camòrra , nf Synonyms e antonyms imbusta, ingannia, troga Sentences in cue bi at camorra: a pàrrere meu ti sunt ingannendhe Translations French duperie English cheat Spanish estafa, trampa Italian imbròglio German Betrug.

camorría , nf Definition camorra, su chi faent is camorristas cricandho de ingannare s'àteru Synonyms e antonyms arrebbuseria, embusteria, fragnocoleria, ingannia, macatreferia, mangorra, tramperia Translations French fraude, duperie English swindle Spanish fraude, engaño, estafa Italian fròde, inganno German Betrug.

coglionàda , nf Synonyms e antonyms coglionadura, futida Etymon srd. Translations French duperie, tromperie English swindle Spanish estafa Italian fregatura German Betrug.

farràssa , nf Definition cosa chi si cuncodrat cun ingannia, a dannu de s'àteru / cuncordai una f. Synonyms e antonyms abberintu, afrascu, estremagiogu, imbovu, imbusta, ingànniu, mangalofu, marrufa, tarasca, tràglia, tramòglia, trampa, troga Sentences no est po sa saludi ma po càncua farrassa manna chi oint fai cambiai totu! ◊ notesta, nat Gesús, no mi at a abarrai mancu un'amigu, ca sa farrassa est manna! 2. custa est una farrassa chi boint fai po nci guadangiai Translations French duperie, piège English cheat, trap Spanish enredo (m), maraña, trampa, estafa Italian imbròglio, tranèllo, intrallazzo German Betrug, Schwindel, Machenschaften (Pl.).

fríca , nf: friga Definition su frigare, ma nau prus che àteru in su sensu de pelea o fintzes de ingannu (o cropos puru) Synonyms e antonyms arrebbentu, cadha, impodha, mugna, munziada / frigadura Idioms csn: torrai a friga = torrai paris, currispòndhere de una cosa a un'àtera; andai in frigas = essíreche cale goi cale gai, su contràriu de torrai a friga; gi andaus a friga!… = gei andaus paris!…, no cuncordamus própiu; intrare in frica = àere ganas de… portai idea de…; èssere in frica = timindhe Sentences aiat picau una frica a cama de sole ◊ in iberru su pastore istat pejus ca picat fricas malas 2. o a mesura o a pesu bois faghides sa friga! 3. gei torraus a friga!…◊ andaus in frigas: no mi at cumpréndiu! ◊ andaus in frigas: no fait a dhi nai nudha! ◊ custos pilocos sunt tropu premmedios po intrare in frica de família Translations French duperie, frottement English overwork, rip-off Spanish reventón, estafa Italian strapazzo, fregatura German Strapaze, Betrug.

fúglia , nf Definition cosa chi si faet ingannandho s'àteru Synonyms e antonyms arrebbuseria, embusteria, fuglieria, macatreferia, fragnocoleria, ingannia, tramperia / fuglieri Etymon srd. Translations French escroquerie English swindle Spanish estafa, fraude Italian trufferìa German Betrug.

imbelécu , nm: imbellecu Definition cosa chi si faet a ingannia de s'àteru [Salis, Orgòsolo… 184: ostinazione, comportamento ostinato, idea fissa]; ispàssiu? Synonyms e antonyms abberintu, cumpoltura, estremagiogu, imbovu, ingànniu, intrània, mangalofu, màngana, tarasca, tràglia, tramòglia, trampa, trapassa, transa, troga Sentences libberade sos fideles de totu sos imbellecos! ◊ cussas addescant s'amore cun imbelecu 2. s'imbellecu prus mannu fit unu ajanedhu chi tiu Bore aiat aproverzadu "Su ritardatàriu" Etymon spn. embeleco Translations French escroquerie English cheat Spanish estafa Italian truffa German Betrug.

macatrefería , nf Synonyms e antonyms arrebbuseria, embusteria, fuglieria, fragnocoleria, ingannia, tramperia Etymon srd. Translations French escroquerie English fraud Spanish estafa Italian truffa German Betrug.

tràmpa , nf Definition cosa chi si faet o chi si narat a dannu de s'àteru, contra a sa volontade sua, faendho crèdere una cosa po un'àtera, e fintzes sa malidade, su vítziu de trampare / leare o picare a unu in t. = bínchere, cumbínchere, pigare cun s'ingannu, contandho fàulas, presentandhodhi una cosa po un'àtera Synonyms e antonyms abberintu, afrascu, cadràbula, estremagiogu, imbovu, ingànniu, màngana, maragna, tarasca, tràglia, trampadoria, trapassa, transa, trebedhu, troga Sentences mundhu traitore: totu trampas, totu ingannia! ◊ labai de no arrui in sa trampa malladita de nc'iscavuai sa língua nosta! 2. mancu delincuentes podent leare in trampa cun su diritu a s'informatzione (L.Ilieschi)◊ in trampa che apo giutu a su mare a Bustiana, chi est birgonzosa meda Surnames and Proverbs prb: su matzone perdet su pilu ma no sas trampas Translations French escroquerie, piège English prank Spanish estafa, trampa Italian gherminèlla, truffa, tranèllo German Schlich, Betrug.

tròga , nf, nm: trogu Definition cosa chi si cuncordat a iscusi e cun malítzia, po pigare s'àteru in trampa, o fintzes chi si faet o narat coment'e iscusa, fàula Synonyms e antonyms abberintu, afrascu, estremagiogu, imbovu, imbusta, ingànniu, mangalofu, màngana, marrufa, tramòglia, trampa, trapassa, trassa, trobinzu / arraghèscia, frocu Idioms csn: bocare trogas = bogare mendheas, bogai frocus, circai forrogus, arreghèscias; pigai a ccn. a trogus de pilus = a pilos, a tzufos de pilos; fai calincuna cosa in troga = in trampa; pònnere a ccn. a sa t. = a cumprou, fàere cufessare su chi ant fatu Sentences su babbu at perdonau is trogas de sa filla chi fiat fastigendi a iscusi ◊ sa mama no si est acatada de is trogas chi at cumbinau sa filla cun s'isposu ◊ cussu t'imbodhicat in sa troga parada de sa droga ◊ est imparendi trogas e trassas po no arrui cun is óminis ◊ est chin s'aficu, poi de tantas proas de su viver in trogu fitianu, chi tramunadu torret su beranu (G.A.Salis)◊ si filu, dèu filu a trogus ◊ andat peri is bidhas cun promissas e trogas e ndi pinnigat is piciochedhus ◊ totu custu prantu minudu no at a èssiri un'àtara troghixedha tua? 2. a cudha fémina dha pigant a trogus de pilus, dha impellint e si pistat s’ossu de s’ogu (P.Alcioni)◊ at agganfau su piciochedhu a trogas de pilus ◊ funt certendi… ge nau ca si pigant a trogus de pius! Surnames and Proverbs smb: Troga Etymon spn. droga Translations French prétexte, imposture, duperie English excuse, fraud Spanish pretexto, impostura, estafa Italian pretèsto, impostura, imbròglio German Vorwand, Betrug, Schwindel.

«« Search again