispàssiu, ispidientu / ifestu, inaventu | ctr. impelegu Sentences sa catza est irvelegu? ◊ sa beste sua a sorte amus tiradu pro irvelegu ◊ s'ortu, su ribu fint s'irbelegu de sos pitzinnos ◊ sias ghia e irvelegu a s'irventuradu! (G.Ruju)◊ sos irvelegos nostros: cantare, sonare ◊ s'ispelegu allegrat sa tristura ◊ inie bi teniat amigos e ispeléigos ◊ sunt addurados in mare una chida godíndhesi s'ispeléigu che duos isposos 2. bellu ispelegu tenet, mih, a ndhe collire s'olia a una a una dae mesu de s'erba!…◊ si lu leat s'ispelegu a istudiare totu cussu muntone de líbberos!… Etymon srd. Translations French passe-temps, distraction, amusement English pastime, entertainment Spanish pasatiempo Italian passatèmpo, sollazzo, svago German Zeitvertreib, Vergnügen, Zerstreuung.

sbéliu , nm: ibéliu* Definition su no giacurare, su èssere pentzandho in àteru; cosa chi si faet a giogu, po alligria, divertimentu Synonyms e antonyms desatinu, disabudesa, isagheradura / arrecreu, desogu, dirvagu, diveltimentu, giogu, irbelegu, ispàssiu 2. gei dhu sciu su chi fatzu, no apu tentu mai unu sbéliu, fatzu sempri su doveri miu ◊ ajaja, sétzia in d-unu furrungoni, curregiat is sbélius de is piciochedhus e regulàt sa faina de coxina Translations French inattention, distraction English recreation, absent-mindedness Spanish distracción Italian disattenzióne, distrazióne, svago German Unaufmerksam- keit, Zerstreuung, Zerstreuung, Zeitvertreib.