Ditzionàriu in línia
de sa limba e de sa cultura sarda

coscovàtzu , nm: cuscubatzu, cuscuvatzu Definition iscopa de àchina o de sarmentu, sa carena, su chi abbarrat de unu gurdone de àghina apustis istacaos is pibiones; fintzes totu su chi no est granu, foedhandho de su laore Synonyms e antonyms iscovàtzulu, iscopu 1, iscovile, sporra / cerfa, chercuzu, coamaderzu, múndulu 2. issos regollint su ranu e a nois lassant su cuscubatzu Scientific Terminology rbr Translations French râpe, criblure English grape stalk, riddling Spanish orujo, salvado Italian graspo, vagliatura German Traubenstiel, Spreu.

grànu , nm Definition su sèmene de unas cantu erbas, ma mescamente de is laores; pibione de àghina, fintzes frutu de unas cantu tupas o matas (es. murta, lidone); biculedhu de cosa piticu, tundhitu, coment'e arena; fintzes una genia de ammosta o figura chi si faet in s’orrobba, mescamente in tessíngiu / min. granichedhu, granixedhu; sos granos = sa gràtzia, su lori chi ghetant a is cojaus nous bessendi o torrendi de crésia Synonyms e antonyms nau 1, ranu / gràtzia Sentences de sa fava, a tie su granu e a mie su corju?! Scientific Terminology rbr Etymon ltn. granum Translations French grain, pépin English grape, grain Spanish grano Italian chicco, granèllo German Korn.

iscovàtzulu , nm Definition iscopa de àchina o de sarmentu, sa carena, su chi abbarrat de unu gurdone de àghina apustis bodhiu su pibione Synonyms e antonyms coscovatzu, iscovile, iscopu 1, sporra Scientific Terminology rbr Etymon srd. Translations French râpe English grape stalk Spanish racimo Italian graspo German Traubenstiel.

pibiòne, pibiòni , nm: pipione, pubugione, pubujone, pupione, pupugione, pupujone, pupuxone, pupuzone Definition su granu (upm) de s'àghina comente dhu sèberat su frore de su gurdone; genia de puntighedha tundha comente acabbat su chelu de sa buca, apalas, in s'oru de s'ingurtidórgiu; nodighedhu o lobitu de sa trama chi si faet in su tessíngiu in tapetos, fànugas, burras e àteru, po pòdere essire a figuras, ma fintzes àtera genia de nodighedhu piticu / partes de su pipione: nasedhu, fodhone o fodhe, mata o prupa, sèmene o pisu; su pupujone de sa bula = angaule, sa méndula de su gúturu, su fundu de su paladari Synonyms e antonyms aginedhu, pubone / cdh. pupioni Sentences gustant sos pubujones rujos e dorados trones ponent in sas pischezolas ◊ custos fundhos batint ua pupujoni madura ◊ custos sunt sos pupuzones de s'úrtima iscaluza 2. no ischimus si tessent a pibione overas a ranu de ogu ◊ su sudori, messendi, calaiat a pibionedhus Scientific Terminology rbr, crn Translations French grume, grain de raisin English grape Spanish grano Italian àcino German Beere der Weintraube.

scovíi , nm: iscovile*, scovíle, scovíli Definition iscopa de àchina o de sarmentu, sa carena de unu gurdone de àghina, su chi abbarrat apustis bodhios is pibiones (ma si narat de àteru frutuàriu puru, es. cheréssia): a logos est fintzes sa tupighedha de s'isparau Synonyms e antonyms coscovatzu, iscovàtzulu, sporra Scientific Terminology rbr Translations French rafle English grape stalk Spanish racimo Italian graspo German Traubenstiel.

tzitzícra , nf, nm: sissiglu, tzitzigla, tzitzirca Definition gurdone de àghina pitichedhu chi sa bide bogat prus che àteru a trigadiu Synonyms e antonyms campaninu, carràmbalu, cicillone, iscalúgia, pimpillia, popurustu, pripixone, scalonina, scrichilloni, sprimpilloni, tritiga Scientific Terminology rbr Translations French grappillon English grape Spanish redrojo Italian raspóllo German kleine Weintraube.