Ditzionàriu in línia
de sa limba e de sa cultura sarda

arraólu , nm: arreolu, arriolu, oriolu Definition genia de pentzamentu po calecuna cosa chi si timet, o chi si bolet o chi no s'ischit Synonyms e antonyms apensamentu, apinnicu, ildinu, intabatzu, pedine, pedighinu, pennítziu, pestighinzu / afródhiu, finitzu, ischinitzu, pistu Sentences s'arreolu no li dabat pasu ◊ po s'arriolu, notesta, no soi arrennéscia a mi calai a sonnu ◊ su massau contat totu a sa pubidha e abarrant in arreolu poite teniant dus fixus Translations French appréhension English concern Spanish inquietud Italian apprensióne German Angst.

interessài , vrb: interessare Definition reguardare, èssere importante po ccn. o po calecuna cosa; prnl. fàere bíere contivígiu, incuru, atentzione po calecuna cosa o po ccn. Synonyms e antonyms importai, reguardai / contifizare, intertènnere Sentences sa chistioni interessat a issus puru, mancai giòvunus e pagu pràtigus de língua sarda ◊ custas cosas chi sezis nendhe bois no m'interessant 2. si ndh'est interessadu, de sa faina, e l'at fata a dovere ◊ ti promitu de mi nd'interessai dèu, de cussa chistioni Translations French intéresser English to concern Spanish interesar Italian interessare German angehen.

pertocài, pertocàre , vrb: pretocai Definition tocare, reguardare, èssere de ccn. o de calecuna cosa; foedhandho de gente po su chi est sa manera de fàere, fàere dannu a su crebedhu de arresurtare unu pagu macos Synonyms e antonyms impertocare, tocae / sprestocai Sentences su chi ti pertocat, bonu est chi dhu circhis! ◊ in sos archivos si podet imbènnere su chi pertocat s'istória ◊ s'allega de prus importu mannu pertocàt sos annos chi aiat istudiadu (Z.F.Pintore) 2. cussa maladia dhus pretocat su ciorbedhu! Etymon ctl. pertocar Translations French revenir, concerner English to concern, to be due Spanish concernir, corresponder Italian spettare, riguardare, attenere German angehen, zustehen.