Ditzionàriu in línia
de sa limba e de sa cultura sarda

acociàda , nf Synonyms e antonyms firmada, istentu Etymon srd. Translations French atermoiement English delay Spanish demora Italian indúgio German Zögern.

acolconàre , vrb: acorconare, acosconare Definition tirare acoa, fàere is cosas abbellu coment'e po no dhas bòllere fàere Synonyms e antonyms acorochinare, atostonare Etymon srd. Translations French hésiter English to delay Spanish tardar, demorar Italian indugiare German zögern.

acolcónu , nm: acosconu Synonyms e antonyms atostonu, stentu, tasinzu Etymon srd. Translations French atermoiement English delay Spanish demora Italian indùgio German Zögern.

adasiài , vrb: addajare, addasiai, addasiare Definition fàere is cosas abbellu, pigaresidha chentza presse, fàere prus abbellu, cun prus pagu lestresa, abbrandhare unu fàere Synonyms e antonyms biltentare, illesinare, istentae, tricare | ctr. acoidai Sentences tónchinos de betzesa addajant s'andhera 2. erribbau a padente iat addasiau su passu poite is matas furint intipias Etymon itl. adagiare Translations French tarder English to delay Spanish tardar Italian indugiare German langsam machen.

atostónu , nm Definition su tirare agoa, su abbarrare ibertandho o istentandho a fàere su dovere Synonyms e antonyms acolconu, imbaru, tasinzu Etymon srd. Translations French atermoiement English delay Spanish demora Italian indùgio German Zögern.

bilténtu , nm: abbistentu, bistentu Definition su istentare, su si tratènnere faendho calecuna cosa e mescamente passandho ora po gustu, divertindho Synonyms e antonyms iltentu / divertimentu, spàssiu Sentences tribàgliu e biltentu apo példidu ◊ pensamentosu pro su bistentu, fit isetendhe in perra de gianna 2. arghentu no b'at o prata chi pagat cussu bistentu ◊ ma già bi arrivis, mancari a bistentu! ◊ tenzo de andhare a su cuile de sos pastores pro bídere si andhant bene o a bistentu sos tribàglios 3. giugher bos depo, si sezis cuntentu, peri su mundhu nostru calchi chida: creo bos det servire de bistentu (P.Casu) Etymon itl. bistento Translations French retard, délai English delay Spanish retraso, demora Italian tratteniménto, ritardo, indùgio German Fackeln, Zögern.

dilàta , nf Definition tempus in prus chi si giaet po cumprire un’óbbrigu Synonyms e antonyms pellongu, porra Sentences pro cussas pagamentas, abbàida si podimus fàghere una dilata! Etymon itl. dilata Translations French délai English delay Spanish prórroga, dilación Italian pròroga, dilazióne German Aufschub, Verlängerung.

ilténtu , nm: istentu, stentu Definition su istentare, su istare o arreare unu tanti de ora o de tempus (meda), su istare a irmasionu, abbellu abbellu faendho sa cosa, tempus chi s’istat ibertandho; su si tratènnere a divertire, a passare ora, leandho calecunu gustu; nau in coglionu a is piciochedhos, genia de cosa chi… si podet solu istentare ibertandho Synonyms e antonyms biltentu, tasinzu Sentences so in pensamentu prite piús notíscias no mi as dadu: ma, nàrami, proite tantu istentu? 2. no fit sentza motivu, no debbadas s'istentu de si tínghere in rosa s'aurora 3. - Tia Maria, at nadu mamma a mi dare s'istentu! - Ahn! coro ’e mamma, beni, setzi inoghe za ti lu damus!… Surnames and Proverbs prb: chie sàmunat sa conca a s'àinu perdet sa líscia e s'istentu Etymon srd. Translations French retard, délai English delay, entertainment Spanish demora, entretenimiento Italian indùgio, intratteniménto German Zögern, Unterhaltung.

