Ditzionàriu in línia
de sa limba e de sa cultura sarda

annoditàre, annoditzài , vrb: annoriciai, annotitzai Definition distínghere, fàere diferente, su si giare a bíere, pònnere a notu calecuna cosa po dh'arregodare o bíere Synonyms e antonyms innodidare / annodiae, annotare, bídere, signalai Sentences ses tantu annoditada in sa bellesa ◊ fiore tantu annoditadu ◊ gei s'annoríciat ca est aici ◊ cuss'angionedha est annoditzada: dèu dh'apu tenta! 2. intrat a campusantu, duritendhe, e annoditat sa puba de un'isconnotu ◊ una chi dh'at annoditzau dh'at domandau ◊ ammèntadi de sa die, sa chida ti annodita! ◊ lompit a sa bidha e annotitzat una domu arta arta (R.Spissu) Etymon ltn. *annotitare Translations French remarquer English to note Spanish notar, señalar Italian notarsi German auffallen.

disintónu , nm Definition su no torrare apare o a tonu de sa boghe, cantandho; su èssere diferentes, su iscumpàrrere de una cosa posta apare cun calecun’àtera, su no èssere de acórdiu Synonyms e antonyms distonu, istonadura, stonadura / disacórdiu Etymon spn. desentono Translations French fausse note, dissonance English dissonance, wrong note Spanish desafinamiento, discordancia Italian stonatura, dissonanza German Falschsingen, Nichtübereinstimmung.

istonadúra , nf Definition su no èssere a tonu o cuncordos Synonyms e antonyms disintonu, distonu Translations French fausse note English wrong note Spanish desafinación Italian stonatura German Detonieren.

nòda , nf: nota Definition sonu e sinnu po sa grussària o finesa chi podet tènnere su sonu, de unu a sete comente s'isterrent in s'erriga musicale (do, re, mi, fa, sol, la, si): segundhu sa 'figura' arrapresentant sa durada diferente de su sonu; su pl. fintzes is istampos de is launedhas / pigai is nodas de ccn. = chircare de assemizare a ccn. Sentences unu càntigu prus surdu e prus addasiau si ammódhiat, s'istudat: sceti una noda tremit ancora ◊ lassàdemi a gosare sas notas de sa música chi illébiat s'ànima! ◊ a noda de mediana su sulitu in cuncórdiu sonasta Etymon ltn. nota Translations French note English note Spanish nota Italian nota German Note.