bótu , nm, avb Definition su istare sèmpere tocandho, faendho a tropu, giaendho istrobbu, nau de pipios o piciochedhos fintzes chentza giare ascurtu a is mannos; su bogare o pònnere fàcia cun s'àtera gente Synonyms e antonyms àcia Idioms csn: botu 'íschidu (bíschidu)= botu meda, a tropu, de no lu pòdere baliare, fintzas su pisedhu etotu chi zughet botu a tropu e daet ifadu (zúghere o èssere b. íschidu); pònneresi botu = faisí a intèndiri, bogai faci; pònneresi su botu chi… = pònneresi sa cara, bogai faci nendi ca…; avb.: botu botu = a poderiu, a prepoténtzia Sentences za ndhe zughet de botu bíschidu cussu pisedhu: no ti lassat nudha chentza forrogadu! 2. a si che colare ue no faghet a bídere bene s'istrada no est a zúghere botu e a pònnere s'àteru puru in arriscos de s'iscollare! ◊ lassa andhare a isse, ca si ponet prus botu: a tie no ti bi lassant mancu acurtziare! ◊ si poniat su botu chi nachi fit gai! ◊ tue ti pones su botu, ma no tenes resone! 3. si ch'est coladu a dainanti de sos àteros botu botu Etymon itl. botto Translations French impétuosité English impetuosity Spanish impetuosidad Italian irruènza, ìmpeto, monellerìa German Wucht.

bòtu bòte

bótu 1 , avb: buta Definition de botu = de istrémpiu, a corpu Sentences candu dh'ant bistu si ndi funt pesaus de botu ◊ mi ant de botu giradu sas palas! ◊ m'ischidesi nervosu de unu botu ◊ su chelu si fit inchimeradu e caleit de botu sa irada de s'abba ◊ mancai surpréndiu de buta, candu su cuadhu si est postu a curri, no si fiat pérdiu de ànimu ◊ comente apo bidu deai, mi ndhe peso de botu, curro a sas bestes e mi pijo totu Surnames and Proverbs smb: Butta Translations French brusquement, tout à coup, soudainement English suddenly Spanish de repente Italian di scatto, all'improvviso German plötzlich.

bótu 2 , nm: votu* Definition singiale coment'e una rughe chi si faet in s'ischeda (in pitzu de unu símbulu o de unu númene) po isceberare is candhidaos e significare sa volontade de s'eletore; su pàrrere de unu, nau o ammostau inue si decidet ccn. chistione; su chi s'impromitit a unu Santu po ccn. gràtzia chi si pedit o chi si acantzat Synonyms e antonyms promissa Sentences sos candhidaos nobos de cada partiu fint tucandhe ifatu de sas zannas pedindhe botos che dischissiaos.

bótu 3 , nm: brotu Definition linna noa isparandho, cumenciandho a crèschere bogandho linna noa Synonyms e antonyms brossa, inseurru, irbrossa Sentences sa bide est faghindhe su primmu botu.

«« Search again