Legenda Incurtzaduras | Legenda Sìmbulos

càlche , nf, nm: carce, carche, carci, cartze, crache Definitzione cracada o calada de pei, cropu giau cun su pei, mescamente nau de animales chi iscudent cun is peis de asegus Sinònimos e contràrios càlchida, càrcini Maneras de nàrrere csn: sas calches de sas laras = is corrus de sa buca; dàresi carches a culu (cosa chi no faghet!)= no ndh'àere perunu dispiaghere; sos úrtimos craches = corpos chi s'animale daet innantis de istirare sas ancas, morindhe; torrare su crache a ccn. = pagaresindhe, de un'ofesa; dare su calche de s'àinu a ccn.= torràreli male pro bene Frases a torrare su calche a su molente si restat de siéntzia chepare ◊ irighedha sas carches chi mi at dadu, cussu poledhu, comente li so acurtziadu!…◊ azummai mi aiat mortu cun cussu carche chi mi at dadu, s'ebba! 2. a mi ndhe dao de carches a culu si ti che andhas!…◊ de cantu istao bene mi tiraio calches a sa coa… (P.Pisurzi) Ètimu ltn. calce(m) Tradutziones Frantzesu ruade Ingresu kick Ispagnolu patada, coz Italianu càlcio Tedescu Fußtritt.

càlchida , nf, nm: càlchidu, càlchiu, càrchida, càrchide, càrchidu, càrciga, cràchida, cràchidu Definitzione cropu chi is animales giaent cun is peis de asegus Sinònimos e contràrios calche, càrcini Frases una corríncia, sendhe in pitzinnia, càrchidos si betaiat in sa coa ◊ cussu poledhu candho si sapit zente acurtzu si bortat a càrchides ◊ ti acurtzas a su molente e dhi pones sa fune, però chistionadhu, sinono ti che aporrit crachi cràchida. (M.Deiana)◊ su pastore est curtu a ischirriare su bitelledhu dae sos cràchidos de sa mama, chi no ndhe agguantat s’aggheju Sambenados e Provèrbios prb: a torrare su càrchidu a s'àinu dolet piús a tie Ètimu srd. Tradutziones Frantzesu ruade Ingresu kick Ispagnolu coz, patada Italianu càlcio Tedescu Huftritt.

càlciu , nm Definitzione genia de metallu pruinosu, de colore biancu: elementu chímicu de símbulu Ca, númeru atómicu 20, pesu atómicu 40,08 Terminologia iscientìfica mtl Tradutziones Frantzesu calcium Ingresu calcium Ispagnolu calcio Italianu càlcio Tedescu Kalzium.

càlciu 1 , nm Definitzione giogu de iscuadra a bòcia Sinònimos e contràrios fúbbalu Tradutziones Frantzesu football Ingresu soccer Ispagnolu fútbol Italianu càlcio Tedescu Fußball.

càrcini , nm: càrcinu, cràcinu, crànciu (cràn-ci-u) Definitzione cropu chi is animales giaent cun is peis de asegus Sinònimos e contràrios calche, càlchida, cumerada Frases unu crànciu de ègua a barras!…◊ su muenti tirat càrcinus ◊ dhu portant una poriga de tzius: est a cràncius che unu mobenti! Ètimu srd. Tradutziones Frantzesu ruade Ingresu kick Ispagnolu patada Italianu càlcio Tedescu Huftritt.

cuàrtziga , nf: cuàtziga, culàrtziga Definitzione sa parte de asegus de su fosile, sa chi si imbarat a su codhu isparandho Sinònimos e contràrios culàssiga Frases dh'at ameletzau cun su fusili, no po dhu isparai ma po dhu fèrriri cun sa cuàrtziga Tradutziones Frantzesu crosse du fusil Ingresu butt Ispagnolu culata Italianu càlcio del fucile Tedescu Gewehrkolben.

fúbba, fúbbala, fúbbalu, fúbbaru, fúbbola , nm, nf Definitzione genia de giogu a bòcia, a iscuadras de úndhighi giogadores; sa bòcia chi serbit a giogare / èssere ufradu che f. = a casidhu, primmadu meda, oféndhiu Sinònimos e contràrios boce Frases si giraiat de botu che giogadore de fúbbaru chi at apena fatu gol ◊ sos zocadores a fúbbalu sunt úndhichi in donzi iscuadra ◊ a is piciochedhus praxit su giogu de su fúbbala 2. aggrànfiat su fúbbaru, si ndhe bogat sa patadesa e lu faghet a cantos ◊ su pisedhu teniat unu fúbbaru nou de pedhe Terminologia iscientìfica ggs Ètimu engl. football Tradutziones Frantzesu football Ingresu football Ispagnolu fútbol Italianu càlcio Tedescu Fußball.

«« Torra a chircare