Abbreviations Legenda | Symbols Legend

botíu , nm, nf: butia, butiu, bútiu, gutia* Definition unu tanti pagu pagu de cosa, prus che àteru iscagiada: abba, ógiu, mele, binu e àteru deasi (si narat fintzes po pagu pagu) Synonyms e antonyms guta 1, istidha, istídhigu, làmbria, lutia, paspia / paghitzedhedhu Idioms csn: butiu mortu, butiu intro de muru = male cuadu, male chi no si bidet ma chi faghet dannu meda própiu pro cussu, mancari parzat cosa paga; butiu mortu = pudha crionzana, su chi si ndhe tenet de unu bene chi ant lassadu sos mannos, arrenduda; meighina a butios = de pigai a istídhius contaus; betare a butiu a butiu = a pagu a pagu; bogàreche sos butios = acontzare su tretu de una cabertura ue bi butiat abba projana a intro; su mastru de sos butios = mastru chi mendhat sas caberturas pro che bogare sos butios Sentences s'abba est falendhe a butiu in s'isseta ◊ at betadu pagos butios de binu a s'abba ◊ at annuadu meda ma at fatu duos bútios ebbia ◊ tocat de che bogare sos butios de cabertura, sinono nos proet intro de domo 2. ancu no si potat comporare unu butiu de abba! ◊ de cussa cosa tue no ndhe depes bufare mancu butiu, ca ti faghet male! ◊ pònemi duos butios de gafè a mi che leare custu sabore malu de buca! 3. si assemizant che duos butios de abba 4. dépidos no ndhe ponzo mai, ca sunt che gutiu in intro de muru! 5. fit sa matessi bellesa: li mancabat petzi su gutiu Surnames and Proverbs prb: butiu mortu intro de muru che betat sa domo Translations French goutte English drop Spanish gota Italian góccia, góccio German Tropfen, Schluck.

bubbulíche, bubbulícu , nm Definition unu tantighedhu, pagu, crocoledhu, su tanti chi podet càbere in buca, nau de cosa a bufare; fintzes moida de cosa budhindho Synonyms e antonyms bucada, gropu, ingullida, intullada, ticada, tichedhu, tirone, tumata 1 / cróculu, gurgúlliu Sentences ndhe picat unu bubbulicu in buca, pro l'assazare ◊ bibíebbos unu bubbulicu de abbardente! Translations French petite gorgée English small sip Spanish sorbo Italian sorsettino German kleiner Schluck.

bucàda , nf Definition su tanti de cosa (pruschetotu de bufare) chi cabet in buca Synonyms e antonyms bubbulicada, gropu, ingullida, intullada, tasada, ticada, tirone, tumata 1 Sentences una bucada de abba, de binu, de licore ◊ làssalu su tabbacu, pone frenu a su vísciu: si faghes che a mie no che ingulles bucadas de velenu (P.Masia) Etymon srd. Translations French bouchée, gorgée English sip Spanish bocanada Italian boccata, sorsata German Schluck.

bumbúdu 1 , nm Definition tzicu de abba Synonyms e antonyms bucedhu, gropu, súrbia Etymon srd. Translations French gorgée d'eau English sip Spanish trago Italian sórso di àcqua German Schluck Wasser.

grópu , nm Definition tzicu de cosa, su tanti chi si bufat a una tirada; tira de orrobba po acapiare sa camisa in su gúturu, segundhu su costúmene Synonyms e antonyms acirrada, bisada, bucada, ingullida, intullada, ticada Sentences si nche at bufadu s'úrtimu gropu de binu e che at torradu sa tatza ◊ in s'abbadorzu sa lanedha pariat tallaranu birde chi foichinaiat a cada gropu de su zú ◊ so sididu, cherzo unu gropu de abba! Etymon ctl. grop Translations French gorgée English sip Spanish sorbo, trago Italian sórso German Schluck, Zug.

gutía, gútia , nf, nm: botiu, gutiu, gútiu Definition unu tanti pagu pagu de cosa, prus che àteru lícuida / gútia intro de muru = male de domo (meda peus de unu male chi benit de fora), mescamente parente etotu chi faghet cosa a traitoria Synonyms e antonyms guta 1, istidha, istídhigu, làmbria, lutia, paspia Sentences isperas de luche e gútias de lentore ◊ deretu at trumentau a pròghere cada gútiu cantu un'obu 2. frade e sorre fint che duas gútias de abba: uguales de cara, de ghetos, in su modu de fàchere ◊ miseràbbile, sa gútia intro de muru ses tue! Etymon srd. Translations French goutte English drop Spanish gota Italian góccia, góccio German Tropfen, Schluck.

ingullída , nf: ingullita Definition su ingullire; tzicu de cosa chi si bufat a una borta Synonyms e antonyms acirrada, angurtia, bucada, gropu, ingúlliu, intullada, sulviada, survusciada, tasada, ticada, tirone, tumata 1 Sentences si aiant tumatu mesu litru de bruschete in duas ingullitas ◊ totu cudha cosa si l’at tzérghita in d-un’ingullita Etymon srd. Translations French gorgée English sip Spanish sorbo Italian sorsata German Schluck.

súrbia , nf, nm: súrbida, súrbidu, súrbiu 1 Definition un'apenas de cosa de bufare, su tanti de che ndhe ingurtire; fintzes su sonu chi si faet in buca suspindho cosa Synonyms e antonyms atzichedhu, atzicu, bucada, ingullida, intullada, tasada, ticada, tumata 1 / cdh. sulpu Sentences donamidhu unu súrbidu de cafei! 2. papendi no fatzais súrbius cun sa buca, ca no est educau! Translations French gorgée English sip Spanish trago, sorbo Italian sorsata German Schluck.

tícu , nm: (su t. = suticu) atzicu cicu, tzicu Definition apenas, pagu pagu, un'ingúrtia de cosa de bufare o àteru de cosas deasi; pagu pagu de css. cosa (ma podet èssere fintzes meda a paragone de su tanti chi si bufat a un'ingúrtia)/ min. tichighedhu, tichirighedhu Synonyms e antonyms atzichedhu, atzítzigu, bucada, súrbia / apenas, pachitzedhu / cichete Idioms csn: faedhare o nàrrere sa cosa a ticu ticu = a pagu pagu, una parti una borta, una parti un'àtera; èssere o istare a ticu = istare a tzínchinu, cun pagu cosa, a dilléziu, a mindigu; no poder bídere ticu o tichirighedhu a unu = pigaisí feli isceti a biri a ccn. chi no praxit própiu, no dhu bolli biri mancu pagu pagu Sentences làmpana, cun calchi ticu apena ti apo allutu ◊ de abba no ndhe assazo ticu ◊ zughiat unu bículu de casu, pane e unu ticu de binu 2. bellu ticu de binu apo fatu, ocannu: duas cubedhas ma bellu! 3. no lu poto bídere ticu, a cuss'arga de muntonarzu! ◊ Pilatu, mancari no potat bídere ticu sas autoridades de Gerusalemme, no las cheret contrariare Etymon srd. Translations French gorgée English sip Spanish sorbo, trago Italian sórso German Schluck.

«« Search again