Ditzionàriu in línia
de sa limba e de sa cultura sarda

càmbu , nm: cammu Definition su trunchighedu de is erbas (segundhu s'erba, sirba, cambigiolu), ma fintzes is cambighedhos de una mata; gente coment'e parte, pasia, de unu pópulu, de calecuna calidade de cosa / min. cambixedhu, cammitu / cambu de fà sicau, de frori, de infertura Synonyms e antonyms arrampu, camba*, nae / silva / arrampile Sentences sa mata est prima sèmini e poi cambu ◊ su tallu arromigat s'ispina de is pardus ingroghius tra perdas e cambus sicus ◊ rosa de cambu sanu, frisca e bella ◊ ant presentadu medas cambos, ma unu solu est fioridu ◊ is matas funt movenno is cammos cumment'e canno dhue at bentu 2. cuss'àrbure at ispartu sos cambos chi faghent un'umbra manna ◊ sa culumba est torrada cun su cambu de s'olia in buca ◊ as a biri sa matixedha cun is cambus càrrigus de muneda 3. is cambus de su pópulu de Israeli fuant doxi ◊ ti apu a fai un'iscritu chi no dhu at a abarrai cambu de bestiàmini e ni de lori! ◊ no mi arregodo sos cambos de su frore chi depo cantare Surnames and Proverbs smb: Cambus Scientific Terminology rbr Translations French tige English stalk Spanish tallo Italian gambo, stèlo German Stiel.

cannaínza, cannaínzu , nf, nm, agt Definition cosa a usu de fune, su cambu longu longu e fine de unas cantu erbas (es.: pisu, intretzu, mimira, fintzes pigionàciu), ma podet èssere fintzes una fune fine; nau de ccn., artu meda e iscarritzinu, istrígili (e dhu narant de animales puru) Synonyms e antonyms cannàile, sirba / giangalloi, iscalandrone Sentences cannainzu meda at fatu su basolu, ma basolu pagu! ◊ apo intritzatu cannainzas fatas de zuncu 2. za ndhe at fatu de cannainzu, cussu zòvanu: no colat in za zanna de cantu est artu! 3. bi aiat unu fiotu de fiados cannainzos Translations French tige mince et très longue English very long and thin stalk Spanish tallo sutil y largo Italian stèlo o fusto lianóso, sottile e mólto lungo German langer und schmaler Stiel.

coscovàtzu , nm: cuscubatzu, cuscuvatzu Definition iscopa de àchina o de sarmentu, sa carena, su chi abbarrat de unu gurdone de àghina apustis istacaos is pibiones; fintzes totu su chi no est granu, foedhandho de su laore Synonyms e antonyms iscovàtzulu, iscopu 1, iscovile, sporra / cerfa, chercuzu, coamaderzu, múndulu 2. issos regollint su ranu e a nois lassant su cuscubatzu Scientific Terminology rbr Translations French râpe, criblure English grape stalk, riddling Spanish orujo, salvado Italian graspo, vagliatura German Traubenstiel, Spreu.

iscovàtzulu , nm Definition iscopa de àchina o de sarmentu, sa carena, su chi abbarrat de unu gurdone de àghina apustis bodhiu su pibione Synonyms e antonyms coscovatzu, iscovile, iscopu 1, sporra Scientific Terminology rbr Etymon srd. Translations French râpe English grape stalk Spanish racimo Italian graspo German Traubenstiel.

nasédhu 1 , nm Definition parte de su granu ue custu est atacau a sa tega, aintru (nau prus che àteru de sa fae): si narat fintzes de unos cantu frutos (es. castàngia) sèmpere po su tretu ue funt atacaos aintru; parte de unos cantu frutuàrios (es. pira, mela), sa de mesu cun su sèmene, foras sa prupa, totu impare cun su culatzu (ue si est sicau su frore, a parte de fundhu) e su bicu o tenaghe chi atacat a su cambu de sa mata Synonyms e antonyms apiconi, orrúncinu, pitu 2, tanache, tanàsiche Sentences su papu de sa fà portat su nasedhu, sa scròcia e, in mesu, duas perras Surnames and Proverbs smb: Naseddu Scientific Terminology rbr Etymon srd. Translations French pétiole, trognon English stalk, core Spanish pedúnculo, corazón Italian picciòlo, tórsolo German Stengel, Stiel, Kern, Kerngehäuse.

picantzólu , nm Definition s'apicone o bicu chi portant unos cantu frutos (es. mela, pira, figu) Synonyms e antonyms nasedhu 1, tanache Etymon srd. Translations French pétiole English stalk Spanish cabillo Italian picciòlo, gambo di frutta German Fruchtstängel.

pítu 2 , nm Definition pitzu, puntighedha, css. cosighedha longhita e fine chi assimbígiat a unu bicu (es. parte de fògia, de frutuàriu comente si atacat a su cambu, sa punta de is titas)/ su p. de sa limba = genia de filighedhu asuta de sa punta de sa limba (itl. frènulo); figu piti longa (calidade birde) = chi portat nasedhu longu Synonyms e antonyms nasedhu 1, tanache / cabígiu Scientific Terminology rbr, crn Translations French pétiole English stalk, petiole Spanish pecíolo, pedúnculo Italian picciòlo German Stiel.

scovíi , nm: iscovile*, scovíle, scovíli Definition iscopa de àchina o de sarmentu, sa carena de unu gurdone de àghina, su chi abbarrat apustis bodhios is pibiones (ma si narat de àteru frutuàriu puru, es. cheréssia): a logos est fintzes sa tupighedha de s'isparau Synonyms e antonyms coscovatzu, iscovàtzulu, sporra Scientific Terminology rbr Translations French rafle English grape stalk Spanish racimo Italian graspo German Traubenstiel.

sílva , nf: sirba, sirva 1 Definition s'iscova o truncu de unas cantu erbas (es. pisu, síndria, melone, crucuriga) chi creschent a cambu longu meda chi s'isterret in terra o si che artzat segundu su chi agatat (es. raiga): unu tempus fut fintzes su matedu, su padente Idioms csn: mardi de sirba = sirva, sughe sirvonina, sa sue de su porcrabu; sa sirba de sa bértula = su mesale, s'ala de mesu, tra unu fodhe e àteru; èssere a sirba sua (nadu de ccn.) = èssiri educau mali de no fai contu de su chi narant is àterus, fai comenti dhi acucat, su chi dhi parit e praxit a tostorrímini Sentences sas pumatas ant fatu bonas a sirba ma ndhe sunt cumprindhe pagas ◊ su basolu zughet sa sirba gàrriga de fiore ◊ sa sirba de sa curcuriga no si che acadhat a sas àrbures ◊ custu melone est totu sirva Surnames and Proverbs smb: Silva, Silvas, Sirva Etymon ltn. silva Translations French tiges des cucurbitacées English stalk Spanish tallo de las cucurbitáceas Italian fusto delle cucurbitàcee e sìmili German Stamm der Kürbisgewächse.