càlche , nf, nm: carce, carche, carci, cartze, crache Definition cracada o calada de pei, cropu giau cun su pei, mescamente nau de animales chi iscudent cun is peis de asegus Synonyms e antonyms càlchida, càrcini Idioms csn: sas calches de sas laras = is corrus de sa buca; dàresi carches a culu (cosa chi no faghet!)= no ndh'àere perunu dispiaghere; sos úrtimos craches = corpos chi s'animale daet innantis de istirare sas ancas, morindhe; torrare su crache a ccn. = pagaresindhe, de un'ofesa; dare su calche de s'àinu a ccn.= torràreli male pro bene Sentences a torrare su calche a su molente si restat de siéntzia chepare ◊ irighedha sas carches chi mi at dadu, cussu poledhu, comente li so acurtziadu!…◊ azummai mi aiat mortu cun cussu carche chi mi at dadu, s'ebba! 2. a mi ndhe dao de carches a culu si ti che andhas!…◊ de cantu istao bene mi tiraio calches a sa coa… (P.Pisurzi) Etymon ltn. calce(m) Translations French ruade English kick Spanish patada, coz Italian càlcio German Fußtritt.

càlchida , nf, nm: càlchidu, càlchiu, càrchida, càrchide, càrchidu, càrciga, cràchida, cràchidu Definition cropu chi is animales giaent cun is peis de asegus Synonyms e antonyms calche, càrcini Sentences una corríncia, sendhe in pitzinnia, càrchidos si betaiat in sa coa ◊ cussu poledhu candho si sapit zente acurtzu si bortat a càrchides ◊ ti acurtzas a su molente e dhi pones sa fune, però chistionadhu, sinono ti che aporrit crachi cràchida. (M.Deiana)◊ su pastore est curtu a ischirriare su bitelledhu dae sos cràchidos de sa mama, chi no ndhe agguantat s’aggheju Surnames and Proverbs prb: a torrare su càrchidu a s'àinu dolet piús a tie Etymon srd. Translations French ruade English kick Spanish coz, patada Italian càlcio German Huftritt.

càlciu , nm Definition genia de metallu pruinosu, de colore biancu: elementu chímicu de símbulu Ca, númeru atómicu 20, pesu atómicu 40,08 Scientific Terminology mtl Translations French calcium English calcium Spanish calcio Italian càlcio German Kalzium.

càlciu 1 , nm Definition giogu de iscuadra a bòcia Synonyms e antonyms fúbbalu Translations French football English soccer Spanish fútbol Italian càlcio German Fußball.

càrcini , nm: càrcinu, cràcinu, crànciu (cràn-ci-u) Definition cropu chi is animales giaent cun is peis de asegus Synonyms e antonyms calche, càlchida, cumerada Sentences unu crànciu de ègua a barras!…◊ su muenti tirat càrcinus ◊ dhu portant una poriga de tzius: est a cràncius che unu mobenti! Etymon srd. Translations French ruade English kick Spanish patada Italian càlcio German Huftritt.

cuàrtziga , nf: cuàtziga, culàrtziga Definition sa parte de asegus de su fosile, sa chi si imbarat a su codhu isparandho Synonyms e antonyms culàssiga Sentences dh'at ameletzau cun su fusili, no po dhu isparai ma po dhu fèrriri cun sa cuàrtziga Translations French crosse du fusil English butt Spanish culata Italian càlcio del fucile German Gewehrkolben.

fúbba, fúbbala, fúbbalu, fúbbaru, fúbbola , nm, nf Definition genia de giogu a bòcia, a iscuadras de úndhighi giogadores; sa bòcia chi serbit a giogare / èssere ufradu che f. = a casidhu, primmadu meda, oféndhiu Synonyms e antonyms boce Sentences si giraiat de botu che giogadore de fúbbaru chi at apena fatu gol ◊ sos zocadores a fúbbalu sunt úndhichi in donzi iscuadra ◊ a is piciochedhus praxit su giogu de su fúbbala 2. aggrànfiat su fúbbaru, si ndhe bogat sa patadesa e lu faghet a cantos ◊ su pisedhu teniat unu fúbbaru nou de pedhe Scientific Terminology ggs Etymon engl. football Translations French football English football Spanish fútbol Italian càlcio German Fußball.

«« Search again