Ditzionàriu in línia
de sa limba e de sa cultura sarda

abbinài , vrb: abbinare Definition isciúndhere in o cun binu, betare binu a calecuna cosa (fintzes giare a bufare a un'animale po cura); bufare binu meda, su si giare a su binu, a bufare; nau de frutuàriu, guastare coment'e faendhosi a binu, aghedu; abbinare est fintzes a murigare su mustu in is cubones po no si aghedare su pígiu de pitzu de sa binatza Synonyms e antonyms afegare, afegonare, imbreacare, infegare Sentences in s’atóngiu, su crabaxu chi teniat binu, abbinàt is crabas, mesu litru a totus 3. custa figu niedha, si no est collida apenas tinghindhe, si prúdigat in su culatzu e si abbinat totu Translations French tremper dans le vin, s’enivrer English to rinse with vine Spanish mojar con vino, emborracharse Italian avvinare German Wein tränken.

barbatèlla , nf Definition pértiga de bide americana chi s'interrat a betare arraighinas po dha prantare e ifèrrere apustis a bide sarda Scientific Terminology bng Translations French bouture English american vine Spanish barbado Italian barbatèlla German Ableger.

bíde , nf: bidi, vide Definition genia de linna chi faet a cannàile longu e fine si no est pudada, est de tantas calidades, faet fògia manna a bicos, bogat su frutu (àghina, ua) a gurdone Synonyms e antonyms aidi, salmentu Idioms csn: b. americana = zenia de bide areste, bide chi si prantat a fàghere a barbatella pro l'innestare a b. sarda (sa chi batit frutu bonu); canna de b. = pértia, itl. tràlcio (a bortas est totu su fundhu puru, candho sa b. est fata a bérgula); filu de bide = órdine, giuali Sentences sa bide si podet pesare a fundhos minores o a bérgula ◊ sa bide si pudat tra frearzu e martu ◊ sa bide sarda agguantat de prus s'assutore Scientific Terminology frt, Vitis vinifera ssp. vinifera Etymon ltn. vite(m) Translations French vigne, cépage English vine Spanish vid Italian vite, vitigno German Weinrebe, Weinstock.

brandalliéri , nm Definition bide, pértiga, sarmentu americanu Translations French vigne americaine English American vine Spanish vid americana, labrusco Italian vite americana German Art Weinstock.

calagòrus , nm pl: caracolos, caragolus Definition genia de erba fragosa, po bellesa: faet su frore unu pagu a caragolu Scientific Terminology frs, Phaseolus caracalla Etymon spn. caracol. Translations French fleur tire-bouchon English snail creeper vine Spanish caracolillo Italian caracallo German Feuerbohne.

cerbòni , nm Definition nae de linna (o fintzes canna) a frucagedhu chi si ponet a bide, a pisu, a tamatas e àteru po chi abbarrent in artu de terra, acapiaos, e no dhis fatzat dannu su bentu Synonyms e antonyms fichete, fitura, palincioni, ràdica 1 Sentences is óminis pudant e nosu passaus in sèssini, acapiaus sa carriadroxa a su cerboni Translations French échalas English vine stake Spanish tutor, rodrigón Italian palétto per le viti German Weinpfahl.

isocradòra , nf Definition genia de bobboi chi atacat e distruet sa bide Synonyms e antonyms filòssera Scientific Terminology mld, philloxera vastatrix Etymon srd. Translations French phylloxéra English vine louse Spanish filoxera Italian fillòssera German Zwerglaus.

rabatzòne, rabatzòni , nm Definition fundhu de bide (mescamente andhau male, sicau) Synonyms e antonyms cocina, truigu Sentences pro su fogu batiat chimuza e calchi rabatzone Etymon ctl. rabassó Translations French cep de vigne English vine stump Spanish cepa de vid Italian céppo di vite German Rebenstamm.

truígu , nm Definition fundhu de bide, pitzu Synonyms e antonyms rabatzone Sentences est torradu cun sa béltula prena de truigos Translations French cep de vigne English vine stock Spanish cepa Italian céppo di vite German Stock.