istentàe, istentài , vrb: istentare, stentai Definition tratènnere, istare unu tanti de tempus (chi podet èssere fintzes pagu), istare tropu tempus, prus ora de canta ndhe serbit; fàere divertire Synonyms e antonyms stenterai, tratèniri / adasiai, afilusigare, biltentare, illesinare, tricare | ctr. andai / coitare Sentences istentada est sa zente a tribagliare in sas òperas mannas de sa vida ◊ pro m'istentare issas mi daiant de cudha fruta bella ◊ - E meda ti che istentas in bidha? ◊ caliguna bia s'istentiaus a circae nios de curculleos, marapigas, candho non furint agilestros o tzatzallucas 2. proite as istentadu sendhe acurtzu su cumandhu? ◊ faghindhe custu istentamus ca est cosa inzotosa ◊ si t'istentas meda no bi ndhe agatas, de pane, in butega! 3. s'annu iat fatu bènnere cantadores a frores po istentare is borrochianos Etymon itl. stentare Translations French s'attarder English to detain, to delay Spanish demorarse Italian trattenére, indugiare, tardare, ritardare German aufhalten, säumen, sich verspäten.

istentónzu , nm Definition su istentare, su fàere o torrare o bènnere prus a trigadiu Synonyms e antonyms retaldu, tardamentu Sentences ses semper ghirandhe tardu: aite custu istentonzu, cada sero? Etymon srd. Translations French retard English delay Spanish retraso, atraso Italian ritardo German Verspätung.

pellongàre , vrb: perlongai, perlongare, prelongai Definition tirare a longas, tirare agoa, lassare istare su de fàere a un'àteru tempus; allonghiare calecuna cosa Synonyms e antonyms allonghiai, atrassai, crastinare, illonghiare | ctr. allestire, impressire / incruciai Etymon itl. perlongare Translations French prolonger, renvoyer English to prolong, to delay Spanish aplazar, prolongar Italian prolungare, differire, procrastinare German verlängern, aufschieben.

pellóngu , nm, avb: perlongu Definition tempus in prus chi si giaet po fàere un'óbbrigu / pònnere una cosa p. = de longu; tirare p., pellongos = tirare a longas, su si pigai tempus meda Synonyms e antonyms atrassadura, dilata, porra Etymon srd. Translations French renvoi, délai English delay Spanish aplazamiento Italian differiménto, dilazióne German Aufschub, Verzögerung.

stentài , vrb: istentai* Definition tratènnere, abbarrare, istare in d-unu logu o faendho calecuna cosa unu tanti de tempus (chi prus che àteru est meda o tropu cunforma a su bisóngiu, ma podet èssere fintzes pagu nau in su sensu de istare) Synonyms e antonyms adasiai, afilusigare, biltentare, tricare / tratèniri | ctr. coitare Sentences bai, cica is pegus e no ti stentis furriotendi! ◊ seus torraus puru: no fut cosa de si stentai! 2. mi seu stentau una mes'oredha ca tenemu pressi ◊ stentadí, abarra cun mei! ◊ stentissidha ancora, gopai! ◊ su mundu istat narendi chi mi stentas debbadas ◊ no est lómpiu ancora: si depit èssiri stentau in su trabballu Translations French hésiter, s'attarder English to delay Spanish tardar detenerse Italian indugiare, trattenére, trattenersi German aufhalten, sich aufhalten.

sténtu , nm: iltentu* Definition su istentare, su istare a tropu in d-unu logu o faendho sa cosa, tempus chi si abbarrat ibertandho; su si tratènnere in divertimentu, a passare ora, pigandhosi calecunu gustu / pigaisí su s. de… = leàresi s'intertenimentu, abbarrare a fàghere carchi cosa Synonyms e antonyms acolconu, biltentu, imbaru, intertenimentu, tasinzu, tratesa Sentences Erode ndi est abarrau cuntentu de si biri ananti a Cristu, ca ndi boliat isciri po anca ndi tenni stentu ◊ mi seu agatau unu bellu stentu a spisai meloni! 2. mi pigu su stentu de ti dhu ispiegai Translations French atermoiement, retard English delay Spanish tardanza, demora Italian tratteniménto, indúgio German Verweilen, Zögern.