Ditzionàriu in línia
de sa limba e de sa cultura sarda

afúscu , nm: afusu Definition murigu chentza órdine, trummentu, mancamentu de cuncórdia, fintzes axiu, pentzamentu / andhare o mandhare a s'afusa = mandai o andai a cudhu logu, a pasci cocas, innoromala Synonyms e antonyms abbolotu / afusada, disacórdiu / barrancu, cimbella, pedine Sentences in totu cust'afuscu de sa festa carchiunu si nche prischiaiat carchi cosa ◊ za est pacu s'afusu chi zuches!… 2. biviant chene anneos, chene s'afuscu de si colare male sa vetzesa ◊ sos afusos de sa gherra fint reséssios a fàchere irmenticare sa dirgràssia ◊ sos contos s'iscrient pro irmenticare afuscos e anneos ◊ su dolu li prenaiat sa conca de afusu 3. ma chi andhet a s'afusa, chi no ndhe chelzo mancu intèndhere prus! Surnames and Proverbs prb: si rinnat s'afusu no si carrant contones! Etymon srd. Translations French confusion English confusion Spanish confusión, trasiego Italian confusióne, trambusto, imbarazzo German Verwirrung.

batúgliu , nm: abbatúliu*, batúliu, batúlliu Definition tréulu, carraxu mannu, sonos Synonyms e antonyms abbolotu, arrevolotu, atrepógliu, sciumbullu, tregollu / abbulizu, mamudinu, murísima, pilissu, stragambullu, trambullu, tremutu Sentences abarrai firmus, chi seis fendi unu tríbbulu batúliu! ◊ che intro a su batúgliu e bi l'agato che cane aggantzadu: a fortza intro in mesu e briga e chistione apo suspesu (Limbudu)◊ sonus, batúllius de dónnia genia, isciarrocus che tronus móvius de bentu non timu (G.Porru) Translations French pagaille, tapage, vacarme English confusion, din Spanish barullo Italian scompìglio, schiamazzo German Geschrei.

cofujòne, cofusiòne , nf: cubisione, cufusione, cunfusione, cunfusioni, cunvisioni Definition cosa pagu crara, betada apare, su betare apare cosas diferentes, su cumprèndhere o pigare una cosa po un'àtera Synonyms e antonyms abbolotu, afusada, afuscu, cumboja, trambullu Sentences vi depiat àere piús zente ca in sa cofujone carchi paràgula no s'intendhiat (G.Chironi) Etymon itl. Translations French confusion English confusion Spanish confusión Italian confusióne German Verwirrung.

dissàntanu , nm Definition burdellu mannu, cosa totuganta betada apare Synonyms e antonyms abbatúliu, abbolotu, abbulizu, abbuluzu, arrevolotu, atrepógliu, bubutu, carralzu, solovru, susujosso, tregollu Sentences su murrunzu, sas boghes e su dissàntanu s'intendhiant in totu sa carrera Translations French bouleversement, désordre English confusion Spanish desorden Italian soqquadro German Durcheinander.

murísima , nf: murisma Definition genia de avolotu, de bulúgiu, de moida Synonyms e antonyms abbatúliu, abbolotu, moida, pilissu, sciumbullu, sculumerdu, subuzu, trambullu, tregollu Sentences poita ses beniu a ponni murísima in su teatru miu? ◊ sa murísima de su mari fuat sa bússola chi no mi lassàt isbagliai (A.Boi) Etymon spn morisma Translations French tumulte, pagaille English tumult, confusion Spanish tumulto, alboroto Italian tumulto, scompìglio German Rummel, Verwirrung.

sciumbúllu , nm: sumbúgiu, sumbullu, sumbuzu, sumuzu Definition movimentu e moida, istragatzu chi si faet movendho o murigandho cosa, camminandho, movimentu e moida a s’afaiu; fintzes movimentu de gente meda contras o po calecuna chistione Synonyms e antonyms abbatúliu, abbolotu, atrepógliu, iscumbullu, ispabúliu, sculumerdu, stragambullu, subuzu, trambullu, tregollu, trepollu, trobbuscàmene / trummentu Idioms csn: su s. de s'àcua = moida de abba currindhe, chi ruet a istràmpidu de artu; sumbullu de sa brenti = sos tzocos chi faghet in bentre; ponni sumbullu = pònnere abbolotu; sumbúgiu de istògomo = gana mala, buluzu Sentences intendu sumbullu in foras: depint èssi torrendu! ◊ intrendi a domu at inténdiu sumbullu de pratus e boxis avolotadas ◊ a dónnia sumbullu chi intendit si girat luegu a castiai a coa ◊ sumuzu surdu sas orrodas prenas, cussas a rajos sonant che campana (G.A.Mura) 2. me in Castedhu, Oristanis, Iglésias nanca dhoi at sumbullus e tréulus mannus: sa genti dha tenit contras a su guvernu ◊ cussos benint a domo a pònnere sumbuzu: fintzas sas padedhas mi cumpudant!◊ sumbullu de su coru e sumbullu chi dhi arretronat in conca no dhu lassat drommiri Etymon srd. Translations French émoi, émeute English confusion, riot Spanish desorden, confusión, revuelta Italian scompìglio, subbùglio, sommòssa German Verwirrung, Unordnung, Durcheinander, Aufstand.

subúzu , nm: supuzu Definition genia de movimentu, de murigamentu, fintzes de moida chi si faet; nau de persona, genia de pentzamentu, murigamentu de sentidos / pònnere sa domo in s. = pònniri a tréulu sa domu Synonyms e antonyms abbatúliu, abbolotu, abbuluzu, baraundha, móricu, pilissu, sciumbullu, seguzu, trambullu, tregollu Sentences sessaos sos supuzos, ghirabant a bidha 2. tzertas cosas lu poniant deretu in supuzu ◊ Mallena lu pompiabat cun sa fatza prena de disizos chi poniant in supuzu e in tribbulia a isse puru Etymon srd. Translations French émoi, bouleversement English confusion, anxiety Spanish alboroto, turbación Italian subbùglio, turbaménto German Verwirrung, Beunruhigung.

trepógliu , nm: atrepógliu*, tropellu, trupégliu, trupellu Definition genia de faghevaghe, de andhata a fuidura a dónnia bandha, de tréulu, cosa betada apare, a s'afaiu; immarritzone mannu, cadha, matana Synonyms e antonyms abbatúliu, atrobodhu, atroputzu, atrupamentu, carralzu, imbrabugliu, incalamistru, sciumbullu, trambullu, tregollu, trepoju, trobodhu / cadha, matana, pelea Sentences it’est custu bacanu in sa vidha a trepógliu? Translations French confusion, embrouillement English confusion, entanglement Spanish confusión Italian confusióne, ingarbugliaménto German Durcheinander, Verwirrung.

tripogliàre, tripollàre, tripozàre , vrb: atrepillai*, trobellare, tropellare, tropogliare, trovogliare, trupellai Definition pònnere tropellu; su si fadhire, cufúndhere, betare apare a trobedhadura Synonyms e antonyms agiolotare, imbrabugliare, stragamullai, trumbugliai, trummentai / atrobodhare, batagugliare, intrebedhai, trabojare, trobodhicai, trobullai Sentences lassamí in paxi no mi trupellis! ◊ mi apo tropogliadu sa cusséntzia cun su male chi apo fatu 2. si no bi est iscritu comente apo natu cheret nàrrere chi mi so tripogliatu ◊ si est totu tripogliatu in s'arréjonu ◊ messandhe, su trigu li trovogliaiat in manos! Translations French mettre la confusion English to provoke confusion Spanish alborotar Italian provocare confusióne German durcheinanderbringen.

tzibidómine , nm Definition avolotu, tréulu mannu de gente meda Synonyms e antonyms abbolotu, trepógliu, trobbuscàmene Sentences bi aiat unu tzibidómine chi a mie aiant agabbatu de m’iscorriolare sa túnica chi giuchia (A.Pau) Translations French cohue English turmoil, confusion Spanish jaleo Italian parapìglia German Durcheinander